遇上個世紀賤男,日日都要，一日要三次以上，而家整到我好痛....果度又發臭

:0:0

遇上個世紀賤男,日日都要，一日要三次以上，而家整到我好痛....果度又發臭

希望大家可以用心睇，可能要花超過半個鐘去睇。呢個係我呢五年係我身上發生嘅事，我唔介意你地睇完之後鬧我，因為我真係好想比人鬧醒。係2011年，我第一次出國讀書，當時岩岩17歲，去讀高中。出國之前，見番一個好耐冇見嘅遠方親戚（A)（冇血緣關係），佢係我表哥個堂哥哥，比我大6年，佢當時係我將會去嘅國家已經生活左差唔多10年。見番佢果陣佢番黎香港放假。其實早係大半年前，佢已經知道我會去佢果邊讀書，不過我地一直都冇溝通過。所以 A 見番我，知道我準備要出去讀書，就問我拎曬MSN 同電話，仲成日同我講出到外國，d 留學生好差，會持住屋企人有錢，去蝦蝦霸霸。又同我講，佢有個好朋友 (B) ，搞大人個肚，賠左好多錢比人。我當時心諗，究竟，外國係咪真係好似佢講嘅咁恐怖，咁亂。跟住佢同我講，如果去到果邊有咩唔適應，或者悶，可以搵佢傾計。原來係呢段時間，佢已經不停有上網識女仔（過左幾年後，係論壇見到）。係我去外國之前，我同佢仲有我地嘅共同親戚都有出過幾次街，同埋去佢屋企打麻將，過夜。我係一個好樂觀，好開心，好鐘意笑嘅女仔，好少因為遇到唔開心嘅野諗埋一面。好似以前係香港讀書咁，老師同同學都話我係一個好開心，成日笑。我都算係一個比較乖嘅女仔，係學校有做prefect，搞活動之類。A 同我講，佢好鐘意成日笑嘅女仔，所以同我一齊傾計、玩都好舒服。

都會傾幾次電話，次次都傾得好開心。其實我一早知道佢係外國有個女朋友，但係我一直冇問。有一次傾電話，佢同我講佢一直都唔開心，因為佢女朋友有外遇。

之後佢番左黎外國，最後一年讀大學，我同佢係住唔同嘅城市，佢住比較細嘅城市，而我住比較大嘅城市，開車大概有兩個鐘距離。佢同佢女朋友(廣東人)係同居，佢地兩個以前係homestay 個女同埋同學關係，後來就一齊左。佢當時女朋友屋企人已經搬走左。A 會每兩個星期都開車去我個城市玩，例如唱K、夜蒲，因為佢女朋友有外遇同成日都唔係屋企嘅原故，A就成日都出去玩。我同佢兩個都有keep 住每星期傾幾次電話。Term break 果陣，都有同過佢、仲有佢d 朋友出去玩，當然只係去食飯、唱K，因為我未夠18歲。而我係外國住係親戚屋企，所以都唔可以成日出去玩，加上外國交通唔方便，當時我又唔識開車。後來，年中，佢生日早一個星期，佢果個曾經搞大人個肚個好朋友 (B) 因為讀唔成書要番中國，所以佢個生日同 B 個 farewell party 就一齊搞，佢地book左間酒店一齊玩。果次係我第一次係外國出去過夜，亦都係我第一次飲酒，第一次飲到斷曬片，不過我冇蝕底到。再過一個星期，A同B又去左我個城市玩，因為過幾日B 就要飛番中國，不過我冇出黎。果次佢同朋友落club，去到凌晨三四點，佢突然打比我，話佢kiss 左個女仔，佢話佢第一次咁。後來發現，佢kiss 果個女仔係我high school 同學。再過兩個星期，我個女仔fd 生日，佢同朋友又去左我到玩，呢次又book 左間酒店，我地飲完酒再落club，我問左人借passport 去club。果晚玩到好癲，番到酒店，我都斷曬片。後來我訓左教，A 訓左係我右手面，我個女仔fd訓左我左手面。之後唔知做乜野，我同A kiss 左，仲要係濕吻，之後我又訓番。A 同我個fd 起左身坐左係度，無啦啦就kiss，我訓左係中間。講到呢度，大家係咪都好亂？無錯，我都好亂。

