(含教學) Pokemon Go 有外掛 App!! 可以令你足不出戶就捉到卡比獸同啟暴龍

惡劣天氣下，各位 Pokemon Go 訓練員都係乖乖地留喺安全地方！出唔到去捉精靈同補給可以點算？有網友就發現一款 Pokemon Go「iOS 懶人版」，聲稱可以幫玩家代步，就算坐喺家中都可以四出捉精靈。咁玩，有意思咩？直頭離譜！兼且這款 iOS App 並非從官方 App Store 下載，絕對有安全風險，ezone.hk 絕不建議大家安裝。
呢款 Pokemon Go「懶人版」有幾「強」？佢唔可以幫你自動「升呢」，但內置一個虛擬十字控制桿，可以操控「自己」喺地圖上走來走去，仲有步行、奔跑、開車 3 個速度選擇，咁就足不出戶都可以捉精靈同搵 PokeStop 補給喇﹗除此之外，「懶人版」還有一個「瞬移」功能，只需輸入經緯度就可以前往目的地，再配合《Pokemap Live》等精靈搜尋工具，就可以用瞬間轉移去捉稀有精靈。不過，用「懶人版」都有風險，第一有機會俾官方鎖 Account；第二就是這個 App 係出自國內第三方 App Store，雖然唔駛 JB 手機都裝到，但就要通過開發者驗證，變相有機會取得手機部分資料，小記就唔敢試喇！


遊戲可以如常登入 Google Account，但畫面多了一個虛擬控制桿。


左上方提供 3 個功能，最右邊可調校移動速度。

直接輸入坐標去搵精靈，但有機會被官方封鎖帳戶 4 小時。


預設定位在美國，所以使用「懶人版」就要識得辨別方向。

「懶人版」由深圳公司開發，使用 App 需要先得到手機信任和授權。







 


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