TVB金牌監製李添勝「榮休」！原來佢捧紅過好多大明星小明星！

:0:0

sponsoredTVB金牌監製「添叔」李添勝上個月喺尖沙嘴設宴榮休，叫得金牌監製，多年來出品唔少膾炙人口嘅劇集，當然亦同時捧紅唔少藝人，轉咗行嘅好似黃澤鋒、劉曉彤，或者轉投港視嘅艾威、郭峰都有出席。

講添叔捧紅呢啲明星之前，其實添叔佢自己都紅過。佢自稱1969年5月1日加入TVB，由道具布景組做起，做到場務、助理編導、編導，成為金牌監製之前客串過幕前，有咁上下年紀觀眾讀者一定記得《歡樂今宵》掃街茂一角。sponsored

嚟睇下添叔成為監製後捧紅嘅歌手同藝人喇：甄妮

1978年嘅《奮鬥》系添叔同年監製出道作《大亨》之後另一商戰奮鬥劇，雖然套劇同演員整體水準唔錯，但講捧得最紅嘅系甄妮，佢所唱劇集同名主題曲，令同名專輯曾經系香港史上最高銷量唱片。周潤發、鄭裕玲sponsored

李添勝無直接捧紅髮哥、DoDo姐本人，但1979年大熱劇集《網中人》確立咗發哥同DoDo姐繼鄭少秋同汪明荃之後嘅幕前金牌情侶檔。廖偉雄

承上，《網中人》「燦神」廖偉雄所演「阿燦」呢個角色，形象鮮明，成為咗當時社會上對大陸新移民嘅潮語同標籤。sponsored劉德華

有份到賀嘅華仔，1982喺添叔嘅《獵鷹》做臥底，首次擔正男主角並開始走紅。翌年就成為「五虎」之一獲進一步力谷，1984年再喺添叔嘅《鹿鼎記》做康熙，梁朝偉做韋小寶，到依家仲系咁經典。梁朝偉

sponsored承上，近嚟深宵時段重播嘅1984年版《鹿鼎記》，成功捧紅梁朝偉，當然同年《新紮師兄》傑佬一角亦有功勞。雖然之後因為電眼、《無間道》陳永仁、拍王家衛文藝戲攞埋康城影帝出名，但梁朝偉《射鵰英雄傳之東成西就》、《風塵三俠》、《有情飲水飽》、《行運超人》等喜劇嘅表演不俗之餘其實都幾有做返韋小寶嘅味道。黎耀祥

04年嘅《楚漢驕雄》有張華標嘅公式劇情張力同一班出色嘅演員，包括江華、鄭少秋、吳美珩、張可頤、蔣志光；但最搶鏡嘅一定系黎耀祥，韓信呢個角色系《西遊記》系列豬八戒之後嘅代表作。sponsored除咗呢2個角色，1997年《香港人在廣州》吳堅毅、2005年《秀才遇著兵》史其旺、2006年《鐵血保鏢》分飾尚忠／尚武、2008年《秀才愛上兵》分飾戴從文／戴從武；甚至喺影圈1998年《生化壽司》爛牙駒、2003年《低一點的天空》細路祥，黎耀祥證明咗自己嘅演技。

終於09年，喺添叔《巾幗梟雄》柴九一角擔正，2010年再添食《巾幗梟雄義海豪情》劉醒，奠定一線同「視帝祥」地位。可惜「成也添叔，敗也添叔」。2013年《神探高倫布》，編審用葉廣蔭取代老拍檔張華標就出事，成為經典膠劇。而視帝祥嘅演出之後至今亦每況愈下。sponsored呂頌賢

「離島特警」呂頌賢近年基本上已經喺香港影視界消失，之所以能夠專心轉戰大陸，全靠96年喺添叔《笑傲江湖》做令狐沖，演技好唔好一件事，但當年真系令佢紅遍中港台。馬浚偉

