15歲仔學人溝女約佢出街 5 次, 全部食檸檬...好慘呀！！！

:0:0

唉-3- 小弟今年得個15歲...但係呢係今年4月到識左個女仔,

見得一次, 但係唔知點解好鍾意佢(起碼 4,5月都係)...跟住add左佢facebook啦, 問左佢拎電話, 但係佢同我講話佢唔用msn的, 咁唯有用facebook chat 代替啦...由識左佢個日之後, 差唔多日日都on facebook 等佢on...

每一日一見到佢on就已經好開心... 開始既時候, 佢應我一句我已經好開心。但係之後我發現, 佢好多時對我都只係一問一答, 唔會主動搵我傾計 or 主動叫我... 再加上我曾經試過約佢出街 5 次, 全部食檸檬...但係我冇因為咁樣而放棄, 雖然只係識左一個月, 但係唔知點解我好有膽, sd sms 同佢講左我對佢有意思, 希望有好結果。但係亦因為咁, 佢冇再彩我(我同佢一路都只靠facebook溝通)..

無論我道歉好, 做乜都好, 佢都唔再so我。個時我好後悔, 自己識人識得個幾月, 咁快講做咩呢, 不過都好既, 下次唔會.. 於是我同自己講, 忘記佢啦, 佢唔會再理你架啦...就係咁樣2個月, 我諗返之前,覺得佢對我好冷淡, 好似成日想避我, 覺得我好煩咁...慢慢地對佢既感覺淡左大半...

6月既時間好努力溫書, 一半係為左完完全全忘記佢 (考試時係學校溫, 唔用電腦on facebook, 所以搵唔到佢)...

考出黎幾好, 但係考完又無啦啦諗..佢會唔會再彩返我呢。就考完之後個晚, 我再搵佢, 好奇蹟地, 佢應我...個陣時好開心, 對佢既感覺又多返dd...到而家, 我同佢都只係一時時係fbk 得閒我搵佢傾下, 佢都係唔會主動搵我...

我而家又好似對佢冇咩感覺咁...但係見佢冇on fbk 又有d失落咁...睇佢facebook d相好開心, 但係一諗起佢從來都冇主動搵過我, 我又有d唔開心..........唔知自己想點... 唔知自己係咪仲鍾意佢希望大大們可以幫幫忙>.

[圖擷取自網路，如有疑問請私訊]