【舊式屋邨】門口總有塊古惑的木板

:0:0

點解有舊式屋邨d人屋企鐵閘下面要加塊木板?

舊式屋邨一向充滿神秘感，好多不為人知嘅習俗同文化都重保留住（好似係），好似犯賤的人去親戚屋企差啲踢到門口塊板:~( :~(，好奇之下開咗個post問：「點解有啲人屋企鐵閘下面要加塊木板？」查實呢塊板確實家家戶戶總攝住一塊，海圻生表示次次次梗有朋友卜住入屋:o)：「知你哋住私樓唔慣㗎啦:~( :-( ！」
究竟呢塊板有咩用途巴絲都眾說紛紜， Saber醬用風水學分析係因為「門前直沖為不吉」所以要放喺門口擋一擋； 你唔好拎傻豬從宗教角度解釋：「呢啲類似道教嘅廟宇咁，你唔可以踏上去，只可以雙腳跨過去，所以呢戶人家應該係信道！」而 左巨龍右滑鼠細細個聽婆婆講跨過木板好似向屋入邊點頭咁，表示尊敬嘅啫。
之不過 啖啖似是鉛水同樣係聽老家話：「鬼唔識跳，所以加塊版！」認真難分真與假。至於九五二七講到呢樣嘢有啲欲言又止：「呢個問題之前已經解釋過，過咗去嘅事就由得佢啦，真係唔想再諗起:~(！」 大笨象RD剩係記得聽以前啲老人講，邊個踢到塊木板會出事[shocking] [shocking]……大家又知唔知門口加塊板係為咩？入post分享嚇。

點解有d人屋企鐵閘下面要加塊木板?