【有個女仔錫左我一啖 ，但我有個拍左拖5年既女朋友】

係一班人出黎食飯果陣識左個女仔，私底下成日whatsapp ，傾左2星期左右又單獨約多次出黎食飯 ，食完飯就各自返屋企， 點知第2日就出事， 佢無啦啦向我表白但我唔知佢知唔知我有女朋友， 因為我記得我有提過要諗定買咩生日禮物送比女朋友， 仲叫佢幫手諗之後琴晚佢又約我出黎 ，我本來唔想應約， 因為呢個女仔好靚， 完全係我鍾意果type我好驚佢當面向我表白， 我會做出d對唔住我女朋友既事， 所以我話唔出 但佢堅持叫我出黎講清楚我就諗， 好啦， 講清楚都好 ，我都想同佢講我有個拍左拖5年既女朋友 ，唔想佢做第3者之後出到黎， 佢就話睇場戲先， 飛都買埋:o) ，話已經買左， 唔好曬 ，睇完再傾 ，我就係咁比佢拉左入去

入到場10分鐘左右 ，佢無啦啦錫左我一啖:-( 之後我呆曬 ，我問：你做咩？佢無出聲 ，只係望實我對眼， 之後又錫多我一次 ，我開始忍唔住， 同佢kiss左5分鐘kiss果陣我無啦啦諗起我女朋友， 我就即刻跑左出個戲院 ，返左屋企

過左半個鐘 ，佢whatsapp問我：你都鍾意我架， 係咪？我唔識答， 亦唔想答佢， 到而家都唔敢回佢whatsapp ，有冇人可以教下我點做， 我女朋友完全唔知呢件事， 唉


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