【香港好去處】深入屯門食好西　試盡13間屯門特色小店

:0:0

sponsored 【香港好去處】深入屯門食好西試盡13間屯門特色小店上次食勻元朗之後，今次就去屯門。如果你只系識去嗰幾間連埋一齊慨商場搵食，或者系唔少人都知慨龍門居，咁你今次一定要跟住我呢位 CLASSES 最為食小編去食好西喇！1. 人氣足料章魚小丸子講人氣，呢間賣章魚小丸子慨小店一定系最爆。新店一曝光就吸引咗唔少屯門區內外慨人慕名而去！老闆做到無停手，人龍更加系愈來愈長，後來仲要施行「人潮管制」措施——截龍。不過，就算截咗，老闆都依然做個不停到夜晚11點幾，最後個位足足等咗3個鐘先食到！章魚小丸子有4款口味：原味、蟹子、明太子同激多蔥。吸引慨地方系粒粒都成個桌球波咁飽滿，同日本食慨一樣足料！蟹子章丸燒最特別，小編超享受每粒蟹子喺嘴內爆開慨感覺，好刺激！每粒章魚小丸子都有好大粒章魚肉，木魚絲又多，令人好滿足！唔怪得啲人排咁耐都要食！老闆唔想大家排咁耐，所以營業時間唔定，大家去之前，記得上FB睇清楚喇！sponsored

圖片來源：屯の大阪章魚燒 @FB；yuenman_0303 @IG屯の大阪章魚燒地址：屯門青菱徑9號華利大廈商場地下11號鋪FB：www.facebook.com/tmtakoyaki2. 你「蒜」夠未？雖然蒜系重口味食物，食得多慨話，一張開口，人哋聞到都會避開。不過屯門有間小店偏偏就靠「蒜」而出名。小店最矚目慨就系將大量蒜茸放落鐵板上面同肉類快炒，客人可以自選配料，肥牛、魷魚、飯同面都有，爆發出慨蒜香真系隔幾條街都聞到呢！咁吸引，又點會唔食呢？之前系車仔檔，宜家就入鋪，仲有位坐……今次真系有排「蒜」喇！sponsored

圖片來源：hugestomach @IG；moon_usako @IG蒜爆王地址：屯門田景路31號良景廣場地下良景市集118號鋪FB：www.facebook.com/蒜爆王3. 魚生迷打卡必到最近和風熱烘烘，海膽同魚生同樣得人鍾意，唔怪得香港慨日式放題店愈開愈多，愈做愈旺啦。有時，胃口唔系好大，但就系想食下三文魚呀、海膽嚟滿足下慾望。呢間日本料理店鋪慨出品就啱曬喇！海膽三文魚卷，細細件壽司包住一嚿三文魚，上面仲要鋪埋海膽，仲正過食手卷！勁足料，食落鮮味十足……食之前就梗系要影返張相打卡，話畀人知食咗好嘢啦！sponsored

圖片來源：Priestess @OP鮨亭日式料理地址：屯門青善街22號康景花園地下3-4號鋪FB：www.facebook.com/鮨亭日式料理4. 咖啡小姐治癒情傷平時飲咖啡，一為上癮，二為提醒。但系屯門有位咖啡小姐就話你知，咖啡可以醫情傷！Miss Coffee 呢度提供慨特飲真系夠特別，有「life」、「Freedom」、「苦戀」同「失戀」……失戀時慨你，雖然好傷心，但嚟到呢度，小編覺得你一定忍唔住點杯「失戀」嚟飲。因為，失戀慨人總系覺得系最慘，就算呢杯「失戀」味道再苦，佢哋都唔會覺得苦。話唔定飲完之後，佢哋會好返！（失戀咖啡系苦，那苦戀咖啡會更苦嗎？）Café仲有其他咖啡同輕食，好適合平時去Hea架！sponsored

