「多謝你，幾時都話Scarlett姐姐最好人，Merry Christmas」

:0:0

佢帶左我去九龍塘…？！！！「Scar…Scarlett姐姐…」「嗯？」「我地…點解黎九龍塘既？」「有問題咩？」「無呀」 sponsoredScarlett姐姐帶左我到一間時鐘酒店門口停左係到…「到啦我地」

「嚇…我地黎呢到做咩呀…」「食野囉，黎呢到仲想做乜」Scarlett姐姐指住對面馬路果間餐廳… 「哼！咸濕仔，又諗埋啲衰野」「咁…咁黎九龍塘咁多呢啲野，我地又企係呢到…我咁諗…都好正常姐…」「咁…你想唔想上去吖？」 ……「hehe,行啦咸濕仔，我好肚餓呀」點解Scarlett姐姐成日撩我，我都拒絕佢呢？之前其實我都差啲同佢搞左，如果唔係Irene阻住… sponsored食飯果陣，Scarlett姐姐比左個紙袋我「送比你架，Merry Christmas」我打開一睇，入面有一條頸巾，一本note同埋幾隻DVD，全部都係外國片

「條頸巾我特登織比你架，織左好耐，本note我親手整架，入面全部都係你成日犯既mistakes，記住he she it後面個verb加s呀，改你啲文改到我燥曬，呢幾隻DVD，我揀比你架，你呀…啲listening咁差，記住睇呀，仲有唔好睇中文字幕呀，知唔知呀！」「多謝你，幾時都話Scarlett姐姐最好人，Merry Christmas」 sponsored「喂！我果份禮物呢」 ………唉呀！hihi啦「er…就咁既…份禮物呢我就未整完，整緊架啦整緊架啦…」「哼！衰人，我對你咁好，你竟然…都唔知你係咪講大話」「得！下個星期六，一定有」「聽住先啦，成日下巴輕輕」呼！好彩Scarlett姐姐除左遲到同相機食先港女技能之外，其他港女技能佢都唔識姐…