肯同你食譚仔嘅人你應該好好珍而重之

:0:0

sponsored 首先，一講起譚仔大部分人都會第一時間諗起「墨演支忍山小凍撚茶小田」，其次就係十次有九次去食都要搭檯逼住坐啲好唔舒服嘅綠色圓凳，如果你提議食譚仔對方都冇拒絕嘅話，恭喜你，你已經搵到個至少唔會一話去譚仔就黑曬面皺曬眉頭嗌cheap，唔下下計較又有耐性嘅人

點解食譚仔都唔食M記？因為譚仔多好多選擇你可以揀食譚仔或者三哥，望下餐牌，哇有成23樣餸你揀，sponsored 可以要米線又或者薯粉，之後再揀1 2 3 4 5 6 7 8 9 10小辣中辣大辣特辣酸辣，加多樣小食又得，最後再揀野飲計下條數當你叫兩個5蚊餸加一個小食再加野飲，23 C 2 x 2 C 1 x 14 C 1 x 9 C 1 x 10 C 1 = 637560 你都有成637560個唔同combination，假設你有100歲命而每年有365日 = 100 x 365 = 36500就算你日日食譚仔食足一世你都唔會食曬咁多個combination但係M記23蚊餐咪又係黎黎去去嗰幾樣，唔好同我講你會揀粟米汽水大多數人咪又有可樂，食多幾次都厭啦

sponsored 相反如果有個人肯同你每次試唔同餸試足一世，你就應該好好珍惜佢喇，因為即使有咁多個combination嘅野食，同佢食嘅人都係得你冇其他combination，證明你係佢嘅only choice，包容你咁耐

唔好同我講咩肯同你捱M記先係好男/女仔，因為真正錫你嘅人係唔會要你食M記呢啲致癌嘅垃圾，我唔擔保譚仔食得多會冇害，但到少唔係油炸唔會食到熱氣爆瘡sponsored 更加唔好同我講譚仔貴，冇人叫你去譚仔嗌咁多個餸架喎一個餸加埋啲米線都夠你飽到上心口，俾多幾蚊三十有找好過食23蚊餐熱氣又唔飽啦係咪先？再講，肯同你食辣米線嘅人你一定要好好珍惜，試過隔離檯個巴渣mk妹叫清湯都可以嗌曬辣想成碗唔食，嗰下我真係有衝動想過去打鑊佢所以唔介意同你一齊一邊流眼水鼻水出曬汗咁食曬碗野，再撕開一張tempo紙巾，一人一半慳住用嘅人一定好捱得，願意同你分甘同味、艱苦與共、不離不棄嘅人千其唔好俾佢走呀男定女都好，肯同你食譚仔又冇半句怨言嘅先係真知音利申: 冇收錢非打手sponsored

[圖擷取自網路，如有疑問請私訊]