住殘樓　搭上經理人　賣胸張秀文捱窮住劏房

:0:0

張秀文現居九龍城劏房，但出門多以的士代步，女神始終同平民有距離，唔通迫巴士咩？

真面目住殘樓搭上經理人賣胸張秀文捱窮住劏房
上周大台套旅遊節目《進擊昇龍道》， 28歲兼 34C身材慨張秀文出浴畫面被瘋傳，正式成為女神接任人。
張秀文貴為 10年港姐亞軍，不時喺大台有性感演出，早已被巴打留意，雖然女神傳過被珠寶富商包養，但據知得米慨其實系佢其經理人 Victor。做到女神唔代表名利雙收，家陣張秀文原來仲住喺九龍城唐樓蚊型劏房，出入怕唔怕危險呀？
28歲張秀文為 10年港姐亞軍，唔同嵋家慨港姐選完即有劇拍，張秀文喺大台 5年來劇集只做閒角，間唔中喺綜藝節目露肉，先有機會俾巴打留意。早前慨《最強選擇一分鐘》著比堅尼滑水，網民已叫佢做 BB，上周喺《進擊昇龍道》節目，僅以毛巾包住浸浴，巴打又瘋狂 cap圖，大台新咪精正式誕生。

上周五（ 18日）活動結束，張秀文返回九龍城唐樓住所，雖然有鐵閘，但大廈沒有保安，返屋企又要行條長樓梯。

巴打瘋狂 cap圖就系張秀文呢幕出浴，唔少人仲好羨幕金剛添。（電視畫面）

上周五（ 18日）張秀文出席完活動，即孖住姊妹梁嘉琪離開。兩人在巴士站傾足 10分鐘才各自離開。傳過被富商睇中
管理畢業，出道時傳過被珠寶富商睇中，但之後傳緋聞慨包括 J2台監製謝英偉同楊思琦前度李泳豪，全部都唔系有錢人。
原來真正得米慨系她大台的現任經理人 Victor，據知張秀文 12年開始跟 Victor拍拖，雖然 Victor旗下有王浩信、鄭俊弘等，但 Victor對張秀文最照顧。不過二人都低調處理感情，連大台都唔多人知佢哋拍拖。
張秀文唔揀珠寶商反而揀打工仔，證明唔貪錢，而她亦住得平民，上周五（ 18日）張秀文出席完宣傳活動後，就打的返回九龍城，原來女神已由馬鞍山私樓搬往九龍城月租約 1萬蚊慨劏房。
大廈雖然有鐵閘，不過街頭街尾均是色情一樓一勝地，所以秀文 BB出入都戴住口罩，每次出門都 call的士極速跳上車。不如以後出入都系叫 Victor傍住好啲喎！

張秀文成為新女神，不過未開始吸金，上星期慨活動亦係為大台宣傳，即系冇錢收啦。（網上圖片）

Victor張秀文 12年開始跟經理人 Victor，二人亦因此日久生情。

《進擊昇龍道》播完，但本周播放《這個聖誕不太冷》除咗有張秀文，仲有李佳芯、麥美恩同梁嘉琪，如果又有溫泉介紹就好喇。（網上圖片）未能脫貧
張秀文現居九龍城劏房，但之前曾經住過泓景台同天宇海，出身公屋的她，由大屋搬番細屋，真系能屈能伸，一啲都唔港女。

《壹周刊》圖片
屋邨妹出身
張秀文出身馬鞍山公屋，當年為城大學生，自稱為慳交通費而放棄港大學位，經常搭巴士返學校。

《蘋果日報》圖片
搬 4小龍
成為港姐亞軍，張秀文被指搭上珠寶商，仲被拍得上泓景台，但張秀文解釋話去探大肚慨家姐。
住天宇海
12年由公屋升呢到住天宇海 700呎私樓，仲接受周刊在家居做訪問。
金剛女友蕊蕊：邊個系張秀文？
張秀文喺《進擊昇龍道》慨表現，巴打當然收哂貨，但唔少網友都葡萄金剛，除咗喺節目中同張秀文打情罵俏，仲可以餵女神食蟹，不過金剛女友就唔系咁睇，佢話：「我冇睇過節目，佢冇同我備案喎，邊個系張秀文？唔識喎，鄭秀文我就知。」嘩！金剛你大鑊喇。