【賤男的自白】分手期間我同女神姐姐去開房

:0:0

件事係發生係同女友第二至第三年間，

本人今年廿三歲，話說我有一個穩定既女朋友，都三年啦，同佢感情都算唔錯，大家一齊渡過左好多個時期，只係少咁種激情，即係個心怦怦跳好興奮果種，由一開始一齊到而家都係咁，似係一家人果種感覺，但都覺得相處得幾舒服，女朋友個樣唔算差，細細粒都幾得人鐘意，自問自己條件麻麻，普通sales仔一個，月入都係萬中度，都唔敢強求自己有個絕世美女做女友，所以都盡力對呢個女友好d,除左佢有一次疑想偷食之外(同事話俾我知佢同某某玩得好岩腥信息講肉麻野，大家同公司但唔同鋪做野，果陣岩岩一齊左一個禮拜度，我當佢未開始投入呢段感情啦，俾同事踢爆左之後佢都識停，最後都不了了知)都叫做相安無事咁過左兩年。
點解好似講左咁耐，都唔知自己講緊乜咁?繼續,上年開始無哂班自由行大客，零售業開始做唔黎，人工1個月比1個月少，想轉行學返一技之長，始終sales做唔長唔可以當終生職業，咁就轉左去做某某學徒，其實開頭去見工都係純粹因為近屋企，入到去問reception請唔請人，本身低頭寫緊唔知咩既recept姐姐一抬起頭，嘩....仆街....仙女!?我當堂呆左，個心跳到就黎好似爆炸咁，但仍然要扮鎮定，但小弟弟無申出黎亦無去警局，咁理所當然最後梗係入左去做，你可以話佢係女神，因為佢真係，唔好意思原諒我講野咁廢，

只不過我從來都無諗過對呢位女神有咩非份之想，我有女朋友，佢有男朋友，佢大我6年，果陣我22歲佢28歲，猴都唔會猴我啦，傻架咩係咪??
開頭同女神姐姐除左係鋪外麵食煙會傾下計，其他時間都無乜交集，因為都幾忙，成日都要ot，雖然傾得幾句，但發覺佢真係無架子，唔會因為我新同比佢細就當我kai子，反而會耐心叫我有咩唔明記得問，果陣真係好感動，真係當正佢係女神，我都有同女朋友講有呢個人既存在。
********************
但做左一排開始有問題，突然由萬幾蚊既sales到而家得9000蚊既學徒，一個月放8日假變到得返4日假，少左時間休息之餘人工仲要少一大截，個人自己無精神洗錢又會孤寒左，女朋友就開始唔鐘意，好多時都會有怨言，少左時間陪佢買小左野俾佢，同親佢出街成日都嗌攰要返屋企之類啦..果陣其實都幾傷，唔體諒之餘仲要厭我呢樣果樣..明明做呢份工之前相處得都好好，平時出街都係我埋單，以前搵得多過佢，我都心甘情願，而家開始想aa,就俾佢噴到一面屎，雖然佢有時都會肯，但一定有樣或者說話俾你聽，唉有時日日聽佢日哦夜哦真係想跳樓，係咁叫我轉工，鬧下哄下又過左半年..
做野果度開始上手，慢慢見到前途，其實都幾有滿足感，雖然錢少又辛苦，但始終係自己揀無得後悔，但半年過左女朋友仍然係多多埋怨，有時心諗你咁唔滿意點解要同我一齊呢..?你都諗下我前途啊係咪?唔通做到40歲都仲係做一個sales?
由於搵得少時間又少左，連我唯一既樂趣機車都賣埋，皆因擺多過渣，收工攰到撚轆都唔敢渣出街驚撞死自己又累街坊，養架車都唔係少數目對我既人工黎講，其實越講越離題，但由我啦詳細d都唔係咩壞事哈哈..賣左車之後又俾女朋友哦，話好地地做乜賣左架車，搞到出出入入幾唔方便，每個月千零蚊都養唔起之類啦，果陣其實分手念頭都已經開始有，係佢面前我覺得自己真係唔似個男人，連做野都影響埋..
********************************
講返同女神姐姐，真係我每日既心靈之柱，好似講咩佢都明都俾到好既意見我，講明先一直都係以禮相待從來無做d咩越界既事，因為我好清楚同女朋友就算幾唔開心都唔可以背叛，更何況女神又點會猴凡人，唯持到咁既現狀已經叫做萬幸。
之前都話有分手既念頭，但原來一直都唔係得我自己咁諗，咁都係既大家都有權選擇更好，我俾佢飛起左，狠狠地拋棄，果陣諗返都覺得好驚，兩年黎既付出因為無錢無時間就搞到要離開我?我嬲，好嬲佢，點解可以咁樣?第一日嬲，第二日嬲，慢慢第三第四日，開始變到唔開心，再變到掛住佢，好掛住佢，原來已經習慣左俾佢日哦夜哦，你話人真係咁犯賤..但已經發生左又可以點，唔通話如果從來無轉過工會幾好咩哈哈..過左半個月春茗公司食飯，我全程淨係狂隊酒，係咁隊係咁隊狂隊喪隊....隊左我諗差唔多有..2支，我醉左..
其實我好唔飲得，見醉想走先，d同事打牌既打牌，吹水既吹水都無人會知我走左,行行下見暈坐左係公園度，電視劇集式自怨自艾，怨天怨地，又電視劇集式女神姐姐原來一路跟住係我後面，其實電視劇集既野都係可能會發生，但無諗過會發生係自己身上，第一次同女神姐姐咁深入去傾計，其實果陣我相信我都傾唔到咩計，估計純粹語無倫次，之後我竟然做左樣會令我好好好好後悔，我同女神姐姐去左開房!阿媽話酒醉三分醒，我話人十分醉，心十二分醒，根本醉只係俾自己一個做錯事既藉口，但既然我都已經俾人飛起，仲有咩可以輸，最多隻係一個搞人女朋友既賤男..果一刻根本無諗咁多，只係覺得女神姐姐好似救世主一樣，雖然唔知點解佢會肯，但我地最後都係發生左關係。

