[殘酷現實] 港女 Jenny : 「香港D男人連一兩蚊小費都拎...好孤寒...好撚無用羅!!」

:0:0

前幾日我生日，有個想追我既男仔話同我慶祝，話book左尖沙咀某間高級餐廳食dinner，
其實我第一次去呢啲地方，好緊張，專登買左條過千蚊既靚裙同化哂妝咁上去，仲帶埋阿媽條銀鏈。
上到去，個景靚到爆炸！可以睇到維港夜景，啲座位同裝修都好high class，啲waiter不論樣貌同態度都有番咁上下質素，仲要個個都講英文，用英文問我食咩，
但啲菜單都係英文同法文，我讀書少睇唔明，真係即場口啞啞，好彩個男仔幫我解圍，果時有對佢加分架，
佢仲教我西餐禮儀同講左啲笑話，成程都幾sweet，最後仲變左個小蛋糕同玫瑰出黎，我果時已經有種感覺，佢係我要搵既人。
但後來俾錢既時候，個男仔話唔記得帶卡碌，唯有俾現金，我果時下左聲，心諗唔係要我夾份俾呀?

好彩佢都帶夠現金，食左唔知二千定三千幾，但waiter找錢既時候，我啲男人應該會好豪氣咁話唔洗找，但佢竟然拎番哂啲小費囉，
拎番啲紅衫魚都算，我仲見到有散紙係入面，果一兩蚊佢都全部拎哂，
唔止我O左嘴，就連個waiter都有少少驚訝，可能佢係到做咁耐，都未見過啲客會拎番哂啲小費咁孤寒...

最後佢揸車送我番屋企，我估佢有啲期待我同佢既下場，仲下車送埋我去禁lift，
但我冇叫佢上去飲咖啡或者坐下，只係講左句多謝拜拜就算，
本來覺得佢有啲錢又有學識，個樣又唔差，條件都算好，
但點知佢性格咁孤寒，做佢女朋友應該唔會幸福。

網友回應:
A: 食咁高級既比下小費都好應該, 不過算啦…都請左你, 咪講聲多謝咪ok…可能佢眼中只係節儉, 既然價值觀唔同咪唔好曬時間, 唔好比機會人, 唔好應約囉…至於你都應該要了解下佢性格內涵先好諗係咪你要搵既人, 個look好有學識好sharp, 又好有錢咁, 都係表面野姐。。

反而有次唱K, 條友我唔知係咪特登, 找錢果陣居然散到廿幾個硬幣咁上, 我個fd拎曬, 佢話: 比貼士係可以, 但你做到咁出面我就一毫都唔比
B: 加咗10%仲俾小費?
就算你俾卡都唔會俾小費啦
C: 又係d以財相人嘅港女post
一件咁小嘅事...你終生都好難有幸福
D:食野比幾多小費跟做人是否孤寒是兩碼子的事,
而且,如果簽咭對 waiter 來說更是 0小費,
簽多只是分司收,而吾會比番員工
E: 同你食左成二千幾蚊加一果度都成二百幾啦小姐
F: 好明顯樓主真係第一次去果 d 餐廳, 佢地已經 charge 左 10% service charges, 係唔駛俾小費 ....
G: 你錯了，是你做他女朋友，他不會幸福。

H: 小妹妹你真係好笑
首先，你話因為佢送支玫瑰俾你，有學識，同埋帶你去食餐好，就應該可以覺得佢係你要搵既人... 你都好膚淺姐
跟住唔俾小費又有咩問題呢？我有時去高級餐廳都一樣唔會俾小費. 錢係應洗得洗. 餐牌話左幾錢，客人冇義務要俾更多. 你可以因為一個如此那麼細的理由就由你要搵既人變成覺得男仔好cheap. Cheap個個係你囉好冇
同埋你一定都係貪個男人個小小臭錢. 我同我老婆拍拖拍左4年左右先第一次去高級餐廳. 雖然我讀書拍拖時都已經過$20000收入，但都唔會帶我女朋友去呢種地方或者亂俾tips.

[圖擷取自網路，如有疑問請私訊]