距離8月越黎越近，見到Scarlett姐姐既日子越黎越短

:0:0

sponsored呢個時候我諗到兩個想法，一係眼白白睇住Scarlett姐姐同第個男人啪，一係我搞大佢奉子成婚，大不了咪18歲投身社會。

要我眠白白睇住條女比人啪，我做唔到。但我知道如果我搞大Scarlett姐姐，我會毀佢一生，人地前途無限，即使飛起左而家條仔，以佢既能力，以佢既資色，將來一定接觸到好多上流社會既人，我有咩籌碼呢？呢個問題我諗左成晚，我都諗唔到答案…

sponsored不過而家先7月開頭，我同Scarlett姐姐仲有一個月可以見，我應該好好珍惜同佢相處埋呢一個月，到差唔多月尾先再諗啦…始終我唔開心，Scarlett姐姐都會唔開心，我唔應該最後留段咁傷心既回憶比佢…呢個7月，我地如常補習，Scarlett姐姐亦都同屋企人講左補埋今個月唔會再黎，同埋佢走之前都幫我搵一個新既姐姐幫我補習…

雖然話唔想諗住，但我始終做唔到，呢個7月，我個腦日日都淨係得Scarlett姐姐，我真係好唔捨得佢…距離8月越黎越近，見到Scarlett姐姐既日子越黎越短，我地每次見面都好珍惜大家一齊既時間，有次甚至一齊坐左係公園成晚攬住大家，無番到屋企…sponsored呢段時間過得真係好快，話咁快就到左7月最後一個星期六，亦係我地既last lesson…「Edward，呢到有本note，係我親手寫架，呢本note比聖誕送比你果本有更多重點，你啲mistakes都寫曬係入面，記住writing小心啲呀，咪再衰呢啲低能野…嗱！以你而家既能力，比一年前已經進步好多架啦，你英文拎Lv5都應該唔係問題，即使我唔係到，你都要比心機呀…加油啦！」今晚，屋企人留低Scarlett姐姐食飯，我食得好辛苦，成晚都無出聲，因為我驚我會喊出黎…食完Scarlett姐姐都留左一陣，走果陣我送佢，一出門口我地就拖住手，拍埋應該係最後一次拖…