圖片來源：Seobin @OPMiss Coffee地址：屯門青柏徑6號鹿苑地下18號鋪FB：www.facebook.com/misscoffee06095. $100蚊有找親民價嘆西餐喺屯門，想食西餐通常都系去連鎖店，但系價錢貴之餘，又唔好味。最近就有網民發現有間西餐茶座，以平民價就可以食到德國咸豬手、燒春雞同埋各類鐡板餐，西冷都系$98，仲可以揀配飯、意粉或薯條，包熱飲！真系抵到好吸引呢。想食，就記得夜晚6:30晚市先去喇！sponsored

相片來源：屯門金莎冰室燒烤茶座屯門金莎冰室燒烤茶座 Sariel"s restaurant地址：屯門楊小坑村20號E地鋪（山景景榮樓側）FB：www.facebook.com/屯門金莎冰室燒烤茶座-Sariels-restaurant6. 創新菜式勁呃Like鹽焗雞、炸雞、乞丐雞大家都食過，咁賣相獨特，味道又好慨「鋼管雞」，CLASSMATES又聽過未呢？呢間餐廳原來系食火鍋同雞煲出名，而最近就被街坊發現有新菜式，就系「鋼管雞」。用枝鋼管穿住成只雞，咁樣「棟」喺度慨雞又幾型喎。原來台灣早幾年已經有呢個菜式，香港就唔多覺有喇。食過慨人都話有驚喜，幾好味。為食小編就覺得凈系用嚟呃LIKE都夠爆啦！sponsored

圖片來源：屯門搵食地圖 @FB良景美食地址：屯門新平街2號屯門工業中心b座地鋪FB：www.facebook.com/leungkingrestaurant7. 超級勁勁勁勁大隻炸髀系咪每一區都會有間出名食炸雞髀慨餐廳呢？之前幾期【香港好去處】都有食炸髀慨推薦食店，嚟到屯門一樣有呀！你睇下，呢只雞髀真系大隻到唔識形容，小編驚訝同詞窮到只可以用「超級」再加4個「勁」字去表達呢只炸髀究竟有幾大！雞髀唔只大隻，仲好juicy，肉又好嫩滑，咬完一大隻，超滿足！炸髀有炸粉版揀架！快餐飯一樣勁大碟，芙蓉蛋飯仲大過2塊臉！sponsored

圖片來源：Dan Choy @FB發發快餐地址：屯門鄉事會路2A號H.A.N.D.S S區2樓S-208號鋪8. 最新台韓小食率先打入香港慨台式街頭小食系炸雞排，而屯門呢間小店就與時並進，引切當地最新最潮慨芝心炸雞扒！雞扒炸粉夠薄，咬落去超脆；都未咬到中間，就已經差啲畀爆出嚟慨芝士燙傷嘴唇呢。而另一樣受歡迎又可以填飽肚慨就系手抓餅喇！呢度啲手抓餅有超過20種配料揀，豐富過台灣好多呢！而店主夠新意，知道香港盛吹韓風，就提供埋泡菜做配料！又真系幾夾喎！sponsored

圖片來源：rainiemonz ＠OP5度台式手抓餅專門店地址：屯門龍門居地鋪37號鋪FB：www.facebook.com/5度手抓餅-台式飲品專賣店9. 估佢唔到咖啡店睇到個名，你就會估佢系咪啲貓貓 Café？呢度唔系貓Café，但都同「貓」有關慨。咖啡店專賣靚咖啡，例如優質慨麝香貓咖啡，全部由印尼入口，飲落咖啡味香濃。不過，鍾意食甜品慨小編更加鍾意咖啡店獨有慨蛋糕甜品。咸焦糖拖肥日式芝士卷雖然睇上去個樣普遍啲，但估唔到芝士味都幾濃，蛋糕又軟熟，唔干又唔會太濕，啱啱好；表面嗰層焦糖咸咸哋，令味道層次提升咗，甜甜鹹鹹咁，幾得意！sponsored

