霸位靠隻狗 港女幫bf搶車位大鬧MK
港女企喺錶位中間幫男友霸車位，係唔可以咁做啵。
駕駛人士揸車出街想搵位泊車，如果唔想畀勁貴停車場費，識泊一定係泊街邊錶位，皆因抵到爛，泊一個鐘都只係8蚊，比停車場平一大截。不過由於錶位少，真係爭崩頭。
要泊到錶位真係要講運氣，不過近日有位拖狗港女為咗可以令男友喺旺角太平道成功泊到錶位就駛出絕招，咪就係拖埋隻狗企喺個「吉」錶位中間霸住囉！究竟呢招行唔行得通？當然係唔得啦！
一位女司機懶理仲將私家車準備泊入錶位，不過港女企咗咁耐霸位點會走，於是咪爭執上嚟囉，女司機仲拍片兼報警添！片中見港女四眼男友已經趕到，但見勢色唔對咪想拉女友走，但女友就好堅持要報警理論，結果兩個喺街度拉扯咗一陣，港女仲好唔忿氣咁話︰「佢撞到我呀頭先！」不過男友見懶理繼續拉走女友。
呢段片今日喺網上瘋傳，唔少巴打都話呢位港女霸道同野蠻，明明做錯都唔認錯，但亦有網友話其實好少事，拍片女司機唔應該將片放上網，仲話香港好多貨車都只以手推車霸位喎。唔想為搵位泊車煩惱，咪唔好揸車搭交通工具囉，陳奕迅都話啦，港鐵既方便又快捷嘛！
不過港女如意算盤敲唔響，仲引來女司不滿報警，港女男友見此即拉女友閃人。
其實香港錶位咁抵泊，所以咪爭崩頭囉！
網友就話港女太野蠻，錯咗都唔認來源:facepop
[圖擷取自網路，如有疑問請私訊]
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
今日大件事
