立法會選舉，點票員爆料，d阿婆係瘀血

:0:0

小弟係9月4日有幸擔任新東選區某票站既監票同點票代理人，真係見識到香港老人先係瘀血，在此逐一講所見所聞比大家聽。

sponsored 搞笑類1. 有個阿婆一行埋黎分流區，就大大聲話「唔該，我黎投10號同9號架」，票站職員叫佢比身分證先，佢又重覆多次「大張既10號(葛珮帆)，細張既9號」2. 個阿婆過左陣又拎住張選票行番黎分流區，問「我唔識字，請問揀10號同9號咁樣啱唔啱?」，跟住遞左張票比工作人員睇3. 有另一個阿婆，工作人員講解完直選同超區兩張選票各cup一個印後，佢話「我填錯左會唔會拉我坐監架？」工作人員話冇人知你選左邊個架，阿婆又問「我填錯左可唔可以比多張我填過？」4. 有個阿婆仲搞笑，佢入到黎，拎完選票後，拎個手機出黎禁禁禁想打電話，我即刻舉手示意叫工作人員埋去，阿婆話「我唔記得左幾多號呀要打電話問呀」5. 有個阿婆用智慧型電話，拎完票後個電話大大聲響，慢慢開袋拎出黎，我已經舉手叫工作人員埋去，同叫話「唔好比佢聽」，個工作人員亦好配合話「入到黎唔可以接聽電話架」，但個阿婆可能少用電話，根本唔識用，搞左成6-7秒都cut唔到線，個電話繼續大大聲響，全場望住佢咁濟，結果要工作人員幫佢拒接個電話。跟住過左15秒又響過，個工作人員幫佢拒接+幫佢熄埋機

sponsored 燥底類1. 有兩個阿婆一齊黎投票，我一睇就見到掌心雷出動，即刻舉手叫工作人員處理，跟住佢地收埋入衫袋，過左陣佢地行去投票間投票，我離遠見到其中一個又拎番張紙仔出黎睇，我又舉手，個阿婆知我篤灰後行埋黎講左句「我係唔投你班後生呀淨係識搞事」2. 有個中年阿婆(50幾60歲)埋黎分流站，喺袋拎身分證出黎時，我偷睇到佢好似有兩張身分證，我懷疑係代替其他人入黎投，於是叫停左個兩個派票既人員，叫左主任埋黎，講完之後主任根據指引問左佢兩條yes no questions, 但無助證明佢係咪真係個個人，我問主任可唔可以叫佢講地址核對，主任話唔得，唯有比左張票佢監票斷斷續續加埋成10hr，見盡個票站入黎投票既人，真心講句，原來香港就係咁，一大班老人，連候選人都未分得到，字都唔識多隻，更加唔好講咩政綱，人叫佢投乜就投乜，配票機器琴日搭地鐵出街見到呀婆，不禁聯想起票站既畫面，係連位都唔想讓比佢地甚至覺得有部分老人家係連$2優惠都唔配有