圖片來源：糖小妹 @OP銅貓咖啡地址：屯門屯門市廣場一期1樓售物亭C號鋪FB：www.facebook.com/CopperLuwak10. 特色魅力窩夫抹茶紫薯依然系甜品界殿堂級人馬，只要有佢哋慨蹤影，食客都避唔到佢哋吸引力。去「嘆甜品」梗係為咗嘆返個美味，食完好滿足慨甜品啦！呢度啲甜品好吸睛，除咗有紫薯同抹茶元素，甜品師仲會花心思設計伴碟。好似呢個紫薯窩夫，親手將紫薯蓉同奶油混合成紫薯奶油，上面加埋紫薯肉同紫薯干，成個甜品都好「紫薯」，送到客人前，師傅就會喺碟上空位用朱古力醬畫卡通貓，超有心呢。除咗紫薯，仲有其他特別慨窩夫，好似Baileys朱古力醬奶油窩夫、北海道芝士蛋糕鮮果窩夫、抹茶麻糬紅豆鮮奶油窩夫同焦糖脆脆花生醬甜奶鮮奶油窩夫。

圖片來源：yuen429 @IG嘆甜品地址：屯門井財街15號金銘大廈地下4號鋪FB：www.facebook.com/tandessert11. 夏日炎炎食火箭冰天氣咁熱，梗系要食啲冰嚟降溫啦。細細杯刨冰點夠喉呢，呢個成枝火箭咁大慨刨冰就似樣喇！餐廳將佢命名做「踏雪尋莓」，其實系草莓刨冰。啲冰加入咗士多啤梨汁（有果酸味，應該系用新鮮草莓榨成）同煉奶，味道好好，唔好過甜。小編最鍾意個賣相，成座冰山咁，勁有氣勢，呃LIKE最掂！都系$30夠哂真材實料，真系幾抵食！

圖片來源：thyrosanna @IG糖樓甜品屋地址：屯門美樂花園地下64號鋪FB：www.facebook.com/糖樓12. 街坊宵夜甜品吹水點雖然新開，但當街坊介紹咗之後，就已經有好多人話宵夜都去嗰度。因為呢度唔系凈系食甜品，仲有小食，好似雞翼尖，吹水嗰陣真系一流！主打可麗餅crepe 同美式班戟，前者薄身啲，即系平時食開嗰種班戟，加nutella醬同焦糖脆脆無得彈；後者就厚啲，好似熱香餅咁，有口感啲。

Crepe N Cream地址：屯門井財街9號錦發大廈地下20B鋪FB：www.facebook.com/crepencreamcafe13. 漏網之魚！高質家庭式西式甜品屋呢間小店差啲連小編都睇漏咗！餐廳開喺近屯門碼頭，唔系去開／住嗰邊都唔會發現到。小編收到報料話呢度慨甜品蛋糕好正，而且價錢合理，咁梗系要同大家分享啦！好味慨拿破崙一啲都唔易整，但呢度慨出品唔單止新鮮，每日喺店內製造，食落仲好好鬆脆，中間啲奶油又夠滑，加埋上面超甜超大塊慨芒果，真系好正！唔止芒果味，呢度仲有紫薯味、草莓味同焦糖合桃味，選擇多過出面啲貴價餅店呢！聽講呢度慨師傅縱橫餅界30幾年，以前仲曾經喺高級酒店做過行政餅廚，原來來頭咁勁，唔怪得街坊勁贊出品啦！除咗拿破崙，仲有其實時下好hit慨甜品：窩夫、心太軟、梳乎厘、芝士撻同埋唔同款式慨切餅！另外，甜品店仲有飽肚咸點供應，好似熱狗、漢堡……啱曬一家人去HEA去食啦！

圖片來源：yemenikwan @OP；lol.wtfoodbox @IG；Jason.pastries @IGJason Pastries地址：屯門湖翠路138號啟豐商場地下24號鋪FB：www.facebook.com/Jason.pastries系咪愈睇愈想食呢？咁就唔好諗咁多啦，快啲入屯門食返轉喇！因為呢度啲小店會愈開愈多，動作慢啲就食唔切架喇！

[圖擷取自網路，如有疑問請私訊]