公開數臭前度cheap行　港男為慳錢禁室培慾

反轉豬肚就係x，呢句說話套用係男女朋友關係相當貼切，唔少港男港女分手後都會喺網上數前度乜乜乜，物物物，踩到對方變地底泥。又有一單喇，有港女喺討論區開po數港男前度cheap爆，呢位自稱樣貌中上嘅港女話仲公開3位前度對佢有幾「好」。



先係前度A，港女話對方拍拖時竟然話食飯要200蚊覺得唔抵，認為錢夠返強國玩同老友去桑拿，重點係叫港女陪佢去，否則搵第二個陪。前度男B同港女拍拖唔想出街睇戲食飯，只係要在家中享受性生活，仲嫌港女同佢大戰後成日飲晒佢屋企啲可樂。至於前度C就因為唔體諒港女工作有幾辛苦，仲話港女升職係因為靠出賣色相。


幾位前度咁經典，網友們都睇到「O」嘴，雖然有網友就安慰港女話「未遇到好男人」，仲鬧插呢啲港男好cheap，不過唔少網友就認為港女本身都好有問題，指港女「濫交」及「同得佢哋一齊嘅女友一係好極有限，一係同類人，一係就笨」，學網友話齋，港女真係要帶眼識人，寧缺勿濫，否則受害又係自己，又唔知要呻幾多次喇。






[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