女朋友成日發脾氣，之後佢整左份"不平等條約"逼我簽，重點係...我真係簽左

:0:0

記得初初同女朋友拍拖個陣，佢話自己會好易發脾氣同會無啦啦嬲，話咁快就開出一個不平等條約…真係痴L線而重點係..我簽左…但佢話只要我肯哄佢就會好快無事，唔會嬲好耐個一刻，我信左...女人既脾氣就好似天氣一樣，時晴時雨，有時仲會行雷閃電添出事架嘛！就算我係天文台台長，都捉摸唔到..記得有次行行下街，佢無等埋我就自己單機行左去前面我就知道，我又奶野…「唔等埋我既？」從後趕上之際，我已經見到一個黑面神既出現呢刻，已經心知不妙 .

「你唔好掂我呀！」點知佢一手就鬆開我OH …呢D咪傳說中既零秒出手？耳濡目染既我，又點會怕呢而作為男人，哄女仔係我地既天職「請問又發生咩事呢？」不過女仔係咁，問左都唔會答你.Fine~預左架啦逆來順受呀嘛但作為男方，點都要繼續循例問下.可惜，對方只係一個黑面回贈無聲彷有聲，佢答左架啦.「今次又咩事呀？」呢個時候，搞到我都有少少脾氣..其實好多時男仔死左，條屍比人埋左落糞土腐化一百年，都未知道死因我甚至懷疑佢地都唔知嬲咩架…可以純粹覺得個刻你好樣衰就嬲囉
係咁架啦，好出奇呀？.

情況就好似當佢問你想食乜野，你講曬成個地球D野食出黎，佢都總會有理由可以Ban你其實最後，佢本身都唔知想食乜…唉頂，真係返屋企食mum mum 啦.長達八年既抗戰，總算令到女朋友無條件投降呢一埸戰役，真係死左好多同胞.. 呃唔係.. 係細胞而女朋友終於肯同我講番野..佢仲有少少嬲咁講：「我嬲你、發你脾氣係因為我緊張你、在乎你呀！其他人做乜我都唔會放上心，但係你會呀！」

當初我仲覺得真係痴L線，發脾氣都仲要大條道理你玩曬啦！..年復年日復日對於女朋友係咩構造、咩產品，或者都已經心裡有數所以我依加就識玩，唔會再比佢控制住！.以前佢一發脾氣我就成隻狗一樣汪汪聲，但依加對於一D無理既脾氣我決定無聲抗議，捍衛本土自主尊嚴「抗議無理戰爭，還我本土自由」.須知戰爭係無了期，雖然我個人主張世界和平但面對敵方咄咄逼人，有時候…真係忍唔住開火還擊但相信大家都明白，戰爭好多時都係兩敗俱傷就算比你贏左，咁又點？.

今次，真係爆炸左.而對方亦宣布進入冷戰時期或者對於好多情侶都試過，冷戰係可以，但請務必盡快將關係破冰因為如果沉淪得太久，只會一敗塗地、難以翻身當一天熱情退去，將很難再重現....呢幾個月來，我發覺女朋友已經好少再發無端端發脾氣當我每次問佢發生咩事，佢都話無野，只係有D攰就連平時出街，佢都無再好似以前咁興奮開心問我去邊、食D乜野.拖住佢，都感覺到佢個心唔係到冷淡既滋味，真係一D都唔好受直到一日夜晚我忍唔住開口.「對唔住…唔好嬲我啦..我唔會再同你鬥氣架啦..原諒我啦..」

「我都無嬲你…」「咁點解你對我咁冷淡…」佢無回應我，只係一個人行去海旁邊，倒抽一口涼氣「當日我地係到開始，不如，今日就係呢到分開啦」.此情此景，我個心好痛原來呢段關係早已經冰封三尺，只係我仍然懵然不知我望佢個身影越行越遠，遠到…我再睇唔清楚…..「我嬲你、發你脾氣係因為我緊張你、在乎你呀！其他人做乜我都唔會放上心，但係你會呀！」呢句說話，係我耳邊不斷咁重播….諗深一層如果自己對於一個人、一件事唔關心緊張既話，根本唔會曬時間精神令自己去嬲、去唔開心因為嬲一個人，真係好攰…