加$300?? 屌, 你當我係狗呀? 簡單係侮辱性加薪

:0:0

「Amanda條八婆話下個月加我人工喎！分明侮辱我！」Sofi姐我本來係巴士諗住訓陣，點知俾我聽到呢句咁爆嘅野，驚動咗我嘅八卦觸覺，真係要聽下呢位坐我後面，三唔識七嘅小姐，點樣加你人工侮辱你咁過癮。sponsored答案話咁快就出現！「條八婆話加我三百蚊，真係多撚謝佢！」嘩哈哈哈！加你三百蚊，又真係幾侮辱喎！地鐵加價如果你住遠少少，一個月都差三百蚊啦！呢個Topic我即刻Share去公司嘅八卦群組！「三百蚊？我每個月強積金蝕嘅都唔止呢個數啦！」「係囉，睇場3D戲，兩個人都無咗……」「走啦，仲留係度俾人侮辱你咩？」的確，去到咁上下年資，三百蚊算得係咩，人地最低工資由30蚊加到32蚊都有三舊水，不如唔好加算啦。「我加都無加過……你有得加都好好。」呢句野應該係佢朋友／同事講。所以話，人就係咁阿Q，有300蚊，好過無得加；無得加，又好過減人工，咁樣無限延伸落去，你唔貼錢返工都已經好幸福喇！sponsored「佢唔加我？我即係唔做啊！佢上年年尾已經Cut咗個Headcount，成日話請唔到人，我依家一個頂兩個人，下個月Emily話唔做，我OT無補水嫁，佢唔加我人工我走埋睇佢點死法！有時候Timothy佢哋出漏野都係我幫佢地補鑊咋，你知啦，我個Account係有Authority去做，但我職責上面無寫我要做呢樣野嫁！仲有啊！我地已經唔夠人啦，Emily佢下個月走，依家已經Hea做，明明D野堆到成座山，佢都可以準時走，留返勁多手尾我跟，最把火個下係佢臨走前叫我加油！呢條女真係不得好死啊！」「上次你咪話有舊同事叫你去佢公司幫手嘅，個度點啊？」「哦……Audrey個邊係唔夠人，但佢地又出唔起錢，人工睇齊我點解要跳過去先？」「咁佢地無咁忙嘛。」「係唔忙，不過佢得雙糧，又無B仔，呢度咬咬下都叫有份B頂下啦，等我五月拎埋份B先諗去邊。」sponsored

聽到呢度，我已經知道呢位小姐無救，呢個世界大把人口裡說不，身體卻很誠實，人地明明加你三百蚊侮辱你，又Cut Headcount，小學生都識計，你一個人做兩份野，出兩份糧好正常，人地公司正常Workload同樣價錢，只係差份Bonus，你就甘心俾人侮辱。如果我無估錯，過幾個月拎咗份Bonus，佢又有新藉口。一世人流流長總會遇上幾個仆街，特別係女人，明明條仔擺明係食軟飯，知你好蝦食住上，偏偏有女人會受，因為佢地好喜歡「被需要」嘅感覺，呢種滿足感同成就感，唔知害死幾多人。sponsored見慣見熟，當你有返咁上下閱歷，講乜都係假，講錢最實際，唔係因為人現實咗。而係，你認清咗自己嘅價值。

[圖擷取自網路，如有疑問請私訊]