【真人真事】筲箕灣拜神遇到山妖，拜神要小心

:0:0

香港有不少靈異都市傳說，有些講足幾十年，如中大一條辮（辮子姑娘）、溫莎公爵大廈狐仙殺嬰傳說，仍然有它的魅力，版本亦愈來愈多。

繼上回回顧港鐵靈異傳聞，今次繼續遊走香港都市傳說，有些傳聞，可能你真的未有聽…
筲箕灣成安街對上山坡，原有不少寮屋村落，一九八九年政府收地之後陸續拆毀。
傳聞遇山妖之處，是愛秩序村，上有三國烈廟，建於一九九三年。
廟園有「觀音」，「洪聖」、「福德」、「關帝」、「劉備」和「張飛」六廟。

筲箕灣撞山妖同洪聖廟洪聖爺顯靈(拜神要小心)
我家姐半年前驗到條頸有個腫瘤,唔知良性定惡性,
佢聽人地講去少人既廟拜會特別靈,
於是佢自己去左筲箕灣後山上面間廟(唔係洪聖廟,係山上面間乜神都有既廟),仲應承好番會還神.

我家姐離左婚,我同佢同埋佢個女一齊住,佢入院,我幫佢鄒住個女.
後來佢做完手術第二日佢個女就狂喊,仲喊到發燒,話見到有人o係屋企,嚇到我死.

之後幾晚,唔係晚晚,但係間唔鐘佢就喊.
我自己都聽到幾次敲門聲,敲完幾下成晚就唔會再敲.
我家姐後來講話佢拜過神話會還神(需然唔知點解班神急成禁,要人做完手術即日還神),
我即刻買份寶去還神,點知仲大鑊...

我去到後山,見到直上間廟條樓梯有個道友吸完毒o訓o係度,

於是行右邊條樓梯,
明明見住條樓梯係上間廟,但係行極都行唔到,

行行o下連間廟都唔見埋,越行越唔對路,
成座山本身好細,但係行到對腳好酸,
睇一睇個電話,應該行左差唔多八九個字,
上去其實應該淨係要十分鐘.
因為沿途有幾個神牌,爛左既神像同埋馬桶,好得人驚,
而最得人驚係行極都唔似行錯路,返左原位,係行極都唔同,行極都仲有,好似越行越深,但係一直都係上緊樓梯.
我真係好驚,於是掉頭落山,過多一陣,再望電話,見到已經再行左成四個字,真係好驚.
點知突然聽到有d怪聲,好似人扮雀仔叫,
個時覺得有人好過死o係山上面,
行落o的,見到好怪既事.

樓梯之外,山上面本身冇乜空地,
但係有7-9個細路,全部著白色t,黑褲,四個屈埋o係樓梯左邊,淨返個幾個係樓梯右邊,企o係個石膊度望,
全部都係短頭髮,
班細路講緊野,但係好似扮雀仔叫,右邊班細路笑緊,但係都好似扮雀仔叫(係扮雀仔叫,唔係真係似雀仔叫聲)
需然日光日白,但係我已經好心寒,企左一陣終於把心一橫,落去問佢地.
一開口,突然有個著紅衫既人o係我後面走過黎,對我o殊一聲,跟住招一招手叫我跟住佢.
個人係後生仔,著件紅色有帽外套,牛仔褲,有鬚根,面色蒼白,
佢行埋班細路度,又係對佢地o殊一聲,但係個音調好怪,又係高音左,好似變埋雀仔叫,
跟住叫我行,有兩個細路仲望住我地,但係冇跟黎.
行左一兩分鐘,轉個彎,已經見到山下面個公園,

有兩條路,一條有棵樹o訓o係路中間,一條又要兜右少少先落.
但係明明兩條都清清楚楚見到落山,
佢一見我望右邊冇棵樹條路,即刻話(有樹條路)呢條先係落架,o個條返轉頭.
我已經行到冇力,當然唔敢試.
跟住行到落山,佢淨係講句唔好再黎啦就行走左.仲行得好快.
我已經冇力所以坐o係公園櫈.
點知惡夢仲未完...因為我由頭到尾冇還過神...
o個晚,家姐個女照喊,我一帶佢出去廳又照聽到有人敲門,
今次o係我家姐間房入面有人敲,家姐個女都聽到,仲話有牛牛.
結果唯有一齊o訓,聽朝搵風水老.
夜晚發夢,落左樓下見到後山班雀聲細路,但係個夢係完全冇聲,

