【有錢都唔一定有得入】但係有【K】就唔同講啦~賭王四房千金超盈倫敦貴族成人禮~

:0:0

sponsored

賭王四房長女何超盈上星期赴倫敦參加一Queen Charlotte Ball，佢嘅舞伴仲係奧地利王子。原來呢個舞會係倫敦上流社會、成人禮。唔係有錢富二代就一定受邀㗎。據媒體報導，超盈今次參加嘅舞會，早於幾個世紀前1780年開始，係英國國王喬治三世(King George III)為夏洛特皇后(Queen Charlotte)慶祝生日搞嘅舞會。皇室盛事，被邀請嘅女仔當然都係非富則貴。舞會每年都會嚴選20個歐洲皇室貴族二代出席，本年限制年齡係17至20歲，近數十年就去到25歲都可以參加。近幾年先開始有亞洲、美國同俄羅斯女仔獲邀出席。被邀請嘅女仔除咗要睇家底、教育背景、禮儀，仲要親身飛去大會面試兩次，瞭解一班女仔嘅談吐、禮儀達唔達標先真正入選。入咗選都唔係神仙，仲要＼參加禮儀班、跳舞班，之後會有時裝設計師幫班女仔設計白色晚裝同皇冠，另外又有化妝師、髮型師扮靚。睇返超盈個公主Look，同迪士尼公主真係有得揮㗎。sponsored超盈獲配對嘅舞伴原來係奧地利王子，Royal Highness Arch Duke Alexander of Austria，同超盈同年都係25歲，佢讀過軍校，爸爸係奧地利王子Carl Christian，媽媽係盧森堡公主Marie Astrid。呢個Queen Charlotte Ball已經搞咗236屆，可以話係歐洲貴族文化，唔少時裝珠寶名牌都爭住做贊助。賭王嘅家族都唔係第一次入謙選，可能遲啲會見更多嘅新面孔添。