果次之後，我竟然對佢有好感，原來佢對我都一樣。但係我冇同佢講我見到佢同我個fd kiss。後來再過兩個星期，我地又出去玩，玩完之後果晚，我又一次飲到好醉，之後仲同佢上埋床。果晚醒番之後，我好後悔，因為我知道咁樣好唔岩，第一、佢係我遠方親戚，第二、我做左小三。但係，第二日我地同其他朋友去旅行，過夜，呢一晚我又飲到好醉，之後我又斷左片，但佢冇對我做咩。係酒店房有兩張床，我同佢分開訓，後來我醒左之後，佢走埋黎，同我講佢會對我負責任，我係佢嘅第二個，亦都係最後一個。呢次，係我人生最後一次斷片。後來過兩個星期，我term break，佢plan 左同我兩個一齊去旅行，果次roadtrip 好開心，發生左好多第一次，第一次roadtrip、第一次係洞入面睇螢火蟲、第一次睇雪、滑雪、第一次玩激流。我地去左四日四夜。佢同我講，佢只會同我一個去睇螢火蟲同埋呢一年只會同我一個去滑雪。我幾咁傻，佢講咩我都信。個trip 完左之後，好空虛，因為一切都要番去現實。我地又要分開兩個城市，我同佢要繼續讀書，佢要繼續同佢女朋友生活。之後，比我係微博發現佢同佢女朋友去左滑雪，呢次係佢第一次break 左個 promise。因為作女朋友平時番夜班同有一個外遇，所以佢地兩個就算住埋一齊都唔係成日見。就係咁樣，佢每兩個星期都開兩個鐘車黎搵我，然後幾乎晚晚都傾電話。我同佢ge關係就好似一個唔見得光ge 異地戀咁。

終於到左年底，我要番香港放兩個月假。番香港前一星期係我18歲生日，A 專登開車黎同我慶祝，佢book左間酒店，比左個surprise 我，但係果晚我地冇過夜。佢同佢女朋友養左兩隻狗，因為果晚佢女朋友要出去玩，冇人睇住d狗，所以佢同左食完飯之後就番左去。我生日果日係我2011年最後一次見佢。而佢果一年放假冇番到香港。我番香港果兩個月，我地都好掛住對方，每日都好想見到大家。我地間唔中傾電話，有次佢同我講，佢會同佢女朋友講分手，然後搬去我個城市住，同佢女朋友分居。我番去外國之前，佢突然同我講話佢大學畢唔到業，唔知點算，係果段時間，我一直安慰佢。跟住，唔知又點樣，佢個女朋友發現左我同佢嘅關係，係微博公開鬧我，話我幼稚得可憐同做雞。A都有同我講，佢女朋友發現左我，佢叫我唔好理佢女朋友講嘅野，佢會保護我。

後來我番左去外國，讀最後一年高中。過一個月，佢真係搬左黎我個城市住，仲要同我住得好近，開車15分鐘距離。但係，佢女朋友跟埋佢一齊搬左黎住。當時我覺得，我係咪應該要停止同佢嘅關係？因為我都好辛苦，好委屈。但係佢又一直話好愛我。係佢面前，我都表現得自己好似無事咁。佢根本唔會知我有幾咁難受。但我亦都知道佢地兩個因為一啲事，暫時唔可以分開。再過多一個月，佢地兩個嘅事結束後，A 終於正式同佢講分手。但係，果佢地又唔可以分開，因為佢女朋友隻狗大左肚，過幾個月，佢地終於正式分居，而佢地兩個隻狗就一人一隻。當時佢女朋友仲話，A 可以搵小三咁對佢，A 一樣可以搵小三咁對我。佢地分左居之後，我以為一天都光曬，原來係惡夢嘅開始。呢一年，2012年係我高中最後一年，我都好大壓力，因為我第二年要上大學。呢一年結束之前，我同我屋企人同親戚講話我要搬出去住，其實係因為我想同A 一齊住。2012年之後，我都冇再番香港。我搬左去同佢住之後，我地都未正式拍拖，只係同居。後來有一次，佢沖涼唔記得拎部電話入沖涼房，我聽到不停有人搵佢，先發現，佢一直有keep 住同個ex text，仲佢過個ex 屋企。之後當面同佢講番，後來佢都冇再搵佢個ex。果次之後，我開始唔信佢，間唔中都睇佢電話。到左2012年聖誕節前幾日，大家記唔記得2012年12月21日係世界末日，我地同對方講如果呢個世界冇末日，咁我地第二日就一齊啦。結果，世界真係冇末日。12月22號，我地就一齊左。一齊之前，我同佢都掙扎左好耐，因為我係小三，加上我同佢嘅親戚關係。就係因為經歷左咁多野，所以我非常珍惜同佢嘅感情，我真係好愛佢，我先甘願受咁多委屈佢等佢。事實上，佢話我唔係小三，因為佢個ex 有外遇，佢一早已經同個ex 講要分手，只係個ex 一直拖住兩個男人。但係我都當自己係小三，因為我覺得就算對方已經冇左情侶關係，只要對方未分手，我介入，我都叫做一個小三。但係呢兩年嘅事，我從來都冇同任何一個人講過。

