燒味師傅拍拖7年，估唔到載綠帽載足7年...

:0:0

小弟今年29，職業系燒味師傅，拍拖7年，與女朋友感情穩定，並早已視對方為終身對象。女朋友就做文員仔，公司細細地，不過勝在就腳。佢都由畢業做到依家了。

sponsored 我地拍拖7年，我都準備下年求婚。女友好乖好純品，平時唔會夜返，通常放工就系屋企等我返黎。最近佢晚晚夜返，又成日同人WHATSAPP，返工打扮到好似去飲咁，我都覺得有D唔對路。我有開口問佢系咪有咩事，佢話最近公司忙，晚晚要OT。仲話系成班同事一齊，叫我放心。拍拖咁耐，我點會唔信佢。我覺得兩個人一齊，就系要建基於信任先會開心。如是者又過左一個月。女友非但沒有改善，反而變本加厲。有幾晚試過唔返黎訓，話太忙系公司通頂。呢次我好不安，好懷疑。終於，我決定前天請假一天，打算去接佢放工，睇佢班咩同事黎。我見到佢準時放工，仲同個中坑一齊走，上埋佢車。我即刻上的士慢慢跟，見佢地去到一個露天停車場度停低，附近有大排檔，估計去食飯。點知系兩人下車場行去大排檔時，我見佢攬住左我女友。我好驚訝地睜大雙眼望住佢，以為女友會推開佢，點知佢非但沒有推開到佢，反而佢兩個人就響停車場咀住好耐。睇到此時此刻......我已經再無辦法睇落去，的士陳都知發生咩事，結果佢帶左我去飲悶酒，話開解我，勸我飛左條賤人。唉，勸大家唔好做工時太長/要SHIFT既工，無時間陪女友搞到咁。同的士陳飲完悶酒之後，我就返到屋企樓下7仔買多兩枝酒，自己系附近公園頹廢到天光。第二日仲射波唔返工。我成晚流流長，諗左好多野，終於醒起果個男人系邊個黎。唔怪之得系大排檔果陣，我會覺得佢咁面善......原來果個就系女朋友個經理......sponsored 沉晚我唔訓，等女友返屋企。我同佢攤牌，佢向我承認左同經理有一手，而且仲由開始返工到依家，斷斷續續左7年咁耐......我當堂成個人崩潰哂，佢話佢好後悔......我打唔落去了......等我放工再打......唉......我地未分手，唉......好亂

[圖擷取自網路，如有疑問請私訊]