(cap左圖公開) 返教會返到有人向我尋仇，間教會仲開埋祈禱會抹黑我，話要燒我屋企 + 詳細版

:0:0

sponsored

各位巴絲，我真係好無助，如果你見到呢個post，希望你可以幫下我。下面有詳細故事，如果唔想睇咁耐，請睇下簡短版。簡短版我因為唔再信教，離開左教會，好多朋友之後都走左。教會覺得係我害既，就向我報復。佢地搞祈禱會抹黑我,想燒我屋企，仲報警話我想自殺，令我冇左份實習，仲停左學，至少要defer一年。宜家我仲等緊消息，最差既情況係要退學，蝕左學費、白費左努力、葬送左理想。我真係好絕望。詳細版三年前，我返左教會，信左耶穌。一開始過得ok，識左唔少朋友。後來我唔再相信，就離開教會啦，估唔到教會既人向我報復，搞到我幾乎書都冇得讀。一開始唔信，我都繼續返教會，因為唔捨得班朋友。但係教會就痴左線，開始針對、人身攻擊或無視我，包括取笑我既外表、我一講野就唔回應、黑我面。我真係頂唔順，就選擇離開。依加諗返我真係好傻仔，比人無視都繼續返。其實普普通通一個人離開唔係大事，但係教會好驚俾其他人知道原因，怕其他人一齊走。所以，當我成肚怨氣咁走，傳道人係冇理過我，只係在意我離開既負面影響。 sponsoredSamantha leung=傳道人太太 Gary=傳道人 Hei lam=出埋我果個女仔 William=仲有返教會既一個人 A男=已離開教會既朋友 B女=已離開教會既朋友

sponsored

你地睇到呢D對話，就知道佢地唔係為左關心我而去報警我無阻止班朋友返教會，但教會點會咁諗？佢地搞左個祈禱會，表面上係安慰一D受咗傷嘅弟兄姊妹，事實上係抹黑我。成個祈禱會係極荒謬，入面「受左傷」既主角，竟然係一個經常人身攻擊我既女仔，佢當時仲喊左。我朋友見到呢個畫面，都覺得一頭霧水，點解一個施暴者會有資格接受安慰? 之後，傳道人太太同我朋友講，唔好再理我，要將所有我同佢地講既野報告比佢，仲話我有精神病，係自我中心、自我膨脹既人。我既朋友冇聽到佢話，連佢地既電話都唔接，佢地就好惡咁呼喝我既朋友，命令佢地一定要去聽電話，有次仲搵埋佢地既家人。我好憤怒，原來呢間教會咁黑暗、邪惡，只要你唔係基督徒，就可以換來咁樣嘅對待。我既朋友開始唔聽話，佢地就搞小動作。佢地有一個人向我道歉，但只係交貨。佢同我講所有野都係佢錯，唔關其他人事。我問佢：「請問你係呢件事上面有d咩做得錯?」而佢只係簡簡單單咁同我講：「我純粹係呢一件事上面處理得比較錯，令你唔開心囉。」我就知道，呢段對話係無任何價值。之後佢無再搵我，只係不停同其他人講，話我推開曬全部人，唔願意同佢地對話。我既朋友見狀，都唔再返呢間教會，我亦唔再當返緊果d係我朋友。眼見更多人離開，教會又搞勁我。sponsored教會入面有一個女仔，我都幾信任佢，所以我唔敢話佢知，教會對我做過既事，怕傷害到佢既心靈。當時我實習緊，間唔中會向佢發洩下，話我好大壓力（因為教會，不過冇講明），我講過d晦氣說話，估唔到佢竟企係教會果邊cap圖send俾教會，出賣我。有日朝早，我起身實習，傳道人太太同佢打過幾次電話俾我，我無聽。一來我煩緊實習，二來傳道人咁憎我，搵得我都唔方好野，我又點會聽？點知佢地報警，話我想自殺。傳道人太太係社工，說服力好強。警察就去左實習公司搵我，咁佢地緊係搵到我啦，因為我係正正常常咁實緊習，但都驚動左公司。為左保障利益，公司停左我既實習。結果我就無了期休假，停埋學，要等學校開會決定我既去留。我已經見左Counsellor，證明左我冇精神問題，但都唔係即刻冇事。Prof同我講，最壞既情況係我要退學，讀咗成年嘅書、學費、努力，會因為咁而冇曬。最好既情況係defer一年，草返實習時數，先考到牌。或者有人會話：「可能佢地真係擔心你自殺呢。」如果真係既話可能，你係唔會見到呢個post。事變之後，傳道人太太打左俾我，佢係專程打黎恥笑我，佢話：「喂梁生，之前咪話我地唔關心你、唔重視你、無視你既？我地依家咪關心你、尊重你囉。依家你又話我玩你，究竟你想點啊梁生？嘩你講咁多呢d說話，如果唔幫你報警，咁咪即係唔尊重你，當你講笑囉！我身為一個社工，根據社工既專業守則，見到呢d事，第一時間緊系幫你報警啦。」之後我同佢講左成個鐘，佢只係侮辱我、屈我，例如話：「你係咁叫人唔好返教會，冇所謂架，個團契又唔係我管既，你咪繼續叫人唔好返囉。」又用好多小學雞既對話技倆，例如我提出佢地做過既Hi Hi事，佢會反問：「你有冇證據證明，我地係幾時幾月幾分去做過，又或者講過？」成個過程中，佢只係羞辱我，而唔係關心我，如果佢真係關心我自殺，會咁同我講野？我有一段同佢既Whatapps俾比大家睇，睇完之後你地就知道佢根本唔係關心我而去報警，教會就無再理過我，facebook全部unfriend，出賣我果個女仔同埋教會d人繼續搵我d朋友，企圖抹黑。唔好話基督徒，佢地做既野連人都不如。 sponsored其實我仲有好多佢地既私人資料(fb,tel,教會地址) 但係我唔方便貼出黎,如果有義士想知請PM我我仲整理緊D資料例如佢搵我D朋友既whatsapp對話record 我將會慢慢update 我想比各位巴絲打知道我返教會返到比人搞到連書都冇得讀連前途都冇埋想大家小心

[圖擷取自網路，如有疑問請私訊]