同個男仔兩個去旅行, 頂!!!!!!!仲麻Q煩過女人

:0:0

標題可能好似有少少呃咗你入嚟嘅感覺，但請睇埋落去

我七月尾就同咗個識咗好多年嘅男仔fd一齊去旅行
未出發前酒店機票全部都係我book，要我plan曬行程由出發幾個月前已經日日催我但係佢自己就唔上心，全部嘢都要我做曬又鬧我「個trip你都有份去㗎」我心諗原來你就冇份去 ...
不嬲都知佢自我中心兼自以為是但係日對夜對先係惡夢嘅開始...

我著咩佢都要批評我頹啲著件連身裙去機場佢話我影衰佢佢成日講到自己周旋喺無數靚女中但係又同我去?WTF? 仲有佢會唔會睇得自己太重? 其實冇人會留意我地佢就以為自己好多人留意(姐係著對vans鞋，咩個herschel背囊(仲要係借我嘅嚟用)就以為人地望到佢會覺得佢有錢咁)
我細佢兩年，但係我覺得自己似佢家姐多啲，吖唔係，應該係老母至啱。
事關佢全部嘢都要我讓佢我地未夠20歲買唔到sim card，但係機緣巧合下識咗個本地人就整咗張sim card返嚟，咁好明顯係佢keep 我就要睇佢心情睇佢面色睇佢有冇便秘睇佢...而決定我有冇得上網。咁我可以理解張卡係佢keep，始終佢部電話快過我但係佢放熱點比我就愛放不放。家下張卡我都有份比錢，你話張卡你買就你想唔放就唔放姐，但係我叫佢放熱點比我就好似奴隸要跪地叩頭請皇上恩寵咁。

前文提及我地識咗個本地人，跟住佢幫我地整完sim card熟絡咗，仲帶我地玩咗半日，突然有一晚我瞓咗之後個本地人話無家可歸所以想喺我地酒店房留宿一宵。我fd就比佢嚟咗(成件事本身已經好荒謬)，我fd喺佢嚟之前就pack好曬佢啲貴重財物落喼，但係由得我個喼攤出嚟冇閂到，唔該曬。我事後問佢，佢話因為條友知我冇錢，唔會拎我啲嘢。(我:咁你係咪冇責任幫我閂返個喼,由得啲嘢攤出嚟?) 佢就話咁我點知你個喼點閂姐。(我個喼冇密碼鎖,就咁拉鍊)
我地識嗰個本地人係因為當地好興「層壓式推銷」，啲後生仔會係街用個好貴嘅價錢sell啲好cheap嘅嘢。佢就明知係呃人，都懶係大慈悲買好多，!!留意返，佢係用共用嘅錢買。!!因為佢第一日就土豪上身，所以之後我地日日經過嗰條街，都會比人截住叫我地買。加加埋埋買咗一千港幣左右，但係佢本身多錢過我，所以最後搞到我得返好少錢，佢就仲有勁多閒錢。

跟住我plan個行程本身好豐富，四日台北四日台中，但係佢臨時話想留喺台北，fine 反正台中嘅酒店我都未book。跟住要臨時book多後面嗰幾日嘅酒店，咁前面個幾日係我比，咁之後嗰幾日佢比，係咪好正常？但係之後個幾日嘅酒店錢佢就要同我aa。姐係佢suppose前幾日嘅酒店錢係我比，之後個幾日就aa。佢話如果我要同佢計就之後再計，但係佢就要即刻同我計。做乜鳩。
而且沖涼一定要佢沖先，一定一定要我讓佢沖。(仲要係浸浴)佢仲會扮曬嘢咁問「我沖先得唔得呀？」無論我答得定唔得佢都一定會沖先。搞到好似我沖先啲水就會含鉛超標咁，我都未話你沖完殘留啲鳩毛喺浴缸度。
中間嗌交冇數，好多比較少事嘅我已經冇講，要打曬出嚟應該可以作篇故。我不停內心掙扎改機票早走定係襯佢瞓教將佢啲行李掉落街，但都比我捱到第八日，再遲多幾日走我分分鐘變鄭捷。

退房個陣，12點要退但係12點令佢仲執緊嘢，跟住我神早pack好曬嘢屎都痾埋喺度等佢。點知佢擅自(冇錯係擅自)拆開我個喼放佢啲嘢落我度，同另一半去旅行放嘢落對方喼都會問啦，佢問都冇問就拆開我個喼。仲要拆完唔閂返要我自己閂。(利申:佢個喼大過我)
返香港嗰陣，佢戇鳩得濟將啲液體hand carry，安檢要佢去返行李託運個度放返佢樽嘢。跟住佢叫我幫佢去，原因:佢唔識點講。我心諗你唔識國語你唔講英文？你唔係好鐘意扮曬嘢同啲台灣人講英文㗎咩？上面個堆嘢我都冇講出口，因為好趕時間，我屌佢都廢事就出返去幫佢託運埋佢啲嘢，入返嚟仲要排多次安檢，屌。佢仲要係用啲死人態度催我快啲去，搞到樽嘢好似係我咁。
我都知我唔可以怪曬佢，係我長年就慣佢搞到佢變本加厲。但係我懇請呢度所有人見證我發誓：如果我再佢去旅行我生仔冇屎忽冚家生花柳出街比車撞總之就不得好死!!
Ps.如果不幸比你見到呢個post 你一定知我係講緊你!唔洗反駁我,我開得呢個post預咗冇fd做多謝
上面篇文係我喺7月28號打嘅，本身打嚟發洩下，都唔想搞大件事。但係今日(2/8)我同個朋友食飯，講開先知喺旅行嗰陣，有一日我請佢食飯啦(佢生日)，係啲高級西餐廳食，埋單千幾蚊港紙左右。跟住原來條友周圍同人講「本身係AA,但係XXX(姐係樓主我)冇錢比所以就我請佢。」
男人老狗做到咁肉酸覺唔覺得羞家呀譚生？聽完真係無名火起，我同你絕咗交我都忌你三分，我有冇周圍唱你？做男人做到你咁真係好撚核突。唔該各位評下理。

[圖擷取自網路，如有疑問請私訊]