勒索軟體扮執法機構捉到你上鹹網

sponsored從全球最大色情片網Pornhub嘅2015年度報告顯示，流動裝置嘅瀏覽量已超過一半，證明好多人轉用智慧型電話上鹹網。最近Blue Coat Labs發現一款針對Android平台嘅勒索軟體Cyber.Police，透過不具名色情網將惡意代碼放入手機，軟體會假扮美國國土安全部，話查到用戶上網瀏覽記錄「涉及不法行為」而鎖機，並彈出通知要求交罰款…打個J啫，唔使出動到反恐特工啩。 軟體有「特別的勒索技巧」，佢會叫受害者買兩張US$100嘅iTunes儲值卡，輸入兌款碼交錢，其實現時有唔少難以追查金錢去向嘅交易方式（如Bitcoin），理論上Apple會知道邊個用戶兌現受害者所買嘅iTunes卡，所以手法幾罕見。另一有趣之處係佢並冇將受害者手機內重要資料加密作要脅，而係鎖定罰款畫面，令人用唔到手機嘅所有功能。sponsored據了解，Cyber.Police利用舊版Android 4.0至4.4漏洞作出攻擊，Blue Coat Labs建議用戶定期備份重要資料至手機內存空間及記憶卡以外嘅地方，萬一出事都可以回復原廠設定，同時要經常更新手機系統及瀏覽器版本。


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