行近o的,佢地居然全部係動物頭,
唔單止有牛頭馬面,係十二生肖動物,但係唔齊,
需然記唔清楚,但係肯定冇龍,蛇,雞,有牛,馬,豬,兔,
淨低o個幾個真係唔記得係乜.
跟住唔知點解又變左o係後山,仲成個後山都係香圍住條石梯,
我又跟住佢地行上去,見到帶我落山個後生仔坐o係一塊石膊,o訓緊.
跟住突然好嘈(之前完全冇發現周圍冇聲),
有牛叫聲,個後生仔醒左,仲對班十二生肖話又帶佢(我)返黎做乜,
佢又同我講,你(我)仲未落山o羊?行過一次仲唔識路?
跟住就聽到有人禁屋企門鐘,醒左.
一行到門口,居然見到度門自己鎖緊.
第二日,搵完一個又一個風水o老,道士,
又話惡鬼,又話阿爸阿媽返上黎接我家姐,又話心理作用.
終於灣仔搵到一個識請神既師父講得出乜事,仲知道好多我冇講既野.

佢話我家姐拜多左,除左神仲拜左後山d山精,又應承山精會還神.

個紅衫後生仔係山下洪聖爺廟既洪聖爺,見到我比山精捉左先救我,
跟住最得人驚係佢話要請神傾,點知佢居然扮雀仔叫(我冇同佢講過後山班細路扮雀叫).
最後佢話洪聖爺話我同我家姐都有魂魄比班細路(山精)收埋o係山,
叫我還神比山下洪聖爺,我地全家以後都唔好再上後山.唔好上山還神,

仲有我一世都唔可以食魚同海入面既o野(唔知點解,更加唔知點解係我唔係家姐,況且我好鍾意食魚).
化完寶,還完神,真係再冇怪事.

問返家姐先知道幾樣o野,令我更加信洪聖爺救左我地兩個.
原來我家姐落山時留左幾枝香拜石梯邊個爛觀音像同神牌,照樣應承會還神,同大師講拜多左完全符合.
我發惡夢比山精引返上山個日,我家姐o個晚有一刻個心跳得好快,呼吸唔到,又突然冇事.

我家姐問個女o係屋企見過乜(我唔敢問,驚嚇親細路女),佢話有個好快既人,著紅色衫.
最神奇係佢原來手術後係驗到仲有o野但係唔想講比我地聽,但係我拜左洪聖爺之後佢化驗結果居然乜事都冇!
而更奇怪既係我家姐根本由頭到尾反而冇拜過洪聖爺,淨係拜山上面o的神.

路邊神像不宜拜，即使是觀音、關帝神像，破爛之後，也會被野神寄託。有些山廟，由於並無僧道修行，容易被妖邪入侵，除非熟人介紹，不宜參拜。舉凡參拜神靈，必須誠心稟告神靈名字。聽了大神之名，野神退卻，不能承受香火。至於酬神之說，只是世俗信仰，神佛不圖報答，凡人承受神恩之後，冬至之前守信再來，燒香參拜，有助修行功德而已。
筲箕灣山妖於十一月六日傳出之後，翌日即有網友三人組團靈探，還選了夜晚十點半。他們由左邊石階路上山，鐵欄有紅色油漆指示，不會迷路，十分鐘就到山上的洪聖廟，廟內有燈光，有廟祝看管。下山見到岔路，選了大樹攔路的一條下山。沿途聽到鳥叫，是單一種鳥的叫聲。他們見不到山妖，再度折返上山，一直走到山路盡頭，徘徊之際，赫然發現左邊有青竹蛇，於是緩慢撤退下山。
時值深秋，山路有蛇覓食，也是尋常。然而青竹蛇有劇毒，山頭夜嶺被蛇咬，救援費時，也是凶險。
香港都市傳說長沙灣靈牛求饒入廟成神

長沙灣屠場
背向蔬菜統營處的前長沙灣屠場，1969至99年運作，隨著本地鮮肉需求下降，持有屠場的市政局為「止蝕」，關閉屠場。由99年空置至今已16年，其實空置後，曾經供給藝術家們作短期工作坊，但後來卻一直丟空。政府產業署在立法會文件解釋，屠場建築物因結構問題而不能作其他短期用途，即不能出租使用，而屠場周邊空地則已用作臨時儲物。
地址：荔枝角道東京街交界

