唔係扮野啦，你唱K 唔識做呢d野，唔好同人講自己成日去neway 唱K

:0:0

每逢佳節NEWAY唱K癮起，唱 K 一直是頗受歡迎的團體活動，只因這個活動最易約人，又可以一班fd共享私人時間。

香港人唱K可是有一套「潛規則」的，不管你喜不喜歡唱K，以下的唱K文化你一定熟悉。

1. 學生證是重要資源
珍惜還有學生證的朋友，唱K一定由他們預約和取房間，雖然不平得多，人頭費免加一照殺！對對，信用卡也有折扣，沒有學生證、沒有指定信用卡，唱K好蝕!

2. K房霸位教學 - 不要坐門口
如果你是好喜歡唱歌的朋友，你一定知道不可以選門口位，開燈、落order都是你做，還有人來人往去廁所，怎專心唱K? 所以你一定不會揀。門口位留給「分母」吧。
何謂分母? 唱K是AA制活動，有些朋友坐整晚也不唱一首歌，會被稱為「分母」，因為他/她的存在只在於幫「唱K分子」除開Nuts、食物、啤酒條數。

3. K房反咪霸教學 - 「B.隨機播放」
大家得知道，有些朋友是天生「咪霸」，一入房夠膽死點足三頁自己歌。與其插歌，不如一開始就 Random。

4. 入房第一件事 - 帶咪套
「咪套」這發明，追溯到2003年沙士事件。當時人人怕飛沫，K 業嚴重受損，各 K 房就推出「咪套」，讓大家唱得比較安心，亦強調每間房都必定徹底消毒。事已至此，「咪套」成為了沙士事件後殘留在業界的小遺物。

5. 打住邊爐唱
日本人唱K，跳曬舞擺曬Pose仲計埋分；香港人唱K也不弱，成煲沙嗲火鍋從Buffet區拿入房就唱住開餐，多麼有霸氣。

6. 「CUT歌!」
香港人唱K係好趕時間的，得個幾粒鐘，唱完最後一粒字好立即「停唱」，唔好等。香港有作曲人說，廣東歌的Outro是常被遺忘的。

7. 好易揀錯國語版的歌
如果你首飲歌的粵語版和國語版歌名是一樣的話，你總有試過點錯語言版本。But so what? 你照出國語，我照唱廣東話，反正無字幕我都搞得掂。或者，你試過自暴自棄地用廣東話唱國語字。(例子: 張衛健-身體健康、許廷鏗-碼蟻、陳奕迅-K歌之王)

8. MV版 > 演唱會版
如果那首歌有多個版本選擇，一般來說揀MV版會比較安全，因為會少啲停頓、個intro快啲，雜音少啲，更加唔會有live版的臨尾拉長音，唔會入錯beat。不過，有時候也會揀中一些「劇場版」MV，唱完一小段，個主角又要講嘢... (例子: 陳柏宇-你瞞我瞞)
不過，如果真係揀演唱會版，其實K迷都handle到的。小女有一例子，容祖兒的心淡唱到街知巷聞，有誰發現唱到最後一段「由這一分鐘開始計起春風秋雨間」時，會先停頓幾拍，個「由」字一定會拉長？唱開演唱會版的你一定知。

9. 最後一首歌一定揀Medley
香港的K房是會用電腦系統迫人走的，一夠鐘，螢幕就彈出「臨走前請帶你的隨身物品」，遙控宣告無效，你極其量唱完播放中的那首歌便要走人。

唔好蝕，計好cut房時間，臨cut前最後一首歌，識唱一定唱容祖兒、古巨基的「狂串樂基兒」，12分30秒，唱足26首副歌，成功為離場劃上完美句號。

p.s. 過時的完場影片
某K Box 的完場片段用了十多年也未換：「各位K迷係咪唱得好開心呢? 下次黎記住點我xxx嘅新歌喇...」我都想，問題是那個歌手已經無新歌了。

p.s.2 歌總是越唱越膠的
一開頭，大家都會唱大路歌，包括陳奕迅、容祖兒所有歌、《那誰》、《到此為止》、《天梯》等。漸漸你發覺場內氣氛需要一點突破，你便會開始將《嗶嗶嗶》、《登陸太陽》、尹光唔多理爸爸那首歌等，統統加入歌單後，真正的Party才正式開始。