岩岩因為發現左『大家食』d衰野比人炒左，而家就爆曬佢D賤野出黎比你地知

:0:0

我以前係大家食員工，有次老細請食團年飯，喺間酒樓擺，好撚多人去仲有獎抽，不過最開心係老細搞左個問答遊戲，所有問題都係問關於佢個大家食廣告嘅野，例如寶寶食左幾碗麵，呂生嗰條魚係咩名棠。
但係最難而且全場得我一個答到嗰條就係，要背出呂生介紹會議室嗰段對白，包括所有停頓位，語氣。
我因為呢條問題贏左部42吋電視返去。老細下年仲話會作出呢條題目，但係要喺唔知7秒定6秒內背哂，一字不漏，贏左嗰個會有超級大獎。
好多阿姐睇完段對白都話一年都未必練到

我就覺得唔難喇，可惜之後我冇做喇
仲有樣野我地去團年飯嗰間酒樓嗰陣都要被迫兩個兩個咁樣入場，老細話咁樣係要扮番寶寶同棠哥，然後入場之前都要有個人講句"寶寶呢度",嗰晚我就係喺門口做登記。
不停聽到寶寶呢度寶寶呢度寶寶呢度，煩撚過閪

我之前就係做送貨 ,負責將d食物由工場車去分店，有時仲會順便車埋呂生落去鋪頭，呂生份人其實好搞笑，思維仲有d奇特，有次我地喺深水埗見到張廣告海報，係譚詠麟嚟，嗰張相影住譚詠麟企喺度介紹唔知乜Seven後面有堆字，個樣乸哂口面咁，呂生見到就問我，你估佢影呢張相嗰陣係咪喺戶外影而且太陽好曬丫嗱，我當時心諗研究呢d問題嚟托Seven咩，後來就發覺佢真係好中意留意一d細節位，諗野好撚古怪

老細有時坐坐嚇車或者行行嚇都會無啦啦好細聲講句，我乃常山趙子龍也，我問咩話，佢會笑笑口話冇野，好撚奇怪