(男人最痛) 發現條女唔係處唔想再同佢結婚

:0:0

發現條女唔係處唔想再同佢結婚

sponsored 上個星期，我哋啱啱先去完希臘，背住全歐洲最美日落，你跪低，拎住隻半卡嘅鑽石戒指，同我講你以後會好好照顧我。你話就算我哋唔係咩大富大貴，公一份婆一份，租個細單位，生一竇仔女，慢慢教佢哋讀書寫字，睇住佢哋爭玩具，睇住佢哋成家立室，然後我哋老到無曬啲牙，抱住孫仔一齊去睇日落……「點解係睇日落？」六七十歲，抱唔抱得起孫仔都成問題喎。「我會帶你去睇好多好多個日落。」其實你都唔係答緊我問題，講嘢一舊舊，但唔知點解又會氹得我幾開心。太陽就快落山，我望住橙紅色，就快入黑嘅天空，忽然間覺得，人始終都會慢慢咁老，而人生，都係搵個人同自己傻嚇傻嚇咁過日子姐。每日都有日出日落，最重要嘅係陪你睇嗰個，可以將最平凡嘅野變得好有趣味。sponsored 望住面前跪喺度嘅男人，我點頭，忍唔住喊咗出黎，從今以後，佢就係我老公。「唔好喊啦，喊醜咗唔娶你架！」你企返起身，幫我戴完戒指，狠狠地攬住我。我好想怒啤你，但你攬到實一實，我無反抗餘地。當晚瞓埋一齊，你話你想要。同你一齊咗六年，我一直都無俾過你，以前細個太鍾意初戀男友，半推半就咁比咗第一次佢，之後識左你，我先知道感情係慢慢累積，直到最幸福嘅時候，我再將自己交俾你，個意義會更加重大。

sponsored 今晚就係我最幸福嘅時刻。肌膚緊貼，直到我身體感覺到一股溫熱，我有股衝動好想搲實你，留低一個唔會好返嘅傷痕，有咗印記，從此以後我哋就屬於彼此。「你……唔係第一次？」你望住我，一臉驚恐，個感覺就好似我出賣左你咁。我估唔到你會問呢個問題，特別喺呢個時候。我講大話唔係好叻，一時間講唔到嘢，你已經好嬲，好錯愕咁講：「你俾咗第二個！？」你鬆開我，坐左喺床邊。我未見過你咁嬲，而我知道你一嬲我最好嘅處理方法係唔好再駁咀。我想攬住你，但你講咗句「走開！」，我即刻連郁都唔敢郁。「係好耐之前嘅事嚟架啦……我無對你唔住呀……」我好怕你以為我出去搵第二個，我想俾你知道，你先係我最重要嘅人。我已經鼓起咗最大嘅勇氣去解釋，我覺得我好似推銷緊自己唔係一件次貨咁，我好委屈。sponsored 我好委屈。「哦，咁姐係同第二個就兩個月上得床？我呢？六年喇！六年你都無俾我呀！如果我今日唔求婚，我乜都唔知添！」你知我只係得一個一齊過兩個月嘅ex。可能你挖開咗我心入面一直唔敢提嘅部份，我想搵啲嘢講，眼淚已經跌緊落嚟。得一對手，我唔知去接眼淚好，定係攬住你好。

