人妻Kay正式暫別樂壇 專心做賢妻：張繼聰應該多謝我先 __

sponsored曲終人散，謝安琪兩場紅館個唱，在真‧encore(Kay自己講的)下，在2016年4月16日晚上11點40分，真‧完場。Kay哭了三次。下一次再見，要起碼一年之後。慶功宴上，Kay放下了重擔，心情輕鬆不少。問她堅決不再同唱片公司續約，可是與經理人夏森美不和？她稱:「呢啲係外太空嘅消息，我哋一路都係好友嚟嘅。我今次休息，佢都好體諒。同埋係佢提醒我，一個女仔，嫁咗人之後要好好照顧屋企。喺好多年前，喺我生第一個嗰陣佢已經提我0架喇。」之後可會自組公司？謝安琪否認:「我真係休息嘅，要做番好家庭崗位。始終我係人哋個女，人哋個新抱，同人哋個太太。」講到話邀請劉德華任嘉賓，Kay自言係佢親自邀請嘅:「我人生只係參加過一個歌迷會，嗰個就係華仔天地。請到華仔係好緊要。佢都好好，特登飛返嚟香港做嘉賓。佢有少少鼻水倒流，仲肯咁rock咁同我唱。」但頭先見你好狼咁仲後攬住再單手摷華仔胸肌喎……呢位人妻就話喇:「喂呀!」問佢究竟華仔胸肌大定係張繼聰胸肌大？佢話:「唔好問呢啲啦，trap嚟0架!」至於點解個唱尾聲時唔多謝張繼聰？Kay笑言:「我成個人都返屋企喇喎，佢應該多謝我先。我為咗佢放低工作，都有所犧牲0架!呢啲決定唔係咁易決定，不過都多謝佢令我咁大膽，鍾意做咩就做咩。」最緊要呢句:張繼聰有去慶功，仲錫咗老婆面珠一下添!sponsored攝影:陳俊強 人妻Kay表示今次暫別樂壇係堅認真的:「我真係休息嘅，要做番好家庭崗位。始終我係人哋個女，人哋個新抱，同人哋個太太。」 sponsored老婆做緊訪問，老公惟有同海報合照先啦! sponsored千呼萬喚… 埋啲啦，行埋啲啦 sponsored張生呢個動作想表達甚麼？ 原來係做緊warm up，準備kiss kiss太太 張生，俾個like啦! sponsoredLike咗! 老婆你未走？咁我行先喇!


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