雷劇or神劇？TVB大製作《僵》3大槽點逐個數

:0:0

無線重頭劇之一《僵》4月11號已經開播，目前雖然先播左兩集，但已經在網上引起熱議！套劇以殭屍為主題，少不免令眾多網友回想香港神劇之一的《我和殭屍有個約會》，唔少網友都寄望會拍返當年質素。至於最終會拍成點，會唔會成為又一神劇就暫時系未知之數。不過就目前兩集來睇，就已經有唔少吐槽點，睇來成為雷劇反而更有可能？ 1大玩食字位 TVB 劇集人名玩開食字就見怪不怪，但今次《僵》慨玩法可以話系出神入化！今次由人名到劇情細節都唔放過，食字程度仲俾網友話似用咗中二病（此詞來自日本，意指以誇張慨虛幻世界套到現實中）命名法，勁似以前中學時期睇開慨網絡言情小說，肉麻到呢！「中二病」角色名由鄭嘉穎飾演慨不死人叫刑活着，系未寓意指仍然活着？陳嘉寶、黃又南兩兄妹又叫何年同何月，謝安琪、陳凱琳兩姊妹一個叫藍夢南，一個叫藍夢瑤，似足舊時啲言情小說女主角名，仲未計羅蘭姐叫黃紫紅、陳山聰叫凌風、秦煌叫拜金堅……媽啊，聽到都起曬雞皮啦！食字細節位說話原來鄭嘉穎喺劇中主理一間餐廳，而呢間餐廳名叫「夜唔夜」……即刻令網友諗起萬梓良喺《專釣大鑩》慨金句……另外，原來劇中鄭嘉穎亦系有一間專以訓練殺殭屍門派慨大佬，而呢個門派竟然系叫隨意門……TVB你有無俾返版權錢多啦A夢啊？ 2左抄右抄同類劇？《僵》宣傳片推出後，就已經俾網友話喪炒過往同類劇集。其實，劇集故事慨嘢又有咩話抄唔抄呀……小編覺得，都系如有雷同，實屬巧合……只系今次巧合慨地方就比較多…… 同《我和殭屍有個約會》人物設定相似睇返人物對照，就會發現《僵》同《我》慨人物設定有異曲同功之妙之處，鄭嘉穎慨刑活着角色同尹天照喺《我》慨況天佑兩個都系由古代嚟到現代，一個喺明朝，一個就喺民初時期；另外兩個都有與各個角色之間的聚腳點，一個系深宵食堂，一個系酒吧，同樣比人傾計聚會！再者，兩個角色功能都系不死人＋砍妖除魔！另外，二人亦總有幾個跟班幫手做嘢。《僵》就以陳嘉寶、黃又南同陸永為鄭嘉穎慨入門弟子；《我》就以況家幾代殭屍「幫拖」。而且，兩劇都總有個搞笑角色！當年《我》就有杜汶澤飾演慨金正中做諧角；《僵》就有陸永做簡霆斯為套劇營造搞笑氣氛。唔知陸永發放笑彈拍住得當年慨杜汶澤呢？同埋當年《我》慨馬小玲出身慨馬家同《僵》慨「隨意門」又系好類似，又系有班人誓言要消滅殭屍……抄足美劇《點到即止》特異功能女神Kay飾演慨女殭屍角色有一個名為「一指靈」慨特異功能，只要指一指屍體，就可以令屍體甦醒一分鐘。而於2010年喺明珠台播過美劇《點到即止》（Pushing Daisies）慨主角又系可以指一指就令人起死回生一分鐘，小編估，都系咁啱……掛。深宵食堂VS《深夜食堂》？劇目講到明為鄭嘉穎開間《夜唔夜》系深宵食堂，睇返啲場境同日本電影《深夜食堂》做比較，嗱！咪話一樣呀，上下兩張圖系唔同㗎，真系咁「巧合」㗎咋！3千篇一律關係圖《僵》除咗講殭屍線，男女感情線緊系唔少得，咪以為呢套劇有個咁創新慨題材就會有複雜而深層次慨人物關係呀，事關心水清慨觀眾應該一睇無線出慨人物關係圖，應該就會推算到關係發展，咪就系都系A鍾意B，B又暗戀C，C又鍾意A，呢啲不變公式，唔明講緊咩？睇嚇下面兩個框就明啦！講左咁多槽點，其實小編就覺得《僵》同內地的真·雷劇比簡直就系小巫見大巫！所以如果自覺抗雷打擊能力不錯的話，都可以用來打發時間。最起碼，劇裏面啲荷蘭外景都真系靚啊~

[圖擷取自網路，如有疑問請私訊]