到左2013年，第一個星期，有一次佢沖涼又唔記得左拎電話，我好奇心下，又去睇佢電話，點知比我發現佢係12月24號偷偷地同佢做野嘅女同事慶祝生日，食飯。但當日佢同我講嘅係，因為聖誕節放假，所以前一晚要做野做到夜晚12點。當我睇到佢地兩個嘅message，我個心好似係個天跌落黎咁。但最後我都原諒左佢，畢竟個女同事大佢幾年，我覺得佢地唔會有啲咩掛。再過兩個星期，佢竟然問我佢可唔可以同女同事去一日roadtrip，因為個女同事要辭職，其實佢都先斬後奏左，佢一早已經答應左人地，仲plan 埋行程，我話佢鐘意就去啦。點知佢真係去。我都覺得自己好傻，其實我知道佢地兩個係冇野，但係A 之前因為個女同事而向我隱暪同講大話，我自己根本都唔鐘意佢地兩個一齊玩，但係就比佢地兩個去roadtrip。事後，我都同佢講番，我唔希望佢再同個女同事有聯絡，跟住佢都delete 左佢。2013年，係我第一年讀大學，要讀三年。而 A 之前大學畢唔到業，所以佢要重讀兩年先可以畢業。我地兩個讀唔同嘅大學。我同佢拍拖，都冇同屋企人講。因為佢話想畢左業先。

2013年頭半年都過得平平無奇。因為本身我同佢嘅關係開始得好唔正常，所以我地一齊左之後，都冇熱戀期，但我同佢一直有regular sex。我平時黎m 好準，唔會因為黎m 發脾氣或者m 痛。係13年年中，我發現自己冇準時黎m，我即刻同 A 講，第二日，佢去左買驗孕棒，我去驗，點知真係有左。我當時唔知點算好，其實我可以不顧一切生個 BB 出黎，因為我都好鐘意小朋友。佢一知道我有左，佢冇反應。然後我心諗，A 岩岩讀番書，仲有兩年要讀，我唔想個 BB 拖累佢，畢竟，佢都讀左好多年大學都未畢業，佢daddy 都想佢盡快畢業。所以我決定落左個 BB，而佢都冇意見。跟住我地去book 落 BB，要排期一個月。係呢個月，我同佢感情都好好，我開始有孕吐，每一日個身體個感覺都好唔同。果陣一路番學，一路都好攰，冇精神。終於到左落仔果日，落仔之前，醫生同我講，比我二十分鐘係個房考慮係咪真係要墮胎。當時我諗左好耐，我都係唔想落，但係一諗到 A 岩岩讀番書，我真係唔想影響佢前途。加上我同佢拍拖，兩邊屋企人都係唔知，我怕屋企人知道我大肚，會好嬲。所以最後我同醫生講我決定落仔，之後醫生比左粒藥我食，過一陣，我下面出血，我係廁所到喊，喊完之後扮冇野，跟住就去做手術。A 全程都陪住我。做完手術之後，我好攰，係醫院抖左一個鐘，佢捉住我隻手同我講，佢會一世對我負責任，一世照顧我，絕對唔會離開心，然後我喊住甘訓左一陣。醒左之後離開醫院，佢主動帶我去銀行開聯名戶口，同我講，想比我一個安心，承諾。呢一年，我19歲。