我無喊出聲，盡量維持正常嘅面部表情，因為你講過，喊醜咗唔娶我。你望住我，好似想講，又好似唔知點面對我咁，我更加覺得可憐。sponsored 我哋連衫都未著返。「……對唔住。」你見到我咁，都唔敢再講啲咩。我知你依然唔服氣，打咗個圓場就熄燈訓覺。當晚你冇再攬住我。之後，我哋好似返返未一齊嘅時候咁，傾嘅野全部都係最表面嘅野，唔敢再流露任何情緒。「間餐廳好似幾好呀，我地去睇下丫！」我伸手拖住你，你無反抗，但已經無再握實，好似心不在焉咁。「哦。」行到馬路口，你又借啲耳鬆開我。我只好俾啲時間你，但上機前，你都無曬求婚時嘅熱誠。返到香港，我好似個等候發落嘅囚犯咁，日日都希望你會搵返我。直到第三日，你終於whatsapp我……「我諗我要時間諗嚇……對唔住。」終於，我喊到收唔到聲。＊＊＊＊＊＊＊＊＊＊＊＊其實，一直都好哋哋架，就係差臨門呢一腳。唔計中學雞嗰啲，我以前有過兩個女朋友。不過兩個都唔長，都唔過一年。同初戀嗰個，我哋無同居，佢又有潔癖唔鍾意爆房，一直都好難有機會親熱。難得夾到一次大假去旅行，點知撞正佢嚟M，死都要我紅燈停步，所以根本未搞過就分咗手喇。sponsored 而同上一任呢，都係淨係去旅行先有機會。話曬我23歲人仲係青頭仔都唔係咩馨香嘢，不過我前度就唔係好介意，因為佢都算有經驗。佢嗰次係早有預謀，帶咗幾套性_內衣，晚晚轉款，「未經人事」嘅我點受得住咁嘅刺激。頭一日去到酒店check-in，一入門口就黎，回一回氣又黎，出門口前一次，食完飯一次，游完夜水又一次，夜晚再嚟，一日搞足七穫。佢會捉住我隻手慢慢引導我點令佢舒服，畢竟血氣方剛，返到香港之後又成日走上佢屋企匿喺房，唔洗幾耐我都上曬手，而且胃口一開，三日唔埋兩日就想。我同前度漸漸變成……「約會像是為分享到體滋味」，見親面都係為咗x，好少出街。本身已經無咩感情基礎可言，後來直情變到好似SP咁，互相解決生理需要嘅工具。sponsored 有一次阿花嚟搵我呻，佢話，自己縱橫情場咁多年（有咩），都食過唔少女，但今鋪堅係認真。「你明唔明……唉你梗係唔明啦，但總之……個感覺係突然發現，原來自己生存喺世上、兜兜轉轉邂逅咁多前度，就係為咗遇上呢個人！遇到佢第一嚇你就會知：係佢喇！」沉船就沉船啦仲扮情聖。阿花話，完全忘記唔到同嗰條女搞嘅感覺，只係望住佢、摸佢都會好似電流通過全身咁，交融，天人合一……我都唔記得佢講乜喇。直到我遇到佢，先至明，阿花所講觸電嘅感覺係真嘅。又唔係話性格好夾嗰種，但就係唔知點解覺得佢咩都啱啱好，好似著咗迷咁，好想每分鐘都同佢一齊。不過佢一直都話唔想俾我住，我都覺得咁重要嘅嘢，留返喺一個特別嘅時刻先開封，更有意義。發現條女唔係處唔想再同佢結婚 sponsored 終於都等到呢一日。我專登揀希臘求婚，因為呢個係佢最鍾意嘅國家，藍白小屋配一望無際嘅愛琴海。或者我唔可以俾到大富大貴嘅生活，但我好想每日同佢一齊睇日出日落，建立家庭，兒孫滿堂。我知道，佢一定會應承嫁俾我嘅。除衫之前，我直情緊張到好似個新手咁，手忙腳亂。等咗六年，終於可以拆封呢份一早屬於我嘅禮物。當我差唔多攻門嘅時候……屌你老味，無嘅？「係好耐之前嘅事嚟架啦……我無對你唔住呀……」咁都叫無對我唔住？我等咗佢六年喇，而家先話我聽原來我唔係第一手？咁樣即係話我知我玉潔冰清嘅小龍女原來被尹志平污辱過姐！而家係差在無全真教百鳩幾個觀眾食花生，睇住我面懵懵咋喎。你明唔明我嘅心情……我都唔係第一次，但……我係一直以為自己可以完完全全擁有佢，所有嘢。佢係我第一個愛嘅人，我好想佢成為我嘅女人。六年以嚟我都係咁諗，只係差一步，我夢想中嘅拼圖就可以完成喇。sponsored 點解，點解要咁無情打破我嘅幻想……由嗰晚到而家，每次佢嘅身體一掂到我，我就無辦法停止諗起佢同第二個男人咩過……我連望住佢雙眼，都會諗起佢同人x....眼前呢個人，究竟同我幻想中嘅賢妻良母可唔可以係同一個人？我真係唔知……

[圖擷取自網路，如有疑問請私訊]