【男神多搞作】黃子華×佘詩曼 開拍電影《棟篤特工》
![]()
sponsored尋日我哋先至講過子華神即將回歸，孖埋陳法拉一齊做舞台劇，點知原來男神仲有新搞作呀！就系會同佘詩曼一齊拍新戲《棟篤特工》！聽個戲名就知道搞嘢啦！唔通系《棟篤神探》×《絕代商驕》嘅電影合體版？
![]()
《棟篤特工》講乜Q？故事系講黃子華1997年之前為英國做特工，香港回歸後成為孤兒仔，阿媽（英國）唔要佢，有啲似《國產凌凌漆》嘅周星馳，佘詩曼就飾演坐完監嘅黑社會大佬嘅女人，簡稱「阿嫂」。子華無依無靠唯有靠自己，開咗間「人口問題處理中心」——即私家偵探社。子華作為一個善良嘅私家偵探，唔想教人離婚，反而想幫人調解糾紛和好如初。直至有一日，佘詩曼坐完監出嚟搵子華算帳，原嚟阿佘10年前搵過子華幫佢搵老公，搵咗10年都搵唔到。sponsored然後有一個後生仔，發明咗一隻「真性情藥」，食完後真性情表露無遺，例如顧家好男人突然獸性盡現搞人老婆……子華就同阿佘聯手調查呢單案，想搵果個人出嚟研究解藥。正當佢哋以為成功打到大佬之際，先至發現背後原嚟仲有更大嘅陰謀——佢哋發現，原來好多行為瘋狂嘅人，其實根本都無食到呢只「真性情藥」……
![]()
《絕代商驕》之後，子華同阿佘都有7年幾未有合作啦！好Q期待咯！
![]()
sponsored
[圖擷取自網路，如有疑問請私訊]
 | 喜歡這篇嗎？快分享吧！ |
前一頁
後一頁