落左胎之後，我黎左兩個星期m，兩個星期之後，我情緒變得好差好差，我好似癲左咁。我真係頂唔順，我打番香港喊住搵我媽咪，但我唔可以同佢講我落胎，我呃佢話讀書好大壓力，我好驚 fail paper，一張paper 要成萬蚊港紙，我唔想fail。我媽咪覺得我好唔妥，佢話聽到自己個女係電話入面喊得咁淒涼，佢個心好痛。我聽到我媽咪咁講，我覺得自己好對唔住我爸爸媽媽，佢地供我出黎讀書，我就搞成咁。我開始變得抑鬱，成日大吵大鬧，什至拎刀想自殺。後來 A 搞我唔掂，佢報警。我開始意識到，我有抑鬱症。我同 A 講，我覺得自己有問題，我想佢帶我睇心理醫生。但係同我講，我只係諗多左，唔好諗埋一邊就得。所以，我只好覺得真係我自己諗多左。自從墮左胎之後，我成日同佢拗交。開始覺得，我同佢一齊，究竟仲有冇愛。到左2014年年頭，發生左一件好大嘅事。個件事好複雜，亦都影響我好深，令到我情緒更加差。我唔想講係咩事，但係呢件事轟動左我地兩邊嘅屋企人。呢件事入面，我睇到人性係有幾咁險惡，亦都知道原來自己嘅聲譽係可以大過自己另一半比人欺負。當你愛人個人嘅時候，自己另一半比人欺負，你都會無條件出口幫手。但我冇諗過 A 會因為唔想自己牽涉係我同另一個人件事入面，佢知道我比人蝦，竟然唔幫我之餘，仲去同另一個人講我有幾咁唔好。因為呢件事搞到好大，我地屋企人都因為呢件事知道左我地兩個拍拖。當我屋企人知道我地兩個拍拖，我媽咪好嬲，好反對。因為 A 屋企關係好複雜，佢爸爸結過起碼超過4次婚，亦都離過幾次婚。我媽咪好擔心，A 爸爸係咁，A 都會係咁。我媽咪驚我比人呃感情同身體。但事實上，我已經一早咩都比曬佢。係呢件事入面，我同佢講分手，因為我真係接受唔到自己男朋友可以如此地自私。但係，我始終都係唔捨得，最後我地都冇分手。但係發生左件咁嘅事，係我地心始終都會有條刺。之後，我就成日翻舊帳，同佢講我同佢一齊好委屈，又講番以前佢同個ex 啲野，唔明點解我同佢經歷左咁多野，到左呢啲時候，會因為自私，睇住我比人蝦都唔幫我。我每次同佢嘈交都可以嘈成晚，嘈到第二朝早。我覺得自己真係好恐怖，完全係一個好唔理智嘅我，我好討厭好討厭果陣嘅自己。後來，我都唔想再提呢件事。直至三個月後，佢又再一之提起件事，我嬲到離家出走一個星期，佢一個星期都冇搵番我，之後佢打左篇野比我：「呢幾日，無左你，我好難受。我好怕你唔開心，好怕你有事。可能太習慣有你係身邊，一個人太恐怖了。每一次見到空無一人的房，我就諗起你的身影。不過我又諗，我地究竟適唔適合一齊？我怕諗起你，我唔敢返房訓。每日起身，返屋企，第一件事都係確認你有無返黎。我好掛住你，好怕失去你。老實講，我唔係一個誠實的人，我做事永遠都逃避，永遠搵捷徑。不過我都會有底線，只係我的底線可能太底，令你接受唔到。仲有，我好多時太自私，無好好顧及你，無去為你著想，無好好保護你。作為男朋友，我真係好失敗。我知道我唔善於交際，女朋友係咁，朋友都一樣。你走左之後，我發現除左你的朋友外，我自己根本無朋友可以去分擔。可能這些都證明我自己好有問題，我無好好去重視我身邊的朋友，無好好去重視我身邊的另一半。雖然我唔係一個值得你重視的人，不過你一個女仔，將自己交託左俾我，去信任我，我知道我令你失望，你會有多傷心，痛心。一定比我痛十倍，百倍。我好想去補救，不過我怕我地根本唔適合對方，我唔想去傷害你，不過我知道我已經傷害得你太深。真心的，我唔會扮好人，我唔介意自己做衰人，所有親人都厭棄我，不過我真係好矛盾，我覺得我愛你，我知道我傷害你，我好應該去改，去做好自己，去關心你，令你開心。