袋住12個爛GAG出街，同囡囡出街唔怕無話題

:0:0

1.「有個女仔入咗間茶餐廳，然後叫咗全脂奶，好啦，當侍應送到埋嚟，個女仔反問：『支奶係咪真係全脂架？』侍應回答：『梗係啦，唔通我俾半支你咩！』」
2.「某日，死黨問陳生：『如果你隻狗喺後門吠，而你老婆又喺前門大叫大嚷，你會俾邊個先入屋？』陳生諗都冇諗就答：『梗係狗啦！起碼佢入屋後識收聲！』」
3.「有一塊火腿同一條腸仔放咗落同一隻鑊度，點解佢哋唔傾計？ ……因為佢地未熟。 」
4.「有邊位西甲球員，掛靴後可以入舞台劇幫手？（估1種職業）……登登登登，就係沙治奧拉莫斯（拉幕師）啦！」
5.「點解姚明要捉比卡超？…… 因為姚明係火箭隊嘅！」
6.「開學日自我介紹，同學A:『我係韓國溝日本混血兒。』同學B：『我係英國溝美國。』同學C：『我都係……我係爸爸溝我媽媽。』」

7.「有日，習總為招待印度總理到訪而設立國宴，然後印度總理就笑問：『你哋中國人都幾奇怪，點解唔學我哋印度用手食飯？又方便。』第日，習總就吩咐大廚：明天中午，改設打邊爐……」
8.超人同女超人一齊做伏地挺身，點解超人做完地上有個窿？而女超人卻有2個？因為超人用單手做伏地挺身，女超人用2隻手做。
9.「點解10000至100000之間得89999個數字？因為董伯伯講過：『八萬五已經唔存在喇』。
10. 1對僑居義大利嘅中國夫婦，某天太太去街市買雞胸，因為佢唔識講義大利話，只好學雞叫，再指指自己個胸，想買雞腳就指自己對腳；後來佢想買香腸，卻返屋企叫丈夫嚟，點解？…………………因為佢老公識義大利話。
11.「我有啲唔開心，於是我搵咗個地方坐低……飲杯嘢，咁我坐低咗無耐啦，然後就有個女仔走埋嚟啦，佢就同我講：『先生，你一個人呀?』我話係……然後佢就收起咗我對面啲碗筷。」（節錄朱凌凌無gag聊）
12. 「有日，小明走咗去睇醫生，醫生問佢：『你便便正唔正常，規唔規律呀？』小明就答：『好規律呀，每日8點都可以屙。』醫生就話：『咁幾好呀。』然之後，小明就同醫生講：『不過我九點鐘先至起身。』」（節錄朱凌凌無Gag聊3G笑到卵停）