女朋友如果有呢 5大特徵，男朋友真係會比你引誘到

:0:0

所謂人靠衣裝，外表打扮係點，好多時都決定你夠唔夠吸引，雖則話人人既審美角度都好主觀，好難用一兩句說話概括曬。但近日就有一項科學研究，總括咗女士們以下呢幾項特質最吸引，簡單嚟講，就係做到以下呢幾項既，就能夠喺最短時間之內吸引到男士們既目光，留下美好形象。
1.淡妝夠「自然」

有人講過，日常生活無論出街定返工，化個得體既妝，除咗化俾自己睇，其實亦喺對旁人既一種尊重，原來化妝化成點仲決定咗佢地既吸引力！有約會網站同手機應用程式之前做過分析，發現女士們如果有畫眼影，收到男士們私信既機會，比起無化眼妝既女士們高出139%；而有搽唇膏比起無搽既女士們，成功約會既機率就高出119%。如果講到成個妝，原來淡妝，或者色彩比較豐富既妝容較受歡迎。換言之，妝係要化，但化得愈淡，做到「化咗好似無化」既境界，就最吸引。
2.腰、臀都係重點

樣貌以外，身材、身型比例可以話係另一個佔分同樣重既部位，尤其係「腰臀比」，即是腰圍和臀圍既比值，由髖骨上方的腰部周長除以臀部最寬處周長，女性最理想既比例係0.7，男性就係0.9。呢個腰臀比除咗睇到你身型靚唔靚之餘，仲同健康有密切關係，睇腰臀比可以知道女性雌激素水平、肥胖風險，甚至患上糖尿病、卵巢癌、心臟病等重大疾病既風險。另外，你可能聽過有種講法，話臀部比較大既女士們生育能力比較強，原來，你既身型唔單止影響男士們點睇你健康，仲會同你既生殖力掛勾添！
3.紅色衫最吸引

頭先講過，妝容愈淡愈有吸引力，咁你可能會覺得著既衫都應該淡色？錯！係愈鮮艷愈好，好似紅色衫夠搶眼就最好。美國羅徹斯特大學（University of Rochester）的心理學家，做過一個實驗，就係喺男士們面前，展示一張相框分別係紅色同白色既女性照片，另一部分研究就展示同一張相，但相中女士件衫，就由紅色改為藍色，最後詢問測試者如果你有100元美金，你願意花多少在約會中。結果發現，無論紅色相框的女士，抑或穿紅衫的女士，都相對較吸引，亦會令男士們願意花更多錢喺佢地身上。
4.賢妻良母仲有市場！

雖然有話「男人不壞，女人不愛」，但呢句話用喺男士們揀女性指標的話就絕對唔啱用，近日喺《個體與社會心理學會刊》（Personality and Social Psychology Bulletin）發表既一項研究就證實，男士們喜歡女士們身上有一種俾人friendly，甚至和藹和親既感覺，而且對於一啲富有女人味既女士們，更願意發展長遠的交往關係。
5. 聲線都係種武器

外貌俾人地第一感覺，但見完樣，聲音原來就係第二種武器。研究表示，女士們喜歡聲音低沉既男士們，覺得佢地咁樣更有男性魅力，甚至會將佢聯想係一名身型魁悟既男士；相反，女士們聲線既調愈高，或者尖細嗓音時，都同樣會令男士們聯想到對方擁有嬌小玲瓏既身材。

[圖擷取自網路，如有疑問請私訊]