吳幸美試飲「斷片酒」，網民笑似鬼上身，圍插演技太浮誇！

近排喺內地爆紅嘅美國果汁味酒精飲品，又名「斷片酒」終於喺香港有售。有傳話因為佢飲一罐嘅酒精含量就已經係一枝紅酒，再加上佢含有高咖啡因，飲完有種「仲未醉」嘅錯覺，但實際後勁十分強烈，一罐飲完，「斷片」或「失身」等情況隨時會發生，甚至可能會引起酒精中毒。之前喺南京就有四名20多歲嘅好姐妹飲咗6罐後即刻「斷片」，其間險遭賊人乘機搶劫，好彩就無真係失身。



《東張西望》就搵吳幸美試飲，起初飲咗一小杯（大約200毫升）之後佢都話無醉，不過之後就話佢突然又笑又喊、隔咗20分鐘就已經訓咗係度。佢醒返之後仍然都好似未醒咁，人哋講咩佢都好似無咩反應。






大家有無覺得呢個情節有啲似曾相識呢？冇錯！就係《怪談》！有唔少網民睇完都話佢好似《怪談》鬼上身咁，仲有網民學司徒法正師傅話:「 出事啦！出事啦！」十分搞鬼。亦有網民話睇得好開心，覺得TVB應該開部劇俾佢拍，不過亦有話吳幸美啲戲好屎同埋有理性網民話佢哋搵一個唔識飲酒嘅人去做實驗，飲啤酒都會醉啦，覺得實驗完全無說服力。
部分留言：


不過無論如何飲酒都一定要有節制，唔好為咗貪新鮮就搵命博啦！




 


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