我屌你老母，無野慘撚得過要去追一個文青女仔

:0:0

首先，依件係真人真事。雖然，我喺高登講係真人真事應該無咩人信。如果你無試過同女文青打交道，你完撚全唔會知道佢哋到底有幾難搞。唉，仆你個街啦，事緣是咁的：sponsored

依件已經係我YEAR 1時候嘅事。我相信每個人YEAR 1唔多唔少都總會玩過一兩次 OCAMP，我都係。老老實實，入到大學，讀咗十幾年書，唔通唔搵嘢玩嚇啊？你話係唔係先係唔係先？嗰年我報咗大O（成間U唔同學系嘅人一齊玩），仲有報咗HALL O（宿舍搞嘅O CAMP）。細O無去到，因為撞咗有嘢做。話說啦我放JUPAS嗰時一大清早呢……屌，算，你班高登仔邊有咁好耐性，時不宜遲，我由大O嗰日講起。sponsored 「我叫Michelle，ERR……係讀文學院嫁。」嗰時所有人已經換曬CAMP TEE，幾乎一模一樣樣咁滯，但依個女仔好特別，所以我剩係記得佢。佢一頭啡色長頭髮，紥咗條低辮，望嘢嘅時候好似無焦點咁，個樣少少呆少少蠢。依次係我哋第一次見面，嗰時我哋喺朗豪坊間M記裏面，佢哋食緊雪糕。而我因為之前有啲嘢做而要遲JOIN。「哦……叫我格仔得嫁喇，讀BBA。」雖然我讀BBA，但如果你問我大學生涯裏面有咩唔識，我會答你係BBA。然後所有人都自我介紹咗一次。但當時我掛住望住阿Michelle，我一路諗，其實依女仔都幾可愛幾靚女吖，但唔知點解我覺得依個女仔個樣好好笑。組爸：「你試嚇背返曬我哋啲名出嚟先！」我：「ERR……依個係Michelle……依個係……」之後嗰啲我全部唔記得。眾人：「WOW！！！剩係記得Michelle！」於是嗰日我全程畀人「造」，同Michelle傾兩句計又有人歡呼，玩GAME嗌嚇Michelle個名都畀人玩。有啲咩嘢要兩個人出去嘅GAME，啲人就喺到鳩嗌：「Michelle、格仔、Michelle、格仔……」sponsored

OCAMP遊戲不外乎用飲管傳嚇橡筋、同女仔食嚇百力滋咁，我讀嗰間大學好撚正氣，少少淫GAME都無。坦白講，我係有些少失望嘅，不過唔緊要，正氣有正氣玩，戇戇鳩鳩又一天，嗰一日我哋都玩得幾開心。組爸約定我哋：食完晚飯，梳洗完，夜晚十二點就去佢嗰邊集合玩房GAME。但你知，CAMPSITE多數都六點食嘢，去到夜晚一定肚餓。於是我摷咗個杯麵出嚟拎去CANTEEN搵熱水。夜晚CANTEEN為咗慳電剩係開咗一邊燈。角落頭有個女仔坐咗喺到，望住窗外面。外面係一片大海，對岸一點一點高樓大廈嘅燈火。我：「Michelle？」Michelle依到時候先發覺我嚟咗依到。Michelle：「格仔？」佢望住我個杯麵：「食杯麵啊？」我心諗，唔通出嚟賞月？我笑笑口：「哦，係啊，食杯麵啊。」sponsored 我又問返佢：「你呢，你喺到做咩啊？」Michelle：「無啊。」我行到去熱水機隔離沖咗個杯麵先，好肚餓。我：「咁你又一個人坐喺到？」Michelle：「喺到諗嚇嘢之嘛。」聽完佢咁講，更加覺得奇奇怪怪。我：「諗嘢？」杯麵落完水，冒住蒸氣，我放咗個杯麵喺檯，坐咗喺佢隔離。我：「你今日玩得唔開心咩？」Michelle：「唔係吖，好開心啊。」佢微微彎起嘴角，然後又望向窗外。佢咁嘅狀態，好難說服到我佢真係開心，但我又唔知可以講啲咩好。我決定求其搵嘢鳩嗡一輪，轉個頭扮返去食麵閃人。我：「今日唔好意思啊，累埋你畀人玩添。」Michelle：「唔緊要。」CANTEEN靜得交關，粒聲都無，尷尬到極點。我望嚇隻錶，望望個杯麵，又望嚇隻錶。我：「我聽日會叫阿肥強啊、細超佢哋唔好再玩嫁喇。哈哈哈，你唔好介意啦。」肥強同細超喺嗰陣嘅O CAMP組MATE，依家已經唔太記得佢哋咩樣。我見時間去到咁上下，於是拎起個杯麵準備走人，再唔走我真係會窒息死。我：「個杯麵都搞掂喇，我拎返去食先。」我：「ERR……唔阻你思考喇。陣間見啦！」sponsored Michelle：「陣間見。」行到咁上下，我又望返轉頭，佢又繼續望住個窗。光管喺佢頭頂上面照落嚟，佢眼睛望向遠處，粒聲唔出。佢背影裏有……有哀愁、感傷、雨、霧，我已經用盡我上YYLAM所學過嘅字。肥強定唔知細超：「格仔！原來你喺到啊？！」然後佢疾咗一疾，望住我坐喺我後面嘅Michelle。我即刻心知不妙。肥強定唔知細超：「吖！格仔！原來你孖住阿Michelle喺到食杯麵，哎啊對唔住啊阻住你哋撐檯腳添！」我：「妖！唔係啊，撞到之嘛！」肥強定唔知細超：「哦！原來係孖住阿Michelle一齊撞到喺到食杯麵！」我：「屌！」我細細聲叫佢唔好再講。Michelle回頭向我哋微笑一下。我：「我哋走喇！」Michelle：「再見。」之後佢就無再理過我哋。sponsored

[圖擷取自網路，如有疑問請私訊]