「係呀，又勾左」揸 Honda，被捉到麻木曬

:0:0

呢頭講完澳門賽車已經冇喺街「熱身」呢回事，嗰頭最鐘意捉快車嘅交通部班 sir上個禮拜又帶隊去捉非法賽車，sponsored 報紙影出嚟嘅相同每次捉車嘅新聞一樣，又係一大排 FD2 Type R。好多人問我，點解捉極都捉唔曬？其實 FD2喺香港嘅數量都唔少，好多人直頭當佢家庭車咁用，因為車廂空間夠大，唔大腳踩到佢爆 TEC，其實都係行$1.2-$1.3一公里。

衰就衰在買得呢啲車嘅人唔會唔改，而 Honda車嘅賽車形象又太深入民心，所以揸親出街何時何地有 block都會畀人捉。有班朋友話揸去燒嘢食，走嗰時差人都走嚟燒烤場門口捉車！其實揸得呢啲車嘅人都習慣曬，畀人捉時已經冇乜怒氣，直頭係麻木咗。

sponsored 捉完最多都係去車房換番曬啲原裝零件，驗完車又再改過。所以有啲車房專幫呢啲車驗車，已經儲埋曬成套原裝零件，一裝一拆半日都唔使，咁又可以收你幾千蚊，你都可以話有助振興汽車維修業㗎！而且揸得 FD2嘅人，大部分都唔會窮，我有好多客都係老闆，耐不耐就嚟改嚇嘢，畀人捉使少少錢去驗車，已經習以為常，好似預咗係玩呢類車嘅成本之一咁。

佢哋有冇飛車就唔敢講，但就算有都唔會飛得多，成日針對性咁捉呢啲車，根本就冇阻嚇作用。你睇啲 FD2由 07年到依2014年價錢都冇變過，仲係賣緊廿幾萬，成十幾年前嘅 EK9、 DC2靚啲嘅都仲要成十萬，可見就算點打擊，個市場仍然大把人想玩。又唔係發生咗啲咩大鑊嘢，成日係咁捉，又何苦呢？

sponsored 著名改裝店 MAP主理人， 70年代開始玩車， 84年首次參加香港賽車會繞圈機車賽，曾為香港史上唯一改裝連鎖店掌舵人，代理超過 80%香港大熱日本改裝品牌，現時手握 Mugen、 Spoon等激改品牌代理權，除販賣部品外，更能獨家引入極罕激改特別版車款及賽車，改裝界無人不識。

[圖擷取自網路，如有疑問請私訊]