陳凱琳，求下你唔好再出現啦！有啲「做作女」就系無人頂得順！

:0:0

尋晚我哋出文講過因為《巨輪2》有陳凱琳做女主角，所以有好多人話罷睇。而演技嬌揉做作嘅陳凱琳，睇怕應該食唔到《城寨英雄》個勢，收視應該直線下降啦⋯⋯sponsored 講真，有邊個會忍得到又煩又做作嘅人，更何況日日都睇有可能唔反感？以下幾種做作女嘅性格，睇嚇你身邊有無朋友中：個人浮誇過做舞台劇－代表人物：陳凱琳

身邊有無啲人，表情誇張到不得了，無論見到咩，例如收禮物，都系得一個反應，就系瞪大對眼扮驚訝。然後最鍾意就系小動作多多，又鍾意搶住啲嘢嚟講，開口就吱吱喳喳，有佢講無人講，勁想表現自己，浮誇到不得了，做作得令人反感呢？sponsored 如果搵藝員例子解釋嘅話，就一定要搵陳凱琳啦。佢做親戲都勁用力，特別喺劇集《張保仔》一有獨腳戲，表情動作仲浮誇過做舞台劇。同其他演員做對手戲嘅時間，講嘢又急又快，一輪嘴咁連珠炮發，俾人感覺好串。其實做人呢，收斂少少會比較順眼。高分貝、雞仔聲－代表人物：蔡思貝

朋友裡面，總有個女仔講嘢又尖又高又雞仔聲，每一次聽佢講嘢就好似虐待緊自己對耳。偏偏通常佢又唔覺自己把聲好擾民，越講越興奮就越高頻。最驚就系有啲女仔好哋哋用正常tone講嘢，一遇到突發事，例如見到好靚嘅風景或者甜品，又或者系見到小昆蟲，忽然整個高八度，耳膜真係為之一震。sponsored 講到高分貝嘅表表者，無理由唔講蔡思貝啦？蔡思貝成日被TVB安排啲初出茅蘆，滿腔熱血，其實系衝動嘅新人女主，但又唔識用聲。所以佢每次要大條道理話人哋不擇手段唔啱嘅時候，就突然加快說話速度，調高八度講嘢，於是搞到講嘢一舊舊，觀眾唔知佢講緊咩，只聽到一堆煩音。我明白興奮嘅時候講嘢急速同大聲啲系正常，但都要有個限度啩？點都要放閃－代表人物：吳若希

sponsored 我閃，我閃，我再閃～有另一半果陣，好想話俾全世界人知拍緊拖好正常嘅。但系真系唔使日日放閃，食飯又影、收花收名牌袋又影、床照又影⋯⋯當然你實話咁唔鍾意咪拉黑囉，無人迫你睇架。但問題系，真系有人會做到拉黑咩，你咪又系只系敢背後討論唔敢真系搞到個關係咁僵？就好似之前吳若希咁，同個富二代拍拖之後立即喺FB放閃，仲留言逼婚：「何生，你幾時同我求婚？」點知之後又傳吳若希系小三，跟住男友又要拿拿聲發聲明澄清，俾佢做咗幾日娛樂新聞，真系睇到人煩。落街都要化濃妝－代表人物：江若琳

sponsored 實有啲做作女人成日話素顏唔見得人，死都要化到行一行先出得街，但化到咁濃真系好咩？而且約親佢哋都例遲，因為化幾粒鍾先出到嚟，見到面又不停照鏡補妝，到底你系咪出嚟見我？如果講化濃妝做作女，大家可能只會諗起連詩雅影病照都要化全妝兼戴大眼仔，但佢並唔系始祖，江若琳先系。江若琳出道時長期戴俗稱「大眼仔」嘅有色隱形眼鏡，甚至拍古裝劇《洪武三十二》都要戴住，戴足6年，自此之後不時見好多女仔都戴「大眼仔」。不過近年江若琳都已經無再戴，接受訪開都話當時唔應該用「大眼仔」增加自信，搞到眼角膜受損，話用最真一面示人先最好。連始祖都醒覺，大家就放下眉筆，唔好再化咁濃啦，同易容有咩分別？做作過頭反而有反效果架。sponsored

[圖擷取自網路，如有疑問請私訊]