其實好多台妹愛港男!月薪1萬都肯嫁!真係好過港女多多聲!

經濟基礎穩健嘅你，想搵個歐美裔嘅女朋友甚至老婆可能都唔難，但的的確確，無論俄羅斯定烏克蘭都好，雖然女人好多，但係同亞洲人就始終都有語言不通嘅問題，真係幾難解決！

今次我哋就睇返溝通比較容易嘅寶島台灣啦。港男愛台妹好似都唔係啲咩奇聞，好多男仔仲打正旗號以同台妹結婚為家庭目標添！點解港男會咁鍾情台妹架呢？有網民就話，喺佢哋眼中嘅台妹形象就係又靚又溫柔，天生識得撒嬌，《撒嬌女人最好命》入面，周迅嘅情敵隋棠就充份演繹咗台妹喺港男心目中嘅形象－渴望被保護、獨立能力值貼近零、而且成日讚到黃曉明天上有、地下無，除咗佢嘅黑暗面部分。


有人話，香港女生聰明、有成就、鍾意話事但唔鍾意讚人，呢四項特質經常重創男人嘅自尊心，而台妹口頭禪就係「你好厲害喔」，就算轉咗廣東話Channel都仲係會將「你好犀利呀」掛喺口邊，點會唔冧死港男？

但係原來唔係得港男單方面鍾情台妹，有個台灣朋友同小編講，有啲台妹都特別鍾意港男，因為覺得港男有上進心，做事認真又獨立，談吐有禮，又帶點幽默唔怕同佢哋相處會悶，仲話覺得港男比較有風度會幫個女仔埋單。佢仲分享一次經歷話，試過帶個香港朋友去同自己班台灣朋友唱K，結果在場嘅台妹知道佢係香港人，即刻拉埋佢個朋友喺一邊密密傾，傾到鬼死咁開心咁話喎。


之前就有個台灣媒體係台北做街訪，問嚇啲台妹覺得伴侶要有幾多月薪先適合做結婚對象呢？答案普遍為3至4萬元新台幣，摺合大概7400至10000元港幣，有少數仲話22000蚊新台幣（即大約5400元港幣）都肯嫁添！咦！咁咪即係大部分嘅在職港男都符合條件！？


不過呢，想娶個台妹嘅港男都要注意一點，台灣女仔普遍都幾依賴另一半， 事業心唔重，同日本女仔一樣都主張婚後男主外，女主內，專心相夫教子而唔出去工作，所以港男都要衡量一下自己嘅經濟能力，或者要同你嘅台籍伴侶有共識呀！




 


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