其實我鐘意左你好耐，到而家我最有印象既只得呢句，唔想加太多幻想落去，因為係真係發生過既事。女神其實對我都有意思左一段時間，雖然佢事後好內疚但試問有邊個人可以呃到自己既感情，又有幾多人可以理性咁處理..?唔係想將呢件事合理化，只係..算繼續
之後女神竟然叫我唔洗諗咁多，唔會為難我要我負咩責任，呢件事之後我同女神少左好多傾計，好似大家對對方都好避諱咁..但佢既心意我收到，大家都唔方便再講d咩。
咁女朋友點?唔係先岩岩分左手點解咁快可以同第個開房，所以我好後悔，就算分開左我都覺得自己好似欠左ex咁，雖然掛住佢，但更加覺得自己無面去搵佢，突然覺得自己好無用，諗返起自己以前講過既野，重新loop一次自己同佢經歷過既野，望返今日既自己，個心更加痛，但我又可以點做，可以同邊個講?
同女神件事無耐之後ex搵我要上黎執埋淨返d野，我自己身有屎都唔敢再講咩挽留佢，佢走時問我有無野要講，我話無，佢出門之後我一直企係門後面，但好耐都聽唔到聲，原來佢企左係後樓梯喊，佢同我講，你留我一句，我就會留低，你唔留我，我走，但我真係走唔到你明唔明，呢半年我地一齊返，佢為我改變左好多，半年黎都無再鬧過交，可能大家都係失去過知道對方既重要，但我同女神呢個秘密一直都唔知應唔應該同佢講..自私地諗，我可以一直呃佢，但呃唔到自己，唔同佢坦白令我自己好辛苦，而家佢對我比以前好令我更加覺得內疚，同女神而家已經無幾句，對話內容實在客氣到不得了，乜野都係唔該前唔該後，好似比陌生人更加陌生，心底入面其實我好重視佢，好多謝佢，但我地已經唔可以再好似之前咁，或者話無可能去返發生關係之前咁，呢樣亦係其中一件令我不能釋懷既事。