粗口其實係有文化，愈爛口愈識得多野

:0:0

粗口先係香港文化既精髓，捍衛廣東話必先捍衛粗口。社會

sponsored 香港，係一個多元文化既社會，但要細數最能夠引起全香港人共鳴既文化，就莫過於粗口文化。係我心目中既強勢文化，一定要有三個元素，首先要夠普及，其次要通俗易明，第三要擁有深層意味。當我講要呢三個條件之後，香港既強勢文化已經呼之欲出，冇錯，就係粗口。同時廣東話既精髓就係粗口，因為要學習一個地方既語言，第一步就係要學習粗口。因為粗口係一種國際通用既語言，每個人一講，你就會笑，同時令你對當地既文化同埋語言更有興趣。每個年代既香港都有唔同既歌曲可以代表，但唯獨粗口既代表性就永恆不變，夠哂普及。香港既代表作有獅子山下、海闊天空、無盡、巨輪等等，由於可以引起大眾共鳴既歌曲實在太多，筆者不宜盡錄。但大家有冇諗過歌曲既流行只可以代表果個年代既香港人?舉個例子，你問一個五、六十歲既老人家，邊個歌手係羅文，可唔可以唱兩句獅子山下黎聽下，佢一定好快咁答你「人生總有歡喜，難免歷常有淚。」;當你問一個90後青年人，知唔知邊個叫黃家駒，可唔可以唱海闊天空黎聽下果時，佢都會好快咁答你「今天我，寒夜裹看雪飄過，懷著冷卻了的心窩飄遠方。」相反你問一個十幾歲既小朋友知唔知邊個叫羅文既時候，佢答唔出。當你問一個六十歲既老人家，知唔知邊首歌叫無盡既時候，佢同樣答唔出。sponsored 呢d歌唔夠流行咩?呢d歌唔可以代表香港咩?唔係!只係時代既巨輪一直係到轉動，昨日流行既歌，到今日或者已經消聲匿跡。唯獨係粗口文化!你問一個十歲既小朋友同一個六十歲既老人家，咩野叫做仆街仔，佢地一定會答你知道。你問一個二十歲既年青人同一個七十歲既老人家咩叫做屌你!佢地都係會答你知道。呢樣就係粗口文化強大而精深既原因。因為咩年齡既人都識得講粗口，唔單止係年齡問題，最重要既係階級層面。一個律師同清潔工人講香港既核心價值係普通法，佢會聽到r哂頭。一個大學教授同一個工程師講法家既法、術、勢點樣有效管理下屬，佢會聽到黑哂面。香港既普通法同埋中國既法家思想唔重要咩?佢地唔係一種博大精深既文化咩?冇錯!但最重要既係唔夠普及。無論係工程師、律師定係飛機師仲有回收工人、地盤工人，你同佢地講「屌你」、「食屎狗」，佢地一樣可以聽得明，吹番幾嘴，呢樣就係我地要既普及性。第二就係通俗易明，呢樣唔使多講，粗口有幾易明就係人都知。例如你見到有條友好賤格既，推阿婆出馬路，或者呃小朋友波板糖錢，就會叫佢做仆街仔，比喻一個人既行為好賤格。又例如你好嬲，好想批評一個人既，你會話「屌你啦!」，屌字就係一個發洩心中有幾不滿既粗口。但粗口有一到好精深既地方就係在於千變萬化，看似好易明，但實際上包含左各種各樣既意思，呢到就係我想帶出既第三點，粗口擁有深層意味。sponsored 一個屌字，佢可以作為一個動詞，例如「我屌你啦」，姐係話我要批評你，我要攻擊你。但個屌字唔一定要動詞，佢可以係助語詞，例如「屌!咁都射唔入架」去形容一個足球員射波射得好差，空門都可以炒飛機，球員名我就唔開啦，畢竟唔係文章既重點。同時「撚」字都可以有唔同既變化，好似「撚」字就係代表一個人既陽具，筆者會當佢係名詞。同時你可以形容一個人樣衰或者性格好差既話，你可以叫佢做「正撚樣」呢個時候個撚字就成為一個形容詞。「你條友仔係唔係撚化我啊?」呢個時候，撚字就會成為一個動詞，意思係問對方係唔係玩緊佢。以上種種既例子都係想證明比讀者睇，其實粗口文化先係香港既核心，冇粗口就冇發洩既地方，咁香港人既情緒就會好低落，因為佢地冇地方可以發洩。同時粗口既存在先係廣東話文化既精髓，因為粗口既變化，往往代表住廣東話既特點，就係多變同埋多重意思。粗口，係連結每一個階層同埋每一個世代既鐵鍊，可以話係缺一不可。假如廣東話粗口要係香港消失，新一代唔再講廣東話粗口，情況會係幾嚴重?到時只係聽到操操操你媽，老老實實我真係接受唔到香港人貪得意講中國既粗口，因為當你慢慢講慣左既時候，就開始淡忘自己既粗口文化。假如香港唔再可講粗口既話，批評人地果時或者就只可以講「咩你份人咁商紂王架!」呢句說話係咩意思?我相信唔係人人都明，但只要我話「咩你份人咁仆街架!」咁就會明哂。sponsored 請大家要記著粗口其實係香港文化既重要，我地要將粗口呢種文化宣揚出去，千奇唔好以為講粗口就係唔好，就係壞人。人既心地唔會因為你講既說話而改變，只要你係一個好人，你講幾多粗口都係一個好人，只要你係一個仆街，無論你幾咁斯文都會係一個仆街，所以先係衣冠禽獸呢個名。

[圖擷取自網路，如有疑問請私訊]