靈牛事件
八十年代的香港，就曾發生過一宗「靈牛」事件。當時，一批待宰的牛如常被運到長沙灣屠房，牠們會在屠房「寄住」數天，然後「排隊」等候被宰。一般來說，牛的適應能力很強，即使在陌生的地方仍能如常吃喝。不過其中一隻牛的「行為」卻「與眾不同」，因牠完全不肯進食，還不時淚流滿臉，神情悲傷，似是預計到自己大難將至般。
初時屠房的工人不以為然，以為牠只是生病而已。但當有人拉牠往屠宰的時候，牠便像早已知曉即將被宰殺，登時跪在地上，並流出眼淚，似是在向屠夫求饒。為此屠夫們都覺得牠非常有靈性，所以沒人忍心動手。這情況持續數天出現，令職員不知如何處理，最後惟有通知牛主。當牛主到達屠房時，那頭牛竟自動走到他跟前，眼神滿是委屈地望住他，接住更是「淚如泉湧」。主人大吃一驚，並對牠說：「你係唔係唔想畀人劏呀？」那頭牛好像完全明白主人的說話，便猛力地點頭。牛主見牠如此乖巧，便對牠說：「放心，我唔會殺你！」牠聽罷便向牛主屈膝跪下，並不停地叩頭。屠房內的眾人都相信牠是一頭有靈性的牛，也贊成牛主「放生」的決定。

後來牠被送到慈雲山慈雲閣頤養天年，人們稱牠為靈牛，當時靈牛17歲，11年後，因體衰力竭而病逝。

靈牛於1994年5月22日下午四時半病歿，事後慈雲閣特招請工藝名師為其塑像，以資紀念。

筲箕灣山妖「迫還神」傳說
網上曾經流傳筲箕灣異聞一則，就是「後山拜神撞山妖」傳說。說出異聞的網友，其姐半年前驗到頸有腫瘤，不知良性還是惡性，聽人說，去少人拜的廟拜神，特別靈，於是孤身一人去了筲箕灣後山上的廟拜神。不是山下的洪聖廟，而是在山上供奉諸神的小廟(按：疑是供奉劉關張的三國烈廟)，應允病後還神。其姐已離婚。敘事人與姐及其姐之女兒(外甥女)同住。其姐入院做手術之後，她幫忙看顧外甥女。
其姐手術後翌日，外甥女狂喊，發燒，說見到家裡有其他人，之後相隔一兩晚就哭喊。她在夜晚也聽到幾次敲門聲，敲完幾下就停。她記得姐說拜手術之後應允還神，但那些神未免心急了些。她於是買了元寶蠟燭還神。所謂還神，是發願之後酬謝神恩之意，若是天界大神，用元寶、壽金、龍衣之類。

由於家姐手術未癒，於是敘事人就代為還神。她家姐拜的廟由愛民街筲箕灣賽馬會診所的石階而上，敘事人到後山後，見到石階有人吸毒之後躺臥(該診所五樓有美沙酮戒毒服務)，於是避走右邊石階另一小路。但行了四十幾分鐘，依然不見廟，只見沿路有丟棄神主牌及爛廁缸之類，，愈想愈不對路，於是折返，大約行了20分鐘，就聽見有人扮雀仔叫。只見下方石階路上，有7至9個小孩，白衫黑褲，短髮，左右兩行，左邊4個圍坐，其餘右邊企立。小孩在談話，語言不解，好似扮雀仔叫，其中有小孩在笑，但聽來也如鳥聲。
雖是光天化日，但她也有點心寒，終於提起勇氣走向攔路小孩問話，正想開口，突然有個著紅衣者從後而來，向她噓了一聲，叫她勿動，只管隨他而行。此人乃青年人，紅色有帽外套、牛仔褲，面色蒼白而有鬚根。他走向小孩噓一聲示意，高音如同鳥語。一兩分鐘之後，轉了個彎，見到山下公園。她見到兩條石階路都可下山，但紅衣人說左邊有樹橫臥的路才可以下山的，右邊的路雖然無大樹障礙，卻不可以下山，最後敘事人終於回到大路。
翌日，她發惡夢，夢見鳥語小孩，及十二生肖頭像人。無龍、蛇、雞，只有牛、馬、豬、兔。她找到請神師父，師父說她姐是拜多了神，拜廟之外，剩下的幾枝香火拜了路邊的破爛神像，還應允還神，於是出事。救她下山的是洪聖爺。她照師父吩咐酬謝神恩之後，噩夢和夜晚敲門聲便消失。拜洪聖爺後，其姐的腫瘤化驗結果為良性，痊癒出院。

[圖擷取自網路，如有疑問請私訊]