老公係側邊屌其他女，譚小環：「我真係好難笑得出」

:0:0

sponsored 老公係側邊屌其他女，譚小環：「我真係好難笑得出」今年六月，小環老公蔡強榮被爆五年前在夜場咀艷女，事件令小環傷心嬲爆，冷戰個多月，就算同檯食飯，都唔睬老公。自知理虧，蔡強榮全面認錯，又搵外母做和事老，安排台灣箍煲旅行。四日三夜之旅，明顯未嬲完的小環，全程面燶燶，老公講乜都無反應，大部分時間黐住阿爸阿媽；謝曬的蔡強榮，做阿四買果汁，揸機影相，行夜市買腸餵妻，落力補鑊。冷戰未完結婚九年，譚小環兩年前獲任職保險公司區域總監的老公蔡強榮，打本開魚蛋檔，港姐冠軍做魚蛋妹，一舉成功，今年五月開分店，兩公婆恩愛現身開張活動。一個月後，小環老公被爆五年前在夜場咀艷女，有圖有真相，小環嬲爆，聲稱需要時間冷靜，自此，夫妻關係亦變僵。sponsored 過去個多月，小環一直同老公冷戰，落鋪頭幫手時間亦各有各。做錯事的蔡強榮惟有不斷認錯，更加搵埋外母幫口做和事老，早前就以陪外父外母去台灣玩，安排箍煲旅行。「其實呢次旅行係因為慶祝新店開業，一早 book曬機票酒店，但六月爆咗夜場咀女件事後，小環嬲到唔睬 Eric（蔡強榮），話唔去旅行， Eric惟有搵小環媽咪幫口氹，小環唔想兩老掃興，最後都答應去玩！」知情者說。今個月初（四日）中午，譚小環兩公婆推住幾篋行李，飛抵台灣桃園機場，出閘後，二人先安排父母坐低，再一齊行去買電話咭。平時笑面迎人的小環，當日全程黑面，一馬當先行去排隊，完全冇理過老公；其間，蔡強榮在老婆旁邊說個不停，但小環都毫無反應。

sponsored

蔡強榮五年前在夜場咀女相流出後，小環對外雖然聲稱接受老公道歉，但夫婦關係已大不如前。

sponsored 全程面燶燶之後一行人步出機場，一輛七人車早在外等候，四人先到忠孝東路的度小月醫肚，吃了大半個小時，小環同老公到附近的阿默蛋糕買手信，對老公越軌行為仍耿耿於懷的小環，繼續揦埋塊面，無論蔡強榮講乜，她亦十問九唔應，自顧自揀蛋糕。買完手信，兩公婆會合兩老，坐七人車到附近買果汁，見店外大排長龍，蔡強榮細心地叫小環上車等，自己繼續排隊，等了大約二十五分鐘，才攞住四杯果汁上車。下午四時多，終於去到酒店，小環安排父母坐埋一邊，兩公婆到櫃檯 check in期間，小環只不時擰轉身同父母傾講，同老公零交流。

sponsored 本月四日中午，小環同老公在台灣機場出現，兩人只顧各自㩒電話，毫無交流。

老婆未嬲完，蔡強榮只有傍實外父外母。

sponsored 步出機場時，小環自己行先，蔡強榮冇曬符。

去新光三越上糧，蔡強榮菸癮起，小環唔等老公，與父母先去行超市。

sponsored 蔡強榮幾度撩老婆傾偈，小環都冇反應。

得外父外母幫手箍煲，蔡強榮細心扶兩老下車。唔等老公上房休息了個多小時後，一行再離開酒店，到東區的超市和新光三越上糧，小環全程黐住父母行，就算蔡強榮一度停在新光三越百貨外吸菸充電，她亦未有停低等，反而先與兩老行落地庫的超市繼續買。同父母一齊，沒有老公在旁的小環終於露出笑容，只見她掃了幾袋戰利品，便搭住小環媽咪膊頭行上樓。sponsored 行到攰，一行人又到位於長春路的京鼎小館食小籠包歇一歇，小環亦稍為寬容，有外父外母隔一隔，蔡強榮終於可以搭嚇嘴。食到九時多，才返酒店休息。

去到宜蘭南方澳觀景臺，小環全程陪父母睇風景，冇癮的蔡強榮獨自坐開，謝曬！

sponsored 小環父母想同司機（戴帽）留影，蔡強榮醒目揸機。

做完攝影師，外母幫口叫埋位，蔡強榮終於有機會黐埋去小環身邊一齊影合照。外母幫拖翌日，上午小環一行人十一點出發，坐了近兩小時車程去宜蘭。當日氣溫高達三十八度，一到埗，大家先去一間出名食芋頭冰的鋪頭食雪糕，之後再行去另一條街食香腸。最愛街頭小食的小環，同店鋪老闆娘好投契，愈傾愈開心，見老婆笑曬，蔡強榮亦如開籠雀，插口同老闆娘傾埋一份，之後老闆娘同小環影合照，他亦自動自覺揸機。sponsored 當日行程包括到南方澳觀景台俯覽蘇澳漁港風景，但小環全程陪實父母，埋唔到堆的蔡強榮，自己坐埋一邊孤零零，甚至一度拉住司機做水泡，同對方玩 selfie。見女婿被冷落，小環媽不停搵機會同他傾偈，之後蔡強榮揸機幫小環同父母影合照，小環媽又開曬口叫一齊影，全個旅程，這是唯一一次，夫妻企埋一齊合照。被問到何以旅程中變成「燶面小環」，是否仍未原諒老公時，小環說：「嗰幾日台灣好熱，我真係好難笑得出。（點解帶埋父母去箍煲？）唔係箍煲，一早 plan咗開完鋪去輕鬆嚇！基本上只要可以嘅話，我去旅行都會帶埋爸爸媽媽去。」

行夜市時，買香腸慰妻！

夜市人多，小環任由老公黐實。

在宜蘭吃出名的甕仔雞，蔡強榮第一時間撕咗隻雞髀給老婆。

見老婆同香腸店老闆娘傾到雞啄唔斷，蔡強榮不敢怠慢，傍住外母睇嘢。

排隊買果汁，蔡強榮企街等足廿五分鐘。退出幕前

今年五月，譚小環的魚蛋檔在尖東開分店，當時同老公仍十分恩愛。唔撈無綫，退出幕前， 14年譚小環決定自己創業，於銅鑼灣開了第一間魚蛋檔「渣哥一九九六」，港姐冠軍貼地落鋪做生招牌，開張一個月，已經火速回本，高峰期更試過日賣過萬粒魚蛋。吼準減租潮，譚小環今年五月於尖東開分店。靠賣魚蛋提升知名度，更被內地粉絲封為「魚丸西施」，紛紛向小環招手拍劇登台，但她一一拒絕，決心搞好「渣哥」。一而再偷食07年，譚小環與從事保險業的蔡強榮（ Eric）結婚，夫妻表現恩愛，但近兩年，老公卻兩度爆出偷食出事。

圓方偷食去年，蔡強榮被拍到背妻相約一名女子於圓方食 lunch，其間二人有講有笑，更在大庭廣眾下公然同對方拖手，又玩扯衫尾，大耍花槍。夜場咀女今年六月，流出蔡強榮五年前在夜場咀嫩女連環圖，婚後偷食，事發後小環雖然接受老公道歉，但表示仍然耿耿於懷，夫妻間要冷靜一下。

[圖擷取自網路，如有疑問請私訊]