梅媽入稟申更多生活費：「每月3萬元捱得好辛苦」官:「個個月3萬蚊都辛苦，香港幾百萬人辛苦過你」

:0:0

已故歌手梅艷芳的母親覃美金（梅媽），為跟梅艷芳生前立下的基金爭奪逾億元遺產，不惜斥巨資打官司，最終梅媽被判敗訴，更因拖欠律師費於2012年被頒令破產。其後4年來，梅媽多次以不同理由申請獲得更多的生活費。梅媽今再次到高等法院申請取得更多生活費，指每月只有3萬元「捱得好辛苦」，但法官提醒她，其破產令將於下月屆滿，只要繼續「乖乖地」，2個月後如無意外將可獲得每月十幾萬元。
法官提醒梅媽，她的破產令將於今年4月25日屆滿，只要多等待2個月就可以每個月獲得十幾萬元，將不再受制於破產受託人。相反，若梅媽堅持在破產令屆滿前申請一筆生活費，則需由破產受託人分配。惟梅媽在庭上呻苦，「個個月捱個3萬幾蚊，我好辛苦呀捱得！」法官回答：「個個月3萬蚊都辛苦，香港幾百萬人辛苦過你」。法官押後裁決，但指「今日的申請真係…我唔會話無謂」，「你90幾歲人啦，出面天氣又唔好，唔好小小事騰來騰去。」叮囑梅媽星期四天氣轉冷，記得添衣。

遭官拒加10萬生活費發難
梅媽：3萬食豬餿
已故天后梅艷芳（阿梅）嘅媽咪覃美金（梅媽），每個月可以喺阿梅遺產入面，攞5萬蚊做生活費，當中有2萬係用嚟交跑馬地住所嘅租金，不過梅媽因為冇交租俾人收樓，最近搬咗去北角住。跟住梅媽就向法庭申領18萬，話用嚟畀搬屋費同新屋嘅租金，噚日梅媽去到高等法院聽判決。

■梅媽噚日唔滿意裁決，離開法庭時仲發脾氣鬧話要食豬餿。

判決結果係，破產管理署冇反對，仲會由新租約生效日，幫梅媽交36,000蚊租金，生活費就維持不變。但梅媽反問法官：「可唔可以每個月扣10萬蚊畀我？」法官拒絕，仲話：「呢個係法律，並唔係法官鍾意點做都得，法官只係執行法律，法律喺頭上，唔係喺凳下。」
梅媽好唔滿意裁決，離開法庭時仲發脾氣鬧：「3萬蚊生活費做得乜？食得乜？叫我唔好食呀？我依嫁食豬餿，要去買平菜，買平嘢食。」跟住再繼續鬧：「佢哋食我唔使食？以前12萬自己交租，乜都唔使欠，唔使求人。」係咪阿梅遺產剩錢唔多？梅媽話：「樓賣完一間又一間，冇人簽紙都賣，最後一間賣到億幾，我一毫子都分唔到。」

[圖擷取自網路，如有疑問請私訊]