對住旺角大馬路打拳 35F巨胸翠如拗腰一字馬冇難度
仲記得巨胸翠如Larine嗎？35F！35F！35F！呢組數字嘅威力，震撼你嗎？
上月初，ViuTV選美真人騷20強誕生，當中年僅18歲，但擁有35F（ViuTV官方數字）超級湯碗胸嘅鄧月平(Larine)，憑住無敵青春、澎湃上圍，再加上有幾分似翠如BB，即時成為頂頭大熱。到月中，巨胸翠如就同朋友仔去沙灘玩拋波波，着住三點式嘅巨胸翠如，心口嗰種跳脫嘅威力，震撼整個清水灣二灘。
不過人紅自然惹是非，事後有人爆料指巨胸翠如曾經整容、又遭疑似佢嘅仇家開嘅instagram爆料貼埋圖，指佢同富二代生過仔……搞到巨胸翠如好委屈咁話：「欲加之罪，何患無辭？」
好彩，生仔風波總算平息咗，巨胸翠如近排終於可以專心為選美真人騷備戰。日前下晝5點，記者見到巨胸翠
如喺旺角一間拳館練拳。着住背心嘅佢，雖然將35F呢組數字收埋咗，但每逢踎低彈起，都會隱約見到個F字，想脫衫而出。而最令人振奮嘅係，巨胸翠如練拳嘅拳館，坐落喺旺角鬧市中，仲要一大塊落地玻璃對正大馬路，真係無遮無掩，想點就點！只見巨胸翠如對住大馬路狂做掌上壓，無論排隊等車嘅肥叔叔，抑或路過嘅四眼後生仔，都忍唔住，擰過頭嚟盡情望！
話時話，已有一年打拳經驗嘅巨胸翠如，一字馬拗腰零難度，身體柔軟度算唔錯，打完拳後，記者喺同一晚半夜12點半，再撞到巨胸翠如同成班朋友仔，去咗深水埗食車仔麵。唔知……半夜食宵夜，身材係咪會好啲呢…呵！
攝影：梁繼光
學咗1年拳擊嘅巨胸翠如，當日出力打足1粒鐘，踢腿出拳有姿勢有實際。
對住大街做掌上壓……出面位哥哥仔……想點先！？
自言呢排肥咗少少嘅巨胸翠如，話要靠打拳keep fit。
wow……一字馬！
拗腰！
同日半夜，巨胸翠如約咗朋友仔去深水埗食車仔麵做宵夜。
巨胸翠如上個月去咗西貢沙灘游水晒F cup。
[tr]
[圖擷取自網路，如有疑問請私訊]
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
每日最熱話題頻道