98年添叔再開《鹿鼎記》，首次擔正做康熙嘅馬浚偉表現唔錯。當然，老馬偉經過《妙手仁心》Joe、《十月初五的月光》司徒禮信後，《勇往直前》先開始一線生涯：《洛神》、《帝女花》、《金牌冰人》都叫好叫座，而以上都唔系添叔出品。sponsored

但馬浚偉一度離巢攻大陸，06年失敗而回後，添叔、張華標開《鐵血保鏢》高收，擔正嘅老馬偉先成功翻身，第4次奪「我最喜愛的電視角色」。

不過之後《碧血鹽梟》、《紫禁驚雷》、《當旺爸爸》未能幫佢回復當年勇，仲拍過悶作《金石良緣》、《老友狗狗》，同鍾嘉欣拍檔亦未見討好。2013年再上大陸掘金後，14年回巢作《守業者》演技大退步，觀眾網友笑指劇中凈系識掩面、拍牆，表情又經常好似菊花俾人桶；比視帝祥更衰，因為有傳繼《鐵血保鏢》之後再度扮大佬兼教人做戲。

以上幾位上到一線，而以下幾位雖然唔系好紅，但至少添叔嘅劇幫過佢哋重要一把：劉錦玲

亞視出身，紅唔到，過無線，其實可以話未真正紅過。但至少參與添叔97嘅《天龍八部》阿朱一角，叫做有返個代表角色。幾年前退出做保險。短暫嘅演藝生涯另一代表作，系自稱俾李子奇胸襲嘅奇聞，小編之前盤點咸豬手亦有介紹過。陳少霞

講演藝生涯短暫，陳少霞亦好短，大約10部劇。雖然曾經受劉德華提攜開戲俾佢擔正，但蝕到入肉，反面收場；但喺添叔榮休宴上合照破冰。轉投無線後未有大紫大紅，不過96年喺添叔《笑傲江湖》做岳靈珊、98年陳小春版《鹿鼎記》做雙兒，都算系觀眾會記得佢嘅角色。

李若彤

從以上幾位就知道，8,90年代最容易紅遍中港台嘅相信系金庸武俠劇。1995年版，李若彤雖然演技唔夠陳玉蓮，但外形搭夠。同古天樂2個出道無耐，添叔夠膽用嚟擔正，結果小龍女成為李若彤代表角色；而楊過，講古天樂劇集代表性，就無可能比得上《創世紀》張自力、《尋秦記》項少龍。陳山聰

《我的如意狼君》(2011)同《天梯》(2012)整體真系麻麻。《我》有麗淇姐嘅趕客演技、又多甩漏，《天梯》就太慢太悶，但呢2套添叔自稱多多少少都「發掘」同確立咗陳山聰二世祖、亦正亦邪嘅戲路；你睇早輪《潮流教主》做潮人，日日都有人估佢究竟幫Ali定咖啡豪就知。而更重要系，陳山聰曾因同何超雲緋聞被TVB雪藏，系添叔落足嘴頭，先令陳山聰可以憑《天梯》解凍出返嚟。姚子羚

馬浚偉之外，《鐵血保鏢》嘅另一受惠者。姚子羚2004年喺徐正康嘅《棟篤神探》做忽得妹已經提名「飛躍」，2005年《酒店風雲》Chloe再提名飛躍同最佳女配角，所以姚子羚成名，添叔嘅功勞可能仲少過郭峰。但添叔是首個用姚子羚做女一嘅監製，即系06年《鐵血保鏢》嘅利祥鳳。唐詩詠

同姚子羚一樣「四葉草」出身嘅唐詩詠，系添叔「愛將」，愛到喺《鐵馬尋橋》搵李天翔奸佢。《神探高倫布》有女一做，結果添叔再搵敖嘉年奸多佢一鑊。不過添叔好聽叫「榮休」，查實亦非完美收結。例如《巾幗梟雄》第3輯《諜血長天》被抽起，現正8點半檔原本系添叔15集賀歲劇《財神駕到》，不過添叔自稱TVB為咗儘量喺4月視帝祥、毛姐、陳國邦新處境劇《八時入席》出街前清曬視帝祥啲劇，就讓路俾35集嘅《公公出宮》出街先。