拍拖3周年撞破男友拖住好姊妹　絲打當場崩潰：我哋玩完啦！

:0:0

喺拍拖紀念日著靚靚同情人去慶祝系一件好合理慨事，不過如果自己慨情人喺當日著靚靚系同佢另一位情人過，而嗰位情人又系自己慨好朋友，感覺就真系唔會好受！呢個唔系電影劇情嚟，喺現實生活中真系有發生㗎。近日喺討論區就有位絲打開po講述親身經歷。絲打話當日打扮好曬，準備同男朋友慶祝3周年紀念，而佢男朋友都著咗件粉紅色西裝外套兼set埋頭影相傳畀佢睇，咁絲打就當然滿心歡喜地出街買靚衫同靚鞋準備以最靚姿態見男友啦，殊不知，原來當佢一出門口，步進尖沙咀的一刻，佢已經成為電影故事慨女主角。絲打就喺尖沙咀某一間鋪頭揀衫時，竟然見到佢著住粉紅色西裝，非常顯眼慨男朋友出現喺佢對面慨鋪頭，但唔系畀驚喜佢，而系驚嚇，因為男朋友系同另一位女性一齊，仲攬住腰兼拖埋手。絲打氣上心頭，即刻上前準備同佢理論，點知一上前望上去就發現，原來男朋友拖住的那位女性，系自己由中學識到依家慨好朋友！絲打突然上身，直接同男朋友講:「我哋玩完啦。」跟住華麗轉身囉。

事後，絲打梗系好嬲，好傷心啦，佢仲話佢拍幾次拖，都系男朋友有第三者而分手，佢都埋怨自己點解畀咁大自由度對方、為對方又煮法國菜、又畀足面對方、為對方付出咁多，到頭來都系得到分手的結局，拍親拖都無好下場，今次仲要無埋個好朋友添，仲好慨嘆咁問系咪連個天都唔鍾意佢。不過有時啲嘢，早知好過遲知啦！早畀你睇到唔想知道慨真相，起碼從此唔使再蒙在鼓裡呀。仔死仔還在，絲打fighting呀！