鍾嘉欣榮升媽咪！從新人到花旦到人妻，見證鍾嘉欣成長嘅5個男人！

:0:0

sponsored 真系超級恭喜！自從五月宣布懷孕後，一直喺加拿大安胎嘅鍾嘉欣日前已經生咗BB啦。

其實舊年鍾嘉欣突然同圈外男友結婚嘅消息舊震驚咗香港娛樂圈，因為真系估佢唔到。而家鍾嘉欣就好幸福啦，有老公有BB，咁唔知鍾嘉欣嘅熒幕／緋聞男友而家又點呢？1. 馬浚偉－見證成長嘅好拍檔、熒幕情侶

sponsored 其實馬浚偉同鍾嘉欣就無傳出過緋聞嘅，之但系佢哋合作過好多次，穩占經典熒幕情侶嘅地位，無理由唔提嚇啩？鍾嘉欣入TVB第一部正式演出嘅劇集就系《皆大歡喜》（時裝版），飾演「洪白嵐」一角而為人熟悉。而馬浚偉飾演「施梓山」喺最後100集加入，最終同鍾嘉欣成為情侶。之後喺劇集《金石良緣》、《老友狗狗》、《蒲松齡》同《當旺爸爸》都同馬仔飾演情侶，所以其實馬仔系見證住鍾嘉欣入行以嚟嘅成長。而鍾嘉欣講過啱啱入行得自己一個喺香港，曾經覺得好孤單同壓力好大，個人又慢熟，所以初頭無咩圈中好友，但馬仔就好似大哥哥咁成日照顧同鼓勵佢，先可以渡過難關。雖然兩個人無正式上契，但感情好好，鍾嘉欣結婚都有叫過馬浚偉出席婚宴。2. 伍允龍－經歷風雨嘅「好朋友」sponsored

講得鍾嘉欣，一定唔可以唔提伍允龍。佢哋嘅戀情俾傳媒講足8年，雖然從來無親口承認過，但系喺香港娛樂圈嘅眼中已經系公認嘅一對。佢哋因為07年拍電影《十分愛》傳出緋聞，一直以「好朋友」相稱，13年伍允龍現身支持鍾嘉欣首個演唱會，14年伍允龍同鍾嘉欣互相出席彼此嘅生日會，被指以「主人家」身份幫手招呼朋友。雖然當時一直有指女尊男卑，不過鍾嘉欣由事業起步到躋身TVB當家花旦，身邊都一直有呢位「好朋友」支持，一齊經歷過風風雨雨，就好似一齊成長嘅兩小無猜咁，所以其實後來都有唔少人轉而支持佢哋。sponsored 不過以為兩個打風都打唔甩嘅時候，突然改以普通朋友相稱，伍允龍仲話有一段時間無見鍾嘉欣，然後去年嘉欣就同圈外男友結婚囉。雖然成為過去，但近日伍允龍憑劇集《城寨英雄》打手「龍成虎」一角彈出，打得又睇得，暖男保鏢同聽話孝子，同佢嘅好身手形成反差，惹得一眾觀眾喜愛，仲有傳同劇集入面有感情線嘅劉佩玥擦出愛花火。打足15年終於受到賞識，佢近日仲話如果鍾嘉欣生咗嘅話會送上祝福同禮物，睇嚟已經下定決心Move on啦喎，龍成虎，睇好你架！3. 林峯－事業搏殺期

sponsored 林峯因為同鍾嘉欣先後拍劇集《溏心風暴》同《溏心風暴之家好月圓》，兩套劇都飾演情侶而傳出緋聞，唔少觀眾都覺得佢哋好襯，自動YY佢哋喺埋一齊。其實當時系鍾嘉欣嘅事業搏殺期，同林峯熒幕情侶嘅形象，某程度上的確令佢獲得唔少觀眾緣，傳緋聞對佢事業有一定幫助。不過講到明搏殺期，加上仲有個伍允龍緋聞男友，所以一直有指襄王有夢神女無心。而佢哋嘅緋聞傳咗5年，直至林峯被爆出同內地靚模潘霜霜床照，林峯被逼承認同潘霜霜拍過三個月拖，同鍾嘉欣嘅緋聞就不了了之。不過而家大家都知，林峯好愛好愛好愛好愛好愛好愛好愛千語BB。林峯2013年公開承認千語BB女友身份，雖然一直有指千語BB拜金港女，但系兩個人一直恩恩愛愛，不受負面批評影響。sponsored 4.陳展鵬－事業成熟期

陳展鵬自從11年回巢TVB之後，就一直緋聞不斷，當中鍾嘉欣系傳得最勁嘅一個。12年因為拍劇集《巨輪》傳出同喺戲入面飾演佢女友嘅鍾嘉欣戲假情真，煎pan甚至喺電台訪問中直認對女主角難以抽離，13年煎pan仲用過百萬跑車接載鍾嘉欣去澳門出席劇集宣傳活動，緋聞愈傳愈烈。不過呢個時候鍾嘉欣已經穩占TVB一線花旦地位，系可以獨當一面嘅女主角，唔需要再靠緋聞增加人氣，所以今次鍾嘉欣直情喺個人微博公開否認同煎pan嘅緋聞。sponsored 5. Jeremy －真命天子

鍾嘉欣兜兜轉轉咁多年，終於喺去年認識到佢嘅真命天子Jeremy。2015年經家姐介紹認識前TVB高層梁乃鵬侄仔醫生Jeremy結婚，之後秋季被求婚、年尾結婚。今年2月，鍾嘉欣就同Jeremy喺加拿大溫哥華補辦喜酒，仲親自寫咗首歌《我結婚了》，更加喺5月母親節宣布懷孕，近日已經誕下BB。sponsored 雖然靚女鍾嘉欣突然嫁俾年紀大佢唔少又唔靚仔嘅Jeremy，令到當時有唔少觀眾唔睇好，但見到鍾嘉欣發布嘅婚照一臉幸福咁望住Jeremy，睇嚟佢真系已經搵到佢嘅真命天子啦。

[圖擷取自網路，如有疑問請私訊]