只係，我好不負責任咁去講，我做唔到。我明白我無花時間，無花心機去為你，係我的錯。不過我真的很累，我發現我好想好自私咁自己一個。我明白，要令將來唔鬧交，係我的責任，不過我保證唔到，我保證唔到我們唔會再鬧交，我保證唔到唔會影響大家學習。對不起，我唔想再傷害你。我好怕傷害你。我唔知應該點做，我好自私。我唔知你想點，我唔知你有多憎我，多恨我。我唔知我們2個以後應該點，「過去」永遠係我地之間的一條刺。對不起」睇完篇野之後，我選擇放低過去，因為我想我地兩個可以好好重新開始，因為我真係好愛佢。但係我諗都冇諗過，由我離家出走開始，佢已經暗地裡計劃同我分手。因為之前試過同佢個ex 同居，佢好都好清楚同居左就好難分開，所以佢知道點樣大家先可以容易分開。只係我一直都冇察覺到，因為呢件事之後，我同佢都過得好開心，又去左旅行。之後，因為2014年係佢大學 final year，所以我都默默陪住佢，唔想比佢壓力。又一個年底，A 終於交左大學最report。佢終於可以畢業，我同佢都好開心。之後佢同我講，佢想番香港做野兩年，因為佢覺得香港機會多啲，同埋未試過係香港做野。佢又想番香港讀法律，話希望我同佢以後生活好啲。問我覺得好唔好。我當然立刻支持，自己男朋友咁有諗法，開始有目標，我都好開心。佢番香港之前，同佢過左個好開心嘅21歲生日，周年紀念同聖誕節。2015年頭，佢同我過左一個好sweet 嘅情人節之後就番左香港兩個月過年。呢次係我地拍拖第一次分開咁耐，因為我仲要讀最後一年大學同睇住隻狗，所以冇一齊番去。我係呢兩個月發生左好多事，第一次咩都要自己搞掂。之前，我一直都好依賴佢，去邊都同佢一齊，因為之前考車fail 左，所以佢唔係到去邊都唔方便。同佢同居兩年，佢一直都好照顧我，佢好似咩都識，煮野食又好叻。同佢一齊之後，我都學識左煮野識同照顧人。呢兩個月佢番去，佢都發生左好多事。A 番到香港，佢都有上我屋企同我爸爸拜年，仲同我爸爸傾左好多計。A 係一個好有禮貌嘅男仔，佢會好尊重長輩。果次，我爸爸對佢嘅印象都好好。A 呢次番去都搵番一個好耐冇見嘅好朋友B （好多年前搞大人肚果個）。A 話呢次番去，B 帶佢見識好多，B 係一個係大陸好有錢嘅富二代，B 仲帶佢去蒲同識人。呢兩個月入，A係香港都有不停搵工，之後佢搵左一份都唔錯嘅工，不過對於係外國大學畢業番黎黎講，人工唔算高，大概萬五蚊左右，係一間Startup company 度做。不過因為 A 仲要番外國行畢業典禮，所以要年中先可以開始正式番工。佢番外國之前，我媽咪同我講，話見到 A 同識女仔、同女仔出街。叫我小心啲，但我唔信。兩個月終於過去，佢番左黎，番個半月，因為之後要番香港正式工作。佢仲帶左好多親戚黎睇佢畢業，當中有我同佢嘅共同親戚。呢次，係第一次佢正式向佢屋企人介紹我係佢女朋友。但原來，係背後，佢一早同佢啲親戚講我唔會係佢結婚對象。我真係白痴，係佢親戚面前好似做左場馬溜戲咁，大家一齊食飯，一齊影照，原來我一直被蒙在鼓裡。佢親戚黎左個幾星期，之後就走左，佢就留多一個月。但係呢一個月，我過得好辛苦。有一次，佢用微信好專心咁同個女仔傾計，我企係佢後面，佢冇察覺，然後我見到個女仔同佢講「愛你」，然後佢又話掛住佢。之後我即刻問點解個女仔同佢講「愛你」。佢嚇左一跳，之後即刻關左個APP。跟住我走開左。我發現原來佢係香港兩個月，搵左個外遇，仲要係佢個朋友 B 帶佢出去蒲果陣識。