跟日本女生戀愛：日本女生有什麼缺點？

:0:0

為你揭開日本妹kawaii背後的可怕的一面！請各毒男做好心理夢想幻滅的心理準備！

1. 日本妹都講「錢」
人都會有現實的一面，而日本妹都係人，所以都會講錢，講地位等現實因素！唔好以為日本妹真係咁浪漫，媾日本妹真係唔使錢。但其實咩都只講感情，下下鐘意唔鐘意就亂黎，唔識諗下現實的女人仲煩。好的女人都係有現實的一面。不過，日本妹同港女唔同的地方係，日本妹會睇錢只係其中一個能力的指標，更重要係錢背後的才華，即係持久的賺錢能力。而港女就講現在錢的量，而唔係持久力。（so9ly, 係持久賺錢能力）

2. 變面術
日本人普遍係唔同group，場合有唔同的行為表現。比如有人係多人數group時好喪，好瘋，但少人數group時就會好正經。又有人係大人數group會唔講野，但少人數group時就好talkative。日本妹唔會好似港女咁率直。呢樣野有好多人唔鐘意，但我就好鐘意！我係性格gap控！我女朋友平日就好斯文，但一講起我地的偶像就會好high好興奮！慢慢發掘日本妹不同方面係一種樂趣！不過同時要捉摸日本妹性格係好麻煩，好花時間。解決方法係邀請你的目標去不同場合，同佢相處及觀察佢的行為。又要夠八卦，問下其他人同佢相處時的情況，咁樣先知佢的性格。

3. 日本妹真係好鐘意去迪迪尼
唔知點解，日本妹比任何一個地方的人更鐘意迪迪尼！日本人稱迪迪尼係「夢之國」，好似佢地的夢想就係係迪迪尼裡面咁！有去過日本迪迪尼都知，日本妹係會cosplay咁去。現實上，我識過一個日本妹拎住year pass，每個星期都去一次！另外2個日本妹朋友就係香港逗留2日1夜只為去香港迪迪尼！佢地話香港有機動遊戲係日本無，要試下！如果溝日本妹就要有心理準備大量進貢俾米老鼠！隨時會有荷包乾塘危機！但調轉講，迪迪尼year pass就仿佛係溝日本妹神器！有year pass，約會日本妹隨手可得！(雖然我無用過)