高登毒男親證婚訊　阿源：「我已經結左婚喇，你班高登仔仲係度日日掛住睇AV發春夢」

:0:0

高登毒男親證婚訊阿源：「我已經結左婚喇，你班高登仔仲係度日日掛住睇AV發春夢」
"13自豪阿源表示只將婚訊告訴四位同事，所以不知為何有高登仔知自己將結婚的事。本刊親證婚訊後，阿源更叫記者陪他去試禮服。穿上禮服的阿源堅持要影婚紗相，「結婚一定要影婚紗相，香港好多地方都好靚，唔使特登去外國影咁嘥錢啦！」

一句「這些機會不是屬於我的」及「我覺得自己是零」，令 05年《星期日檔案》的隱青主角阿源（梁文源）在高登討論區成名，當中的金句及家訪的畫面，至今仍不斷被高登仔瘋傳及改圖。
事隔 8年，最近有高登仔突然爆料，指約 5呎 5的阿源成功脫毒，更即將結婚。講到似層層，婚訊一出網友瘋狂討論，上週三（ 8日）本刊直踩港大，找正於圖書館任助理的阿源了解，阿源終親證婚訊：「我已經結左婚喇，你班高登仔仲係度日日掛住睇AV發春夢」

成功脫毒，阿源信心返曬嚟：「機會係自己把握！我就係人辦！」阿源新金句呀！

"05隱青曾經在《星期日檔案》亮相的阿源憑一句：「這些機會不是屬於我的」成為高登的神級人物，阿源重看以前的片段都大踩自己，「我以前係廢柴。」
記者踩入港大等阿源收工，上週三下午六時多見他離開圖書館，記者表明來意，他則禮貌地跟記者說：「你好！唔好再叫我阿源啦，叫我 Patrick！」記者所見，阿源打扮雖與潮扯不上關係，但見他衣著整齊，對答如流，只是沒梳好頭髮，有點亂糟糟，但與 8年前那個「自覺是零」的隱閉毒男已有很大分別。

拍拖 5個月
阿源的金句、改圖多年來在網上不斷廣傳，甚至有人覺得「總有佢墊底，低處未算低」。由近日爆出阿源結婚的消息，很多高登仔都揼心口不相信，但亦有不少網友恭賀他，更大讚他未婚妻靚過 Angelababy。
阿源向記者自爆：「我同女朋友拍咗拖幾個月，努力儲緊錢，希望兩年後結婚！」問到如何追到女友，他一臉甜絲絲：「同 Fanny（女朋友）喺 05年（即《星期日檔案》播出後不久）做義工識嘅，嗰時都覺得同佢好啱傾，到我轉去港大工作，佢仲主動問我拎電話（聯絡）。」停咗 5、 6秒阿源續說：「其實幾年嚟我都有掛住佢，不時諗番同佢做義工時嘅開心事，不過始終唔敢搵佢。（對話又再停，他突然玩手機，隔了約 10秒他再說）去到上年終於鼓起勇氣 WhatsApp佢，點知佢又肯覆，之後我哋就開始約出街。」

巴打恭賀上週二（ 7日）「阿源結婚了」消息一出，瞬即被高登仔狂推，即使未見未婚妻圖片，恭賀說話一頁接一頁，睇嚟阿源喺高登有神級嘅地位！

未婚妻曝光Fanny：阿源未婚妻成為高登仔熱話，又話似 Angelababy，又話似陳妍希，記者幾經辛苦，終於取得未婚妻 Fanny和阿源唯一合照，阿源話：「我哋好少影相，只此一張，我鍾意嘅女仔最緊要夠真，唔使好靚，夜晚佢返屋企我都唔使擔心！」至於佢個型爆 skin head look，阿源就話：「我貪方便唔想成日剪，所以先剪咁短！」
唔要嘉欣 BB
愈傾愈興起，阿源更向記者大爆追女必殺技：「做男仔梗係要 cool，唔可以做兵！（你哋拍拖會做咩？）我哋最鍾意行商場，邊行邊同佢傾偈，了解佢！（你點追 Fanny？）我 send咗 G.E.M.嘅〈我的秘密〉畀佢，叫佢留意歌詞，向佢示愛。到上年 12月 15日，我哋一齊行商場（朗豪坊），我就拖住佢，其實我 plan咗好多晚，見佢冇反抗，就一直拖到送佢搭車，（咁就一齊咗？）嗯！我覺得 Fanny份人好真，我覺得內涵最重要。我都冇林峯咁靚仔，唔識 chok，所以女友個樣平凡就得，畀嘉欣 BB我都唔會要！」