我知道左之後，我唔想相信我事實，我個心好似比人撕開左幾十萬片一樣，好痛好痛，原來我媽咪講嘅野係真架。我當時個手震曬，個心好寒好寒。我冇諗過，晚晚訓係我隔離嘅男人，晚晚同我講「我愛你，晚安」嘅男人，竟然搵外遇。我當時好崩潰。隔左半粒鐘，佢入房搵我，同我講，佢承應同果個女仔只係曖昧，冇其他野。但係我叫佢delete 個女仔佢唔肯，之後我發曬癲，佢先同我講，原來佢一早同親戚、朋友講我唔係佢結婚對象。佢什至同一個我唔識嘅女仔講話已經同我和平分手。我完全唔知可以講咩。我係咁講，點解我地經歷左咁多，咁辛苦先一齊到，我陪佢涯過佢人生好多嘅挫折，涯過左畢業，點解佢要咁對我。明明佢番香港前仲對我好好，我地兩個嘅感情都好好，我諗唔通點解會咁，我係咁求佢唔好番香港。跟住佢同我講，佢一次同我講，話覺得同我一齊好似已經唔係因為愛我，佢覺得佢欠左我先同我一齊，同我一齊係因為責任而唔係愛。但係我話，唔緊要，我地重新開始，話唔定佢番左香港，大家分開住，會更加珍惜大家。最後我原諒左佢，我地仲約法三章。佢都忍心將一直跟住佢，佢好錫嘅狗交左比我，想我安心等佢番香港。我都好愛隻狗，當左隻狗係我自己個仔一樣。佢番香港之前，好勤力咁陪我練車，係佢番香港前一日。我終於考到車牌。果晚我成晚冇訓，因為我好唔捨得佢，第二日送佢機，我本來想忍住係佢面前喊，我偷偷地係機場廁所喊完先出黎，但係當佢入閂果陣，我都係忍唔住，攬住佢狂喊。我真係唔知點解我會咁愛呢個男人。我唔係一個好鐘意開車嘅女仔，我好驚速度，我好驚死，所以我去左咁多年，學左咁多年車先考到車牌。之前每次開車都有佢坐係我隔離。但係佢走左之後我要自己一個開車，佢走左之後幾日，我就撞爛左車前面個bumper，果日番到屋企，我狂喊，我覺得自己好冇用。自此，我情緒病開始發作，我幾乎每一日都喊。有次我打番香港同佢講，我好需要睇心理醫生，我每日都過得好辛苦，幾乎晚晚失眠。後來我仲同佢嘈交，我係咁要佢番黎陪我睇醫生。之後佢應承我，佢係香港番工三個月試用期過左之後，就會番黎陪我睇醫生，跟住我精緒先好番啲。之後我地都有keep 住傾電話。我大學下學期冇咩堂要上，所以呢段時間我生活好似顛倒左咁。因為我同佢有時差問題，我每一日都訓到晏晝，等香港時間早上起身，佢同我講早晨，之佢番工。然後我等到我呢邊好夜，差唔多每一日都等佢6點放工，有時候會傾下計，陪到去搭車番到屋企。我地每一晚都會講「 I love you, good night!」但係呢種生活，令到我情緒一日比一日更差，加上下學期我冇咩堂要上，因為最後一年，我大部份朋友好忙。所以我基本上日日都係屋企。事實上，愈屈係屋企我就愈諗埋一邊。我有時要求好過份，我想佢每日都同我講「Good Night!」先訓。但係好多時我會成晚都訓唔到，要早上訓，晏晝再起身，等佢同我講早晨。我好執著「Good Night!」呢個字，因為之前同佢同居果兩年，我地差唔多每一晚都講「Good Night, Love You!」之後一個kiss 先訓。所以佢唔係我身邊，我聽到佢講「Good Night!」我就覺得好安心，好有安全感。終於過左三個月試用期，但係佢話佢番唔到黎陪我睇心理醫生。我當時好唔理智，亦都冇體諒佢。我又因為佢冇同我講「Good Night」，同佢又嘈左場大交，我好隨便咁同佢講分手。之後，佢失左蹤兩個星期，我完全搵唔到佢。我知道佢唔番黎陪我，我個人好似癲左咁，我好想死，我又

[圖擷取自網路，如有疑問請私訊]