日本5月起，劃一滿 5000円退稅，增宿泊稅消費稅加至10%

:0:0

雖然日圓兌港元匯價已升至 7.1 算，但對於下月將去日本遊行嘅你，又有好消息啦！呢單好消息就係，日本將會劃一退稅標準為 5,000 日圓，係咪即刻想買多啲嘢先。不過，有好消息亦自然有壞消息，就係日本嚟緊下年將會增加消費稅，想知新稅制係點？即刻睇下文啦！

1. 劃一滿 5,000 日圓退稅

日本國土交通省觀光廳公布係嚟緊 2016 年 5 月 1 日，將以往一般物品（如服飾、家電、工藝品等）消費滿 10,000 日圓或以上才能退稅的限額，劃一與消耗品（如食品、飲料、化妝品等）一樣，只需要消費滿 5,000 日圓或以上，即可作退稅。

咁大家以後就好方便，唔使再記住買乜乜乜滿幾多錢至可退稅，無論係一般物品及消費品，一律滿 5,000 日圓或以上即可退稅。

2. 大阪新增宿泊稅

有好消息亦都有壞消息，就係由 2017 年 1 月開始，大阪將會分階段收取旅館宿泊稅，未來一人一晚住宿費 10,000 至 15,000 日圓，會收取 100 日圓宿泊稅；15,000 至 20,000 日圓，會收取 200 日圓宿泊稅；至於 20,000 日圓以上，將會收取 300 日圓宿泊稅。這個旅館宿泊稅是繼東京後，第二個收取宿泊稅的大城市。

3. 消費稅由 8% 加至 10%

另外，日本政府亦計劃有 2017 年 4 月開始，將 8% 消費稅上調至 10%，亦即是表示大家來年去日本消費購物時，成本亦會上升。

[圖擷取自網路，如有疑問請私訊]