去泰昌買蛋撻, 要睇睇時機

自從泰昌俾稻香收購之後, 大家對佢既評價都比較負面。 sponsored 我覺得佢最大既問題係, d蛋撻成日擺到凍曬, 唔新鮮。 尤其係人流較疏既分店(例如大埔中心、屯門建生店), 去貨慢, d撻成日望落好似擺到出曬水、 面頭有浸膠咁, 蛋漿又塌左落去, 凝固到實一實。 平心而論,若出爐無耐買, 質素雖不及擺花街白頭佬年代, 但仍算係唔錯既水平。 我多數會去旺店買(例如青衣站、屯門市廣場)。 個日去到,見到個櫃得返幾個牛油皮, 因預計呢d旺店出爐出得較密, 所以決定唔買住,等一等先。 (咪信d店員叫賣話新鮮出爐) 結果都係等左五分鐘左右就出爐。 sponsored 蛋漿仲係脹卜卜, 唔會太甜,蛋香都算有 但比全盛時期既金華低一班。 不過,我最中意佢個皮, 夠厚, 牛油香相對上出d, 咬落有曲奇餅既feel。 其實,出爐即食都唔係最好,等多十分鍾就差唔多喇。 好似好傻的嗎,食個撻都咁多野講, 因我真係好中意食。 只會食祥香同泰昌, 新華而家都好少去。sponsored


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