真係好睇唔起現今啲香港仔，做兵做到佢咁

:0:0

我有個舊同學，男仔來，廿幾歲，屋企叫做有啲錢，有車有樓，有幾個私人單位係手，佢都唔算二世祖既。
高中畢業後都出來做野打份工，但就搵得唔多，得果萬幾蚊。

我同學就係工作上遇上佢既拜金女神，都唔知話佢好彩定唔好彩啦。
你可以話佢好偉大、好有恆心去追佢，
但咁耐以來個女仔只係當佢係兵，個女都講到明冇可能，但我同學都照中個頭埋去。

個女仔都係同樣廿幾歲，而在我立場，我以事論事，不會偏幫我同學，
我都成日鬧佢無謂哂錢哂心機落呢個女仔度。
雖然他是我同學，但我真的好看不起他這種態度，
我想香港地應該有唔少人甘心無條件做兵，同外國好唔同，
我問10個外國人10個都說他們國家沒有這種兵，香港就是有這麼多的白痴仔。

-
就講下女的如何拜金，男的如何傻仔。
女的所有美容產品，包括日常護理、facial package 、以至全身脫毛的費用都由我同學一手包辦，
平時出街睇戲食飯買品牌手袋呢啲小意思啦，他們一起去旅行的費用又包辦埋，
就連個女仔同自己啲fd去旅行，佢係香港都好似部atm咁 要幾多有幾多 咁錢比佢，
無條件每個月幾萬銀咁開大水喉咁比哂佢。
又試過個女仔同啲fd行街，佢睇中左個手袋，即刻call我同學岀來比錢，

比完錢之後個女仔話佢同啲fd要去唱k，就打發我同學走。
佢地公司每星期返5日on shift，平時個男仔好主動咁將自己果2日假比哂or1日假調比個女仔，等個女仔一星期有3至4日off，
而佢就連返十幾日先有得放假，捱到個身體差哂成日病。
為佢付出左咁多，手仔都冇得拖。
我同學同我講佢捱到好攰但佢覺得值得，
我真係唔知講乜好，唯有做佢聆聽者，我話又話過佢，佢都係唔聽，我真係開始睇唔起佢。
聽他說個女的出面還有幾隻兵，佢應該係最有錢果個。

祝呢位巴打好運。。
最後送上：[MiNAS米納屍] - "咪又係做兵" ft.檸樂

發布日期：2015年4月1日
曲:[email protected]
詞:MiNAS, 薑檸樂

.................................................................................
*長路漫漫是如何走過
其實我細細個已經好想拍拖
我愛既人已有愛人冇個冧我
到最尾咪寡佬一個
喂朋友你好似有D煩惱
望真D又有少少煩躁
講真兄弟我地講心唔講金
你一有頭痕我即刻出呢聽你呻
學業問題? NO健康問題? NO 錢銀問題?
哦感情問題係幾困難既等我為你一一講解
之前你感情生活仲係幾幸福
你女神同你係銅鑼灣到遠足
眨下眼你自己踎係公園痛哭

就連3蚊既紙巾你都要問我借
有無諗過自己已經付出太多
有無問過以往當初你算什麼
自古英雄難過美人關
你唔係英雄錢銀緊係無得慳
你話你愛佢唔介意你比曬佢
佢話佢愛你但係點對你呢一個伴侶
感情係無分彼此次次都係你比錢
愛情係無分貴賤埋單唔該BB搞掂
明明知道做人係唔可以感情用事
明明你知道感情上點都要有D理智
你知道你照做歷史重演既道路
一失去又再追無限輪迴既過去
你跟本都唔明依個世界除左愛情
仲有好多好事情係可以好滿足
鹹魚白菜也好好味你有冇聽過你咁講佢會理你

大多兩歲你會明白人生學問依家野尤其是香港依個地方
就係要同你講你要自私一D 自戀多D 咁先得人去中意
世界最遠既距離唔係你比唔起既首期
而係你鍾意既人佢根本唔鍾意你
感情全因緣份而起
再勉強再努力佢都唔會簡你
學識呢個道理獲益既係你自己
雖然呢段感情係有D苦澀味
失去咪灑脫月都有陰晴圓缺
人悲歡離合問世間情為何物

[圖擷取自網路，如有疑問請私訊]