香港有一班女人「覺得拍拖好麻煩」靚女們的單身魔咒!!

:0:0

身邊總有一位朋友，大家都覺得佢靚女，性格又好，亦並非拜金，偏偏就好耐都無拍過拖；然後無論係你哋呢班朋友又好，佢自己嘅親人又好，始終諗唔明點解佢仲係單身。當然，單身唔係一個問題，不過長時間嘅單身，其實久而久之令佢自己都覺得拍拖好煩，繼而陷入一個不自知嘅惡性循環。好多時靚女仲單身，都不外乎以下幾個原因，一齊睇下：
連約會都覺得煩好
多靚女係會有唔少男士埋身，個個都對佢有興趣，尤其知佢係單身，更加如狼似虎；所以單身靚女已經睇齊所有招數，一切約會嘅模式，從大家搵話題、去到食飯、睇戲、遊車河，繼而互相Whatsapp；經歷得太多，已經無曬新意。最後會變成，有男仔約？寧願自己去做下Gym，甚平睇本書好過再浪費一晚時間出去互相認識。
目標清晰
當一個女性去到某一個年紀，其實好清楚知道自己要乜；可能係對事業嘅追求，以至自己嘅理想對象都非常清晰，因此並唔會再向佢自己追求嘅嘢以外表示任何興趣。有男仔埋身，佢只要睇一、兩眼已經知會唔會適合自己。無錯，佢哋已經變成好Picky，除非你係佢100%肯定嘅「白馬王子」，否則，連嘗試嘅門都沒有！
男人都係愚蠢
唔好唔認喇，呢班單身靚女普遍心底裡都係認為「全世界嘅男人都係蠢」（當然可能唔係單身嘅靚女都係咁諗），一向高高在上嘅佢哋不知不覺開始對男人鄙視，哪怕有錢無錢，靚仔唔靚仔，其實底子裡都係一樣。就係呢種偏見，令對佢態度開始囂張，最後唔係佢唔鍾意男人，而係班男人都怕咗佢。

靚女特別忙？
不得不承認，美女生活特別多姿多采，返工嘅同事、朋友都非常多，生活圈子又大。加上本身興趣多，又要做運動，又要扮靚，基本上一日24個鐘都唔夠時間用。雖然話朋友多，可惜連深交嘅時間都冇，生活係豐富，不過要搵到一個長遠嘅真命天子就比較難。

[圖擷取自網路，如有疑問請私訊]