《挑選地獄的真男人》女朋友見我玩《Dark Soul》唔耐煩咁講咗句：「係咁死嚟死去，有乜好玩啊？」

:0:0

有晚女朋友見到我玩《Dark Soul》，佢剛剛先喺韓劇嘅夢幻之中回到現實，見到我玩嚟玩去都喺呢個位走嚟走去，死完又復活，復活完又死，佢好唔耐煩咁講咗句：「係咁死嚟死去，有乜好玩啊？」

sponsored聽到佢呢句，我無解釋，因為我知佢永遠都唔會明白……唔知係唔係基因問題，男人總喜歡向難度挑戰，仲記得我第一隻Gameboy Mario，幾經辛苦從金字塔、落到水底，走到復活島，再打疆屍，然後仲飛上天，爆完機，我以為一切都完結嗰陣，原來第二周天係更難，當時我就知道，原來自己追求嘅，唔單止係玩遊戲，更享受俾遊戲玩！從此以後，只要遊戲有難度選擇，我都只會揀最難去玩，有時聽到朋友玩同一隻Game，佢話已經爆機，我望一望，Easy Mode，就好似喺公廁見到有男人行入廁格痾尿一樣，佢嘅人生已經完咗。世間最可悲嘅，唔係用盡全力都打唔贏強敵，而係不廢吹灰之力贏咗個弱智。真男人永遠都唔會欺負弱者，由細到大嘅日本漫畫都教導我哋以弱勝強！失敗！修練！挑戰！勝利！sponsored呢條路，愈係困境，愈係難行，取勝嗰陣，就好似忍屎忍無可忍，喺廁所除褲嗰陣，未掂到廁所板就已經爆發一樣，只差一點點就會輸！不過，我贏咗！呢種舒暢，呢種生死邊緣，坐喺廁所成個鐘都痾唔出嘅便秘人士唔會明。人生亦是，含住金鎖匙出世，一開始已經係Easy Mode嘅高富帥，即使點爆機都好，都唔會有人欣賞，因為呢種人生，就算係弱智嘅都會通關；相反，自細係孤兒，另有殘疾，唔靚仔，屋企仲差落一筆街數要還，仲要又矮又短，如果咁你都可以爆機，呢啲就係真男人喇！如果人生可以俾我揀Mode，我可以好肯定地答，我會揀Easy！真男人，留返俾大家做！弱智仔呢種角色，唉，我幫你頂埋佢。來源:blog.menclub.hksponsored

[圖擷取自網路，如有疑問請私訊]