WhatsApp傳情近排鴨仔大熱，阿源就同 Fanny講笑話啲小型鴨仔得 6歲，係鴨 BB，除了借鴨搞 gag，阿源和 Fanny亦不時在 WhatsApp傳情，女友甚至暗示叫阿源訂定婚戒。

慳錢買平戒為結婚阿源事事做到足，除了堅持影婚紗相，還堅稱買婚戒，「結婚點都要買戒指，我冇錢咪買平啲囉，只要真心相愛，平定貴都唔重要！」

港大拉把行禮身為港大圖書館助理的阿源，除了熱愛工作，還希望能在港大圖書館行禮，「港大圖書館又大又方便，仲可以畀同學及同事見證我結婚時刻，諗起都開心！」

送 CD氹女咪以為阿源唔識氹女，其實他好浪漫，「我特登買咗 G.E.M. 10年隻《 My Secret》送畀未婚妻做定情信物，碟入面首〈我的秘密〉就係我嘅心聲，而家 Fanny都成日話佢有拎番隻碟出嚟聽！」有新碟唔買買舊碟咁有心思，難怪未婚妻冧到暈。

社區中心邂逅05年阿源在義工活動中與未婚妻 Fanny（紅圈）初次邂逅，「我同 Fanny都係基督徒，大家又鍾意行商場同食嘢，第一次見我哋已經雞啄唔斷喇！」
〈我的秘密〉歌詞節錄
我們之間的距離好像一點點靠近
是不是你對我也有一種特殊感情
Ha~我猶豫要不要告訴你
我心裏的秘密是我好像喜歡了你
惡搞紅人

阿源一向都是高登 hit爆紅人，自 05年無綫《星期日檔案》播出後，即成惡搞對象，網友知道阿源喜歡楊怡，還專登剪輯了《法網追擊》的片段送給他，又惡搞與馬賽的合成結婚相，今期一定係阿源最紅！

網友對阿源未婚妻充滿幻想，於是就 key而家 hit爆的金伊娃（馬賽飾）的婚照送畀阿源做賀禮。

《法網追擊》入面，楊怡有直接跟劇中的阿源對話，創意無限的高登仔就將《星期日檔案》和《法》的片段，剪成楊怡探阿源的搞笑片，認真過癮！
以前我覺得自己係零，而家就有七十分啦！
兩人雖然只拍拖數月，但已認定對方，加上他們都 30歲，所以希望盡快結婚。
「我而家都好慳（點慳先？），晏晝喺港大食杯麵就算，平時最多都係同女友食嚇牛涮鍋。（係咪結婚一齊儲錢？）我係男人，結婚唔會使女人錢，所以慳住儲老婆本。」
講起未來老婆甜入心，但阿源卻為婚事而同 Fanny不時拗撬，「佢想行中式婚禮，但我就想西式，我最想喺港大圖書館門口行禮，但佢就唔鍾意，怕啲親戚嫌遠。女友想生一仔一女湊個『好』字，但我覺得小朋友好難教，教完都會斬父母，所以唔想生。不過我哋傾到唔開心，我都會主動上網搵啲爛 gag同 IQ題氹番佢開心！」

家訪9/5源媽安樂曬孝順的阿源會將他大部分的人工給母親（左），令一家生活得到改善，由當年的唐樓搬到現在位處深水埗的私樓，源媽亦大感安慰。

盡責員工在港大圖書館工作 6年的阿源仍十分敬業樂業，經常幫助同學找書和影印，同事都大讚他是盡責員工。

知道阿源的婚訊，高登仔除了戥他開心，仲大讚他「筍盤」，想知他的「脫毒」心得。阿源就自信地分享：「馬明先係『筍盤』！（忽然狂笑，訪問又再中斷）拍拖又好、做人又好，最緊要主動啲，機會係自己把握！睇番以前自己十足廢柴，而家就係個有為青年。媽媽同 Fanny都好撐我，我先捱得過！（神情突然凝重）以前我覺得自己係零，而家就有七十分啦，謙啲，做人唔可以太囂！其實機會係自己把握！我就係人辦！